News Portal

  • पुल्चोकमा ट्राफिक प्रहरीलाई कुटेको आरोपमा भक्तपुरका श्रेष्ठसहित ९ समातिए

    भक्तपुरपोस्ट संवाददाता भक्तपुर, १८ भदौ
    २३०६ पटक
    भक्तपुर, १८ भदौ

    ललितपुरको पुल्चोकमा ट्राफिक प्रहरीलाई कुटपिट गरेको आरोपमा ९ जना पक्राउ परेका छन् । पक्राउ पर्नेमा ७ जना ललितपुरका स्थानीय हुन् भने एक जना भक्तपुर र अर्का काठमाडौंका युवा रहेका छन् ।

    बिहीवार निषेधाज्ञा उल्लंघन गरी रातो मच्चिन्द्रनाथको रथ तान्न पुगेका मानिसहरुलाई प्रहरीले दमन गरेपछि झडप भएको थियो । झडपमा परी दुवैतर्फ घाइते भएका छन् भने आक्रोसित भिडले ड्युटीमा रहेका ट्राफिक प्रहरी जवानलाई निर्घात कुटपिट गरेको भिडिओ भाइरल भैरहेको छ ।

    उक्त भिडले मोटरसाइकलमा सवार ट्राफिक प्रहरी जवान कोमलप्रसाद घिमिरेलाई निर्घात कुटपिट गरेको भिडिओमा देखिन्छ । कुटपिटमा संलग्न ९ लाई पहिचान गरिएको र पक्राउ गरेर ललितपुर प्रहरी परिसरमा ल्याइएको डीएसपी सन्तोष तामाङले जानकारी दिएका छन् ।

    डीएसपी तामाङले दिएको जानकारी अनुसार भक्तपुरको मध्यपुर थिमि नगरपालिका वडा नम्बर ९ का ३२ वर्षीय युवक श्याम श्रेष्ठ पनि कुटपिटको आरोपमा समातिएका छन् । पक्राउ पर्ने अन्यमा ललितपुर महानगरपालिका १६ गावाहालका ४० वर्षीय महेश बज्राचार्य र ४० वर्षीय रविन शाक्य, वडा नम्बर ११ बंगलामुखीका ३९ वर्षीय पृथविन्दु महर्जन र वडा नम्बर २१ का ३८ वर्षीय अशोजकुमार महर्जन छन्।

    त्यस्तै, वडा नम्बर ६ का ३६ वर्षीय रवि शाक्य, महालक्ष्मी नगरपालिका १ इमाडोलका ४३ वर्षीय सुविन शाक्य, इमाडोलकै ध्रुवराज बज्राचार्य र काठमाडौं महानगरपालिका १६ का ४० वर्षीय यादवलाल कायस्थ रहेको बताइएको छ ।

    प्रतिकृया दिनुहोस्

    भक्तपुरका घिमिरे सहसचिवमा सिफारिस

    निराजन nirajan ghimire

    भक्तपुर घर भएका उपसचिव निराजन घिमिरे सहसचिवमा बढुवा सिफारिस भएका छन् । सूर्यविनायक नगरपालिका वडा...

    धन र डनको राजनीति गर्नेलाई लखेट्न प्रचण्ड निर्देशनपछि महेश बस्नेत आक्रोशित

    राष्ट्रिय युवा संघ नेपालका इन्चार्ज समेत रहेका नेकपा (एमाले) का नेता एवं सांसद महेश बस्नेत...

    भक्तपुरका गैरसरकारी संस्थाले समेत ‘सूचना अधिकारी’ तोक्नुपर्ने

    CDO rudra sharma

    भक्तपुरकी प्रमुख जिल्ला अधिकारी रुद्रादेवी शर्माले जिल्लास्थित गैरसरकारी कार्यालयहरुको सूचना सस्प्रेषणमा कडाइ गरेकी छन् ।...

    १६ मन्त्री र २ राज्यमन्त्रीले लिए शपथ,उत्साह र इमानदारिताका साथ काम गर्न निर्देशन

    शेरबहादुर देउवा नेतृत्वको मन्त्रिपरिषदमा नवनियुक्त १६ मन्त्री र २ राज्यमन्त्रीले शुक्रबार पद तथा गोपनीयताको शपथ...

    भक्तपुरमा प्रचण्डले भने – ‘धन र डनको आडमा माओवादीलाई कमजोर पार्ने नसोचे हुन्छ’

    पूर्व प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आफ्नो पार्टी धन र डन...