भक्तपुरपोस्ट संवाददाता भक्तपुर, १ असोज
भक्तपुर, १ असोज पछिल्लो २४ घन्टामा भक्तपुरमा ५० कोरोना संक्रमित थपिएका छन् । काठमाडौं उपत्यकामा ६१८ जना थपिदा भक्तपुरका ५० परेका हुन् ।
स्वास्थ्य तथा जनसंख्या मन्त्रालयले नियमित प्रेस ब्रिफिंगमार्फत उक्त जानकारी गरेको हो । प्रवक्ता डा जागेश्वर गौतमले दिएको जानकारी अनुसार काठमाडौंका ५०७ जना, ललितपुरका ६० र भक्तपुरका ५० सहित बिहीवार काठमाडौं उपत्यकामा ६१८ जनामा संक्रमण पुष्टि भएको छ ।
यो संगै देशभर १ हजार २ सय ४६ जनासंक्रमित थपिएका डा गौतमले जानकारी दिए । हालसम्म देशभर कूल संक्रमितको संख्या ५९ हजार ५ सय ७३ जना पुगेको छ । धेरै संक्रमित सन्चो भएका र बिहिबारसम्म देशभर १६ हजार २ सय ४१ संक्रिय संक्रमित र होम आइसोलेसनमा ८ हजार ३ सय ३८ जना रहेका प्रवक्ता डा जागेश्वर गौतमले जनाएका छन्।