News Portal

  • सांसद सुवालमा काेराेना संक्रमण पुष्टि भएकाे छैन

    हिना सुवाल / भक्तपुरपोस्ट भक्तपुर, २० भदौ
    २६९८ पटक
    भक्तपुर, २० भदौ

    नेपाल मजदुर किसान पार्टीका केन्द्रीय सचिवसमेत रहेका भक्तपुर १ का निर्वाचित संघीय सांसद प्रेम सुवालमा कोरोना भाइरस संक्रमण (कोभिड १९) पुष्टि नभएको पाइएको छ । सामाजिक संजालमा सांसद सुवाललाई कोरोना संक्रमण भएको हल्ला चलिरहँदा यसको पुष्टि भने भएको छैन ।

    नेमकिपाका केन्द्रीय सदस्य समेत रहेका वडा नम्बर ९ का वडाध्यक्ष रवीन्द्र ज्याख्वले पार्टी सचिव समेत रहेका सांसद सुवालमा संक्रमण पुष्टि नभएको बताए । भक्तपुर पोस्टसंग कुरा गर्दै उनले भने ” आज बेलुकी सम्म स्वास्थ्य मन्त्रालयको संक्रमित विवरणमा उहाँको नाम छैन । उहाँमा कोभिड पुष्टि भएको छैन ।” रोग लुकाएर नलुक्ने र लुकाउनुपर्ने आवश्यक पनि नभएको भन्दै उनले आशंकाको भरमा कसैलाई संक्रमित करार गर्नु पनि नहुने जिकिर गरे ।

    नेता ज्याख्वले दिएको जानकारी अनुसार पार्टीका आधा दर्जन नेताहरु कन्ट्याक्ट ट्रेसिङमा परेका थिए । त्यसयता गत १४ गते देखि नै उनीहरु होम आइसोलेसनमा रहेका छन् । गत १४ गते कोभिड पुष्टि भएका वडा नम्बर ४ का एक संक्रमितसंग सम्पर्कमा रहेका कारण उनीहरु आफै होम आइसोलेसनमा रहेका नेता ज्याख्वको भनाइ छ । ” म आफैं पनि हाेम आइसाेलेसनमा छु ।” उनले भने ।  भक्तपुर नगरपालिकाद्वारा संचालित जनस्वास्थ्य केन्द्रमा केहिदिन अघि उनीहरुले स्वाब दिएका र त्यसमध्ये सांसद सुवाल सहित २ जनाको रिपोर्ट अझै प्राप्त हुन नसकेको सूचना प्राप्त भएको छ ।

    ल्याबबाट पोजेटिभ र नेगेटिभ कुनै रिपोर्ट प्राप्त नभएपछि सांसद सुवाल लगायत २ जनाको पुन: स्वाब लिइएको बताइएको छ । रिपोर्ट नआएको कारण सांसद सुवाल होम आइलोलेसनमै रहेका र उनी वास्तवमै संक्रमित भएको आशंका गरिएको हुनसक्ने पारिवारिक श्रोतले समेत जनाएको छ ।

    सांसद सुवाल उनको औधोगिक क्षेत्रस्थित निवासमा होम आइसोलेसनमा रहेका छन् । उनको परिवारमा बुवा, श्रीमती, १ छोरा, बुहारी र नाती रहेका छन् । परिवारसंग छुट्टिएर उनले आइसोलेसन मेन्टेन गरिरहेका जानकारी प्राप्त भएको छ ।

    प्रतिकृया दिनुहोस्

    अनेसासको वरिष्ठ उपाध्यक्ष पदमा सुप्रसिद्ध कवि लालगोपाल सुवेदीको उम्मेद्वारी

    अन्तर्राष्ट्रि« नेपाली साहित्य समाज –अनेसास) को आगामी कार्यकाल २०२२–२०२४ का लाग साहित्यकार सुप्रसिद्ध तथा सर्वप्रिय...

    रवि लामिछानेको राष्ट्रिय स्वतन्त्र पार्टी आयोगमा दर्ता

    रवि लामिछाने नेतृत्वको राष्ट्रिय स्वतन्त्र पार्टी निर्वाचन आयोगमा दर्ता भएको छ । पूर्व सञ्चारकर्मी रवि...

    शिक्षा नै कानुनी शासन स्थापनाका लागि प्रमुख आधार होःराष्ट्रपति भण्डारी

    राष्ट्रपति विद्यादेवी भण्डारीले कानुनी शिक्षा नै कानुनी शासन स्थापनाका लागि प्रमुख आधार रहेको बताएकी छन्...

    मन्त्री फिर्ता बलाउने कुनै निर्णय गरेको छैनः उपेन्द्र यादव

      जनता समाजवादी पार्टी (जसपा) का अध्यक्ष उपेन्द्र यादवले आफूहरूले मन्त्री फिर्ता बलाउने वा नयाँ...

    भारतको मणिपुरमा रेलवे साइटको भग्नावशेषमा पुरिएर १४ जनाको मृत्यु

    भारतको मणिपुरको नोनी जिल्लामा एक निर्माणाधीन रेलवे साइटको भग्नावशेषमा पुरिएर १४ व्यक्तिको मृत्यु भएको छ...