News Portal

  • सात जिल्लामा कोरोना सङ्क्रमण शून्य

    २५५ पटक

    काठमाडौं, ३० भदौ । नेपालमा सोमबार कोरोना सङ्क्रमितको सङ्ख्या ५५ हजार नाघेको छ । सोमबार एक हजार १७० जना सङ्क्रमित थपिएसँंगै नेपालमा कोराना सङ्क्रमितको सङ्ख्या ५५ हजार ३२९ पुगेको हो ।

    स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा देशभरका विभिन्न प्रयोगशालामा १० हजार ८७८ जनाको पीसीआर परीक्षण गर्दा थप एक हजार १७० जनामा कोरोना भाइरसको सङ्क्रमण पुष्टि भएको हो । मन्त्रालयका प्रवक्ता डा. जागेश्वर गौतमले कुल सङ्क्रमित सङ्ख्या ५५ हजार ३२९ पुगे पनि सक्रिय सङ्क्रमितको सङ्ख्या १५ हजार ३९३ मात्र रहेका र बाँकी कोरोनामुक्त भइसकेको जानकारी दिनुभयो  । यस्तै पछिल्लो २४ घण्टामा देशभर थप ८७९ जना उपचारपछि निको भएर डिस्चार्ज भएका छन् । योसहित डिस्चार्ज हुनेको कुल सङ्ख्या ३९ हजार ५७६ पुगेको छ ।

    त्यसैगरी शून्य सङ्क्रमित रहेका जिल्ला सातवटा छन् भने पाँच सयभन्दा माथि सङ्क्रमित उपचाररत रहेका जिल्ला सातवटा छन् । सङ्क्रमित शून्य रहेका जिल्लामा सोलुखुम्बु, मनाङ, मुस्ताङ, म्याग्दी, डोल्पा, मुगु र हुम्ला रहेका छन् । यस्तै पाँच सयभन्दा माथि सक्रिय सङ्क्रमित रहेका जिल्लामा मोरङ, सुनसरी, सर्लाही, काठमाडौं, चितवन, भक्तपुर र रुपन्देही छन् । प्रवक्ता गौतमले देशभरका क्वारेन्टाइनमा छ हजार ८९२ जना रहेको जानकारी दिँदै होम आइसोलेसनमा सात हजार २७५ जना रहेको बताउनुभयो । त्यस्तै संस्थागत आइसोलेसनमा आठ हजार ११८ जना छन् भने सोमबार आईसीयूमा १७९ जना र भेन्टिलेटरमा २९ जना सङ्क्रमित उपचाररत छन् । यसैगरी काठमाडौं उपत्यकामा थप ५१२ जनामा कोरोना सङ्क्रमण देखिएको छ ।

    मन्त्रालयका अनुसार काठमाडौंमा ४४० जना, भक्तपुरमा ४३ जना र ललितपुरमा २९ जना गरी कुल ५१२ जनामा सङ्क्रमण देखिएको हो । योसँंगै काठमाडौं उपत्यकामा सङ्क्रमितको सङ्ख्या १२ हजार २४८ पुगेको छ । काठमाडौंमा १० हजार २६, ललितपुरमा एक हजार १९० र भक्तपुरमा एक हजार ३१ जना सङ्क्रमित भएका छन् ।

    थप १५ जनाको मृत्युु

    नेपालमा एकै दिन १५ जना कोरोना सङ्क्रमितको मृत्यु भएको छ । प्रवक्ता डा. गौतमले नेपालमा कोरोना सङ्क्रमित मृतकको सङ्ख्या ३६० पुगेको जानकारी दिनुभयो । सोमबार मृत्यु हुने सङ्ख्या हालसम्मकै धेरै हो । मन्त्रालयका अनुसार नौवटा जिल्लाका पाँच महिला र १० पुरुष गरी १५ जनाको मृत्यु भएको हो । यो २४ घण्टामा काठमाडौंमा मात्र छ जना सङ्क्रमितको मृत्यु भएको छ । यस्तै भक्तपुर र ललितपुरमा एक÷एक जना सङ्क्रमितको मृत्यु भएको छ ।

    उपत्यकामा आठसहित १५ जनाको मृत्यु भएको हो । तीमध्ये मोरङमा ४० र ७० वर्षीय पुरुष, काठमाडौंमा ६१ वर्षीया महिला तथा ६२, ७०, ७३, ७७ र ८५ वर्षीया पुरुषको मृत्यु भएको छ । यस्तै ललितपुरमा ५५, भक्तपुरमा ७३, रामेछापमा २३ वर्षीया पुरुषको मृत्यु भएको छ । त्यसैगरी गोरखाका ६३, नवलपरासीका ६२, पर्साका ५५ र कपिलवस्तुकी ४७ वर्षीया महिलाको मृत्यु भएको छ । गोरखापत्र दैनिकबाट

    प्रतिकृया दिनुहोस्

    एमालेसंग चुनाव चिह्न बाहेक केहि बाँकी छैन : दाहाल

    नेपाल कम्युनिष्ट पार्टी (माओवादी केन्द्र) का केन्द्रीय सदस्य एवं बागमती प्रदेश अध्यक्ष नारायण दाहालले नेकपा...

    खुशुको नेतृत्वमा अखिल(क्रान्तिकारी)को भक्तपुर नगर कमिटी निर्वाचित

    नेकपा (माओवादी केन्द्र)को विद्यार्थी संगठन अनेरास्ववियू(क्रान्तिकारी) ले भक्तपुर नगर कमिटी बिस्तार गरेको छ । रुकेश...

    भक्तपुर सिडिओमा शर्मा

    भक्तपुर जिल्लाको प्रमुख जिल्ला अधिकारी(सिडिओ)मा रुद्रा शर्माको सरुवा भएको छ । गृह मन्त्रालयले गुल्मी बाट...

    इन्द्रजात्रा मनाउन गुठि/समुदायसंग समन्वयकारी भूमिका रहन्छ- एसएसपी सिंह

    ऐतिहासिक राष्ट्रिय पर्व ‘इन्द्र जात्रा’ नजिकिदै गर्दा यस पटकको यो जात्रा कसरी सम्पन्न गर्ने भन्ने...

    सेलर्डले भक्तपुरका सञ्चारकर्मीलाई दरवारमा लगेर दियो तालिम

    बाल दिवसको अवसरमा भक्तपुरका सञ्चारकर्मीहरुका लागि मानव बेचबिखन तथा बाल संरक्षणबारे अभिमुखीकरण तालिम सम्पन्न भएको...