News Portal

  • चाँगुनारायणमा जुवाकै खालबाट साढे तीन लाख नगदसहित ९ जुवाडे पक्राउ

    भक्तपुरपोस्ट संवाददाताचाँगुनारायण, १५ साउन २०७७
    ८७५ पटक
    चाँगुनारायण, १५ साउन २०७७

    भक्तपुर । चाँगुनारायण नगरपालिका वडा नं. ९ फैढोकामा जुवाको खालबाट ९ जुवाडे पक्राउ परेका छन् । बिहिवार स्थानीय सरोज थापाले कुखुरा पालनका लागी बनाएको टहरामा तास खेलिरहेको अवस्थामा उनीहरु पक्राउ परेका हुन् ।

    जुवाको खालबाट प्रहरीले ९ बुक ताससँगै तीन लाख अड्तीस हजार तीन सय पैतीस रुपैया बरामद गरेको छ । तास खेलिरहेका छन् भन्ने बिशेष सूचनाको आधारमा महानगरीय प्रहरी परिसर भक्तपुरबाट प्रहरी निरीक्षक भगवती तिमिल्सेनाको कमाण्डमा खटिएको टोलिले पक्राउ गरेको हो ।
    प्रहरीले टहरोलाई घेराबन्दी गरी जुवा खेलिरहेका ९ जनालाई नियन्त्रणमा लिएको हो । उनीहरुमाथि थप अनुसन्धान भइरहेको प्रहरीले जनाएको छ ।

    महानगरीय प्रहरी परिसर भक्तपुरका सूचना अधिकारीसमेत रहेका डीएसपी दिपक गिरीका अनुसार पक्राउ पर्नेहरुमा काभ्रेपलाञ्चोक मण्डनदेउपुर– ५ घर भई हाल भक्तपुर कमलबिनायक बस्ने ३९ वर्षीय सागर लामिछाने, काभ्रेपलाञ्चोक चौरी देउराली– २ घर भई हाल भक्तपुर कमलबिनायक बस्ने ४० वर्षीय श्याम शाक्य र रामेछाप दोरम्बा– ३ घर भई हाल काठमाडौं सुन्धारा बस्ने २९ वर्षीय सुमन श्रेष्ठ रहेका छन् ।

    यस्तै, ओखलढुंगा खिजीकाति– ९ घर भई हाल भक्तपुर ब्यासी बस्ने ३९ वर्षीय आशिष खत्री, काभ्रेपलाञ्चोक बनेपा–९ घर भएका ४७ वर्षीय दान बहादुर सुवाल, रामेछाप दोरम्बा– ४ घर भई हाल भक्तपुर कमलबिनायक बस्ने २९ वर्षीय चेत बहादुर थापा मगर र काभ्रे चौरीदेउराली–३ घर भई हाल काठमाडौं बानेश्वर बस्ने २९ वर्षीय समीर तामाङ रहेका छन् ।

    पक्राउ पर्नेमा मकवानपुर हेटौडा– १८ घर भई हाल भक्तपुर लोकन्थली बस्ने ३३ वर्षीय कृष्ण बहादुर मोक्तान र रामेछाप दोरम्बा– ३ घर भई हाल काठमाडौं ठुलो भर्याङ बस्ने २८ वर्षीय नारायण थापा मगर रहेका छन् ।

    प्रतिकृया दिनुहोस्

    भाउजू बलात्कार गरेको अभियाेगमा देवर पक्राउ

    झारफुक गर्ने बहानामा भाउजूलाई बलात्कार गरेको अभियाेग लागेका एक युवक पक्राउ परेका छन् । भाउजूकाे...

    शक्ति सञ्चयको स्वरुप मानिने कालो रङका यी अन्नबालीहरु लोप हुने अवस्थामा

    हिमाली जिल्ला हुम्लामा हुने कालो रङका अन्न बालीहरु दिन प्रतिदिन लोप हुन थालेको एक अध्ययनले...

    ट्रम्प प्रशासनद्वारा चार ट्यांकर नियन्त्रण

    अमेरिकी ट्रम्प प्रशासनले इरानी इन्धन बोकेर भेनेजुएलातर्फ गइरहेका चारवटा इरानी कार्गो ट्यांकर नियन्त्रणमा लिएको छ...

    सिन्धुपाल्चोक पहिरो अपडेट : १३ काे मृत्यु, ११ को सनाखत

    भक्तपुर । सिन्धुपाल्चोकको जुगल गाउँपालिकाको लिदी गाउँमा पहिरोमा पुरिएर मृत्यु हुनेको संख्या १३ पुगेको छ...

    वैदेशिक रोजगार विभागको काम स्थगन

    काठमाडौं, ३१ साउन । वैदेशिक रोजगार विभागले विभागका अत्यावश्यक बाहेकका सबै सेवा तत्कालका लागि स्थगन...