News Portal

  • भक्तपुर अस्पतालको आइसोलेसनबाट ७ दिनमै ७ जना काेराेना संक्रमित डिस्चार्ज

    हिना सुवाल / भक्तपुरपोस्ट भक्तपुर, १२ भदाै
    ४८९ पटक
    भक्तपुर, १२ भदाै

    भक्तपुरमा ७ जना संक्रमितले कोभिड १९ माथि बिजय प्राप्त गरेका छन् । भक्तपुर अस्पतालद्वारा दुधपाटीस्थित कोभिड ब्लक र खरिपाटीस्थित नेपाल विद्युत प्राधिकरणको तालीम केन्द्रमा संचालित आइसोलेसन सेन्टरबाट ७ जना कोरोना संक्रमित निको भएका हुन् ।

    अस्पतालको आइसोलेसनबाट एकजना भारतीय नागरिक, एक काठमाडौंबासी तथा पाँचजना स्थानीयले कोभिड १९ माथि बिजय प्राप्त गरेका हुन् । सन्चो भएपछि उनीहरुलाई बिहीवार साँझ डिस्चार्ज गरिएको अस्पताल व्यवस्थापन समितिका अध्यक्ष मिलन सुवालले बताए ।

    आइसोलेसनमा बसेको ७ दिनमै ७ जनाले कोभिड १९ लाई जितेका हुन् । दुधपाटीबाट ४ र खरिपाटीबाट ३ जनाले कोभिड १९ लाई जितेका हुन् । कोभिड १९ माथि विजय प्रात गर्नेमा भक्तपुर नगरपालिका घर भएका ४ जना र सूर्यविनायक बस्ने १ जना छन् । त्यसैगरी करिब ४० वर्षीय एक भारतीय नागरिक समेत कोरोना मुक्त भएका छन् भने कोटेश्वरकी एक ३४ वर्षिया महिलाले पनि कोभिड १९ माथि विजय प्राप्त गरेकी छन् ।यसरी कोभिड लाई जित्नेमा २३ वर्ष देखि ४७ वर्ष सम्मका मानिसहरु छन् । जसमा दुईजना महिला हुन् ।

    अध्यक्ष सुवालका अनुसार भक्तपुर अस्पतालले ओपिडी सेवा बन्द गरी अस्पताललाई कोभिड १९ उपचारमा केन्द्रीत गरेको छ । उनले खरिपाटी स्थित आइसोलेसनमा सोह्र जना र दुधपाटीस्थित कोभिड ब्लकमा ३ जना अझै आइसोलेसनमा रही स्वास्थ्य लाभ गरिरहेका जानकारी गराए । उनका अनुसार अस्पतालको दुधपाटीमा ३० र खरीपाटीमा २०८ संक्रमित राखी उपचार गर्नसक्ने क्षमता रहेको छ र अझै ३ सय शैया बिस्तार गर्ने क्रममा रहेको समेत उनले बताए ।

    प्रतिकृया दिनुहोस्

    भक्तपुरका घिमिरे सहसचिवमा सिफारिस

    निराजन nirajan ghimire

    भक्तपुर घर भएका उपसचिव निराजन घिमिरे सहसचिवमा बढुवा सिफारिस भएका छन् । सूर्यविनायक नगरपालिका वडा...

    धन र डनको राजनीति गर्नेलाई लखेट्न प्रचण्ड निर्देशनपछि महेश बस्नेत आक्रोशित

    राष्ट्रिय युवा संघ नेपालका इन्चार्ज समेत रहेका नेकपा (एमाले) का नेता एवं सांसद महेश बस्नेत...

    भक्तपुरका गैरसरकारी संस्थाले समेत ‘सूचना अधिकारी’ तोक्नुपर्ने

    CDO rudra sharma

    भक्तपुरकी प्रमुख जिल्ला अधिकारी रुद्रादेवी शर्माले जिल्लास्थित गैरसरकारी कार्यालयहरुको सूचना सस्प्रेषणमा कडाइ गरेकी छन् ।...

    १६ मन्त्री र २ राज्यमन्त्रीले लिए शपथ,उत्साह र इमानदारिताका साथ काम गर्न निर्देशन

    शेरबहादुर देउवा नेतृत्वको मन्त्रिपरिषदमा नवनियुक्त १६ मन्त्री र २ राज्यमन्त्रीले शुक्रबार पद तथा गोपनीयताको शपथ...

    भक्तपुरमा प्रचण्डले भने – ‘धन र डनको आडमा माओवादीलाई कमजोर पार्ने नसोचे हुन्छ’

    पूर्व प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आफ्नो पार्टी धन र डन...