News Portal

  • नपलीमा एक गृहिणी महिलामा कोरोना पोजेटिभ पुष्टि भएपछि स्थानीय चिन्तित

    हिना सुवाल / भक्तपुरपोस्ट भक्तपुर, २० भदौ
    २४२५ पटक
    भक्तपुर, २० भदौ

    फाइल फाेटाे

    भक्तपुर नगरपालिका वडा नम्बर १ नपली सृजनानगरस्थित एक कोरोना संक्रमितको कन्ट्याक्ट ट्रेसिंग हुन नसकेपछि स्थानीय चिन्तित बनेका छन् । प्राय बाहिर ननिस्कने एक ४२ वर्षया गृहिणी महिलामा कोरोना पोजेटिभ पुष्टि भएपछि स्थानीय चिन्तित बनेका हुन् ।

    कोरोना भाइरस संक्रमण (कोभिड १९) को लक्षण देखिएपछि भक्तपुर अस्पताल पुगेकी उनको स्वाब परीक्षण गर्दा शुक्रवार कोरोना पोजेटिभ पुष्टि भएको हो । उनी संगै स्वाब दिएका उनका श्रीमानमा भने संक्रमण नदेखिएको जानकारी प्राप्त भएको छ ।

    संक्रमित महिला हाल नपली स्थित निवासमै होम आइसोलेसनमा रहेकी छन् । उनलाई चिकित्सकीय निगरानीको व्यवस्था नभएको र परिवारको स्वाब परीक्षणमा समेत चासो नदिइएको स्थानीयको गुनासो छ । स्वास्थ्यकर्मी समेत रहेका गायक एवं सामाजिक अभियन्ता कपिल कस्पालले कोभिड संक्रमितको परिवार र कन्ट्याक्ट ट्रेसिंगमा परेका सबैको स्वाब परीक्षण गरिनुपर्ने बताएका छन् । उनले बाहिर धेरै ननिस्कने गृहिणीमा कोरोना पुष्टि हुनुले समुदायमा कोरोना रहेको हुनसक्ने आशंका प्रकट गरे । नपलीका स्थानीय समेत रहेका कस्पालले उक्त क्षेत्रमा रहेका किराना, डेरी, तरकारी पसल लगायत समुदायमा रहेका अन्यमा समेत कोरोना परीक्षण गरिनुपर्ने बताए ।

    यस सम्बन्धमा जिल्लास्थित जनस्वास्थ्य कार्यालयका प्रमुख कृष्णबहादुर मिजारसंग सम्पर्क गर्दा उनले कन्ट्याक्ट ट्रेसिंग र परीक्षणको कार्य नगरपालिकाको भएको बताए । भक्तपुर १ का जनप्रतिनिधिसमेत रहेका स्थानीय सूर्यप्रसाद श्रेष्ठका अनुसार संक्रमित पुष्टि भएकी महिलाको घर सिल गरिसकिएको छ भने उनको सम्पर्कमा रहेकाको कन्ट्याक्ट ट्रेसिंग गर्ने कार्यका लागि वडा सचेत छ । कन्ट्याक्ट ट्रेसिंग र परीक्षण ३ देखि ७ दिन भित्र गरिसक्नुपर्ने मापदण्ड रहेको भन्दै कन्ट्याक्ट ट्रेसिंग र परीक्षण नै हुँदैन कि भन्ने आशंका नगर्न वडा सदस्य श्रेष्ठले स्थानीयलाई अनुरोध समेत गरेका छन् ।

    प्रतिकृया दिनुहोस्

    माओवादी केन्द्रका केन्द्रीय सदस्य एवं भक्तपुरका नेता ढकालले दिए पार्टीलाई ६ बुँदे सुझाव

    नेकपा (माओवादी केन्द्र) का केन्द्रीय सदस्य रहेका भक्तपुरका युवा नेता डिपी ढकालले पार्टी लाई ६...

    विश्वविद्यालयको पठनपाठनमा अवरोध हुने गतिविधि राम्रो होइनः शिक्षामन्त्री पौडेल

    शिक्षा, विज्ञान तथा प्रविधिमन्त्री देवेन्द्र पौडेलले विश्वविद्यालयहरूमा तालाबन्दी लगाउने काम हुन नदिन सरकार सचेत रहेको...

    भारतीय दूतावासका भारतीय सुरक्षा गार्डद्धारा आफैँलाई गोली हानी आत्महत्या

    काठमाडौँको लैनचौरस्थित भारतीय दूतावासमा कार्यरत भारतीय सुरक्षा गार्डले ड्युटी समयमै आफैँलाई गोली हानी आत्महत्या गरेका...

    एसपीपीमा संलग्न भएको प्रमाण देखाउन ओलीको माग

    नेकपा एमालेका अध्यक्ष केपी शर्मा ओलीले एसपीपीमा सहभागि हुने विषयमा सुशील कोइराला नेतृत्वकै सरकारले एसपीपीमा...

    इनफ इज इनफः केपी ओली

    नेकपा एमालेका अध्यक्ष केपी शर्मा ओलीले सत्तारूढ दलका नेताहरूलाई अमेरिकासँग भएको स्टेट पार्टनरशिप प्रोग्राम (एसपीपी)...