News Portal

  • डिभिजन सडक कार्यालय भक्तपुरका प्रमुखसहित ३ कर्मचारीहरुकाे बिदाइ

    भक्तपुरपोस्ट संवाददाता भक्तपुर, २२ साउन
    ७२७ पटक
    भक्तपुर, २२ साउन

    डिभिजन सडक कार्यालय भक्तपुरका प्रमुख विष्णुप्रसाद काफ्ले सेवा निवृत्त भएका छन् । बुधवार कार्यालयले उनको सुखद निवृत्त जीवनको शुभकामना सहित बिदाइ गरेको छ ।

    बिदाइ कार्यक्रममा इन्जिनियर जीवराम अधिकारीले कार्यालय प्रमुख काफ्लेबाट नयाँ पुस्ताले धेरै कुरा सिक्नुपर्ने बताए । हचुवाको इस्टिमेट कहिल्यै स्वीकार नगर्ने उनी प्रमाण र डकुमेण्टमा मात्र बिस्वास गर्ने स्वभावका रहेकाले इस्टिमेटमा कहिल्यै धोका नभएको अधिकारीले अनुभव सुनाए । कामप्रति पूर्ण जिम्मेवारी बहन गर्ने प्रमखका रुपमा मन्त्रालयमा परिचित काफ्ले स्थानीय समुदायलाई आफ्नो पक्षमा सजिलै पार्न सक्ने क्षमताका भएको उनको भनाइ छ । कार्यक्रममा लेखा अधिकृतले कार्यालय प्रमुखका रुपमा काफ्ले शालीन,भद्र र बौद्धिक भएको बताए । आर्थिक प्रशासनको काममा काफ्लेले कहिल्यै दबाब नदिएको उनकाे दावी छ ।

    उक्त अवसरमा उपस्थित कर्मचारीले काफ्लेको कार्यकालमा भक्तपुर सडक एक परिवार जस्तै हासिखुसी मिलेर काम गरेको भन्दै उनको आवश्यकता आफूहरुलाई महसुस भैरहने भनेका थिए । बुधवारबाट निवृत्त भएका प्रमुख काफ्लेले जागिर खाएपछि अवकाश हुने सामान्य प्रक्रिया भएकोले यो सबैमा लागू हुने भन्दै अवकाशपूर्व आफ्नो कार्यकाल राष्ट्रसेवामा अविस्मरणीय बनाइराख्नुपर्ने आवस्यकता औल्याए । बि.स.२०४४ सालमा मनाङ्गबाट सरकारी सेवा प्रवेश गरेका उनले अनिवार्य अवकास प्राप्त गरेका हुन् । भक्तपुर आउनु अघि उनले बिभिन्न डिभिजन र परियोजना प्रमुखको जिम्मेवारी सफलतापूर्वक पूरा गरेका थिए । कान्ति राजपथमा राजा महेन्द्रपछि गाडी पुर्याएकाे श्रेय उनले पाएका छन् ।

    बुधवार डिभिजन सडकले आफ्ना प्रमुख काफ्लेसंगै अन्य २ कर्मचारीको पनि बिदाइ गरेको छ । स्वेच्छिक अवकाश लिएका शाखा अधिकृत टीकाराम गेलाल र बढुवा भइ मध्यपहाडी लोकमार्गमा पोस्टिङ्ग भएकी इन्जिनियर बिन्दु अधिकारीको बिदाई कार्यक्रम समेत सम्पन्न भएको हो ।

    प्रतिकृया दिनुहोस्

    सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ...

    निषेधाज्ञा खुलेसँगै थपिए कोरोना सङ्क्रमित , तेस्रो लहर आउनसक्ने चेतावनी

    निषेधाज्ञा खुलेसँगै कोरोना भाइरस सङ्क्रमणको दर पनि बढेको छ । पछिल्लो एक हप्ताको तथ्याङ्क हेर्दा...

    फेरी बढ्यो सुनचाँदीको मुल्य

    नेपाली बजारमा सुनचाँदीको मुल्य फेरी बढेको छ । आज छापावाला सुन तोलामा ३ सय रुपैयाँ...

    पुष्पलाल स्मृति दिवसको प्रवचन कार्यक्रममा प्रचण्ड माधव र विप्लवका नेता एकै ठाउमा

    नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’देखि नेपाल कम्युनिस्ट पार्टीका महासचिव नेत्रविक्रम चन्द ‘विप्लव’सम्म आज...

    बिजुक्छेसंग उत्तर कोरियाली राजदुतले खोले आन्तरिक कुरा

    नेपालका लागि प्रजातान्त्रिक जनगणतन्त्र कोरियाका राजदूत जो योङ मानले आफ्नो देशको आणविक शक्तिबारे अवगत गराएका...