News Portal

  • भक्तपुरका हाछेथु ललितपुर महानगरकाे प्रहरी प्रमुख

    भक्तपुरपोस्ट संवाददाता भक्तपुर, १५ भदौ
    ८९७ पटक
    भक्तपुर, १५ भदौ

    भक्तपुर घर भई सेवा निवृत्त जीवन बिताइरहेका पूर्व प्रहरी निरीक्षक सीताराम हाछेथुले नयाँ जिम्मेवारी पाएका छन् । ललितपुर महानगरपालिकाले ट्राफिक प्रहरीका पूर्वप्रहरी निरीक्षक हाछेथुलाई महानगर प्रहरी प्रमुखको जिम्मेवारी दिएको छ ।

    राजधानीको ट्राफिक व्यवस्थापन गर्न निकै सक्षम र सफल मानिएका हाछेथुलाई नगर प्रहरीका साथै ललितपुर बारुण यन्त्र दमकलको समेत तोकी महानगरले आइतबार नियुक्ती प्रदान गरेको हो ।

    ललितपुर महानगरपालिकाका प्रमुख चिरीबाबु महर्जनले नगर प्रहरीको क्षमतालाई अझैं चुस्त बनाउन उनलाई ल्याएको बताए । हाछेथुको कार्य क्षमता, काम गर्ने शैलीबाट जनता प्रभावित रहेको कारणले उनलाई यो जिम्मेवारीमा ल्याएको महानगर प्रमुख महर्जनको भनाइ छ ।

    २९ वर्ष लामो जागिरे जीवन ट्राफिक ब्यवस्थापनकाे क्षेत्रमा बिताएका हाछेथु २०७५ साल मंसिर महिनामा ट्राफिक प्रहरीको सेवाबाट निवृत्त भएका हुन् । हाछेथु आफ्नाे कार्यकालमा जनस्तरमै लाेकप्रिय रहेका थिए । उनले ट्राफिक व्यवस्थापनकाे क्षेत्रमा सफलता प्राप्त गर्नुका साथै निकैधेरै प्रसंसा र पुरस्कारहरु समेत पाएका छन् । सेवा निवृत्त भएपछि पनि उनी ट्राफिक व्यवस्थापनकाे विषयलाइ लिएर चासाे र चिन्ता ब्यक्त गरिरहेका देखिन्छन् ।

    नयाँ जिम्मेवारी प्राप्त भएकोमा हाछेथुले भने, ‘राजधानीका जनताले मैले गरेको कामलाई मनैदेखि मनपराइदिनु भएको छ । त्यसैको प्रतिफल स्वरुप यो नयाँ जिम्मेवारी पाएको छु , आगामी दिनमा अझै सक्रियतापूर्वक महानगर र जनताको अपेक्षा पूरा गर्ने प्रतिबद्धता प्रकट गर्दछु। ”

    प्रतिकृया दिनुहोस्

    अनेसासको वरिष्ठ उपाध्यक्ष पदमा सुप्रसिद्ध कवि लालगोपाल सुवेदीको उम्मेद्वारी

    अन्तर्राष्ट्रि« नेपाली साहित्य समाज –अनेसास) को आगामी कार्यकाल २०२२–२०२४ का लाग साहित्यकार सुप्रसिद्ध तथा सर्वप्रिय...

    रवि लामिछानेको राष्ट्रिय स्वतन्त्र पार्टी आयोगमा दर्ता

    रवि लामिछाने नेतृत्वको राष्ट्रिय स्वतन्त्र पार्टी निर्वाचन आयोगमा दर्ता भएको छ । पूर्व सञ्चारकर्मी रवि...

    शिक्षा नै कानुनी शासन स्थापनाका लागि प्रमुख आधार होःराष्ट्रपति भण्डारी

    राष्ट्रपति विद्यादेवी भण्डारीले कानुनी शिक्षा नै कानुनी शासन स्थापनाका लागि प्रमुख आधार रहेको बताएकी छन्...

    मन्त्री फिर्ता बलाउने कुनै निर्णय गरेको छैनः उपेन्द्र यादव

      जनता समाजवादी पार्टी (जसपा) का अध्यक्ष उपेन्द्र यादवले आफूहरूले मन्त्री फिर्ता बलाउने वा नयाँ...

    भारतको मणिपुरमा रेलवे साइटको भग्नावशेषमा पुरिएर १४ जनाको मृत्यु

    भारतको मणिपुरको नोनी जिल्लामा एक निर्माणाधीन रेलवे साइटको भग्नावशेषमा पुरिएर १४ व्यक्तिको मृत्यु भएको छ...