News Portal

  • मुसहर बस्तीमा आक्रमण गर्ने ६ जनालाई आत्महत्या दुरुत्साहनमा अनुसन्धान

    विराटनगर, २४ साउन
    ८५७ पटक
    विराटनगर, २४ साउन

    मोरङको बुढीगंगा गाउँपालिका–२ मुसहरी बस्तीमा आक्रमण गर्ने ६ जनालाई प्रहरीले शुक्रबार पुनः पक्राउ गरेको छ । घटनामा संलग्न १२ जनाविरुद्ध ज्यान मार्ने उद्योग कसुरमा किटानी जाहेरी दर्ता भएसँगै ६ जना पक्राउ परेका हुन् । अन्य ६ जना भने फरार छन् ।

    पक्राउ पर्नेमा विराटनगर महानगरपालिका–१४ का १८ वर्षीय दीपक साह, २५ वर्षीय ब्रह्मदेव यादव, २६ वर्षीय सञ्जय यादव, ३२ वर्षीय विन्दु यादव, ३६ वर्षीय उत्तिमलाल यादव र ४५ वर्षीय राजदेव यादव छन् । स्थानीय वैजनाथ यादवले १९ साउनको राति भाडामा मगाएका गुन्डाहरूले मुसहर बस्तीमा प्रवेश गरी पाँचजनालाई तरबार, भाला र रडले मरणासन्न हुने गरी आक्रमण गरेका थिए । घटनालगत्तै पुगेको प्रहरीले पाँच आक्रमणकारीलाई पक्राउ गरेको थियो । प्रहरीले दोषीमाथि कारबाही गर्नुको सट्टा मिलापत्र गराएर घटना ढाकछोप गर्ने प्रयास गरेको थियो । त्यसमा स्थानीय बासिन्दाले असहमति जनाउँदै विरोध गरेपछि इलाका प्रहरी कार्यालय निमुवाले पक्राउ गरिएकाहरूलाई जिल्ला प्रहरी कार्यालय पठाएको थियो ।

    जिप्रकाले मुद्दा नै दर्ता नगरी उनीहरूलाई २० साउनमा विराटनगर–१४ का निमित्त वडाध्यक्ष महिचन यादवको रोहवरमा छाडेको थियो । आक्रमणकारीहरूलाई प्रहरीले छाडेपछि पीडित परिवारकी एक त्रसित महिलाले बिहीबार आत्महत्या गरेकी थिइन् ।

    बुढीगंगा गाउँपालिका–२ का ३५ वर्षीय रञ्जित यादव, ४० वर्षीय वीरेन्द्र गडेरी, २५ वर्षीय धीरेन गडेरी, २५ वर्षीय सुरेन गडेरी, ३० वर्षीय चलमलिया यादव र अर्का एकजना अझै फरार छन् । उनीहरूको खोजी तीव्र रूपले भइरहेको प्रहरीले जनाएको छ ।

    आत्महत्या दुरुत्साहन कसुरमा पनि अनुसन्धान गर्ने

    मध्यराति जघन्य आक्रमणबाट आमा घाइते भएपछि त्रासका कारण २४ वर्षीया उर्मिला ऋषिदेवले आत्महत्या गरेकी थिइन् । सो घटनाबारे पनि अनुसन्धान गर्ने मोरङ प्रहरी प्रमुख सन्तोष खड्काले प्रतिबद्धता जनाएका छन् । शुक्रबार दलित अगुवालाई एसपी खड्काले घटनामा संलग्न सबैलाई कानुनी दायरामा ल्याउने र आत्महत्याको घटना पनि अनुसन्धान गरेर दुरुत्साहन कसुर पाइएमा थप कानुनी कारबाही चलाउने बताए ।

    जाहेरी दर्तापछि पीडितले शव बुझे

    मुसहर बस्तीमा गुन्डा लगाएर मध्यराति आक्रमण गर्नेलाई पक्राउ गरेर कानुनी कारबाही नचलाएसम्म आत्महत्या गरेकी उर्मिलाको शव नबुझ्ने अडान दलित अगुवाले लिएका थिए । प्रहरी प्रमुखले घटनाका आरोपीलाई पक्राउ गरेर अदालतमा म्याद थप गराई आत्महत्याको घटनामा पनि अनुसन्धान गर्ने प्रतिबद्धता जनाएपछि शव उठाइएको छ । शुक्रबार विराटनगरमा भएको दलित अगुवाको भेलाले कडा संघर्ष गर्ने निर्णय गरेको थियो । (नयाँ पत्रिकाबाट)

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...