भक्तपुरपोस्ट संवाददाता
भक्तपुर, २ असोज । नेपालमा कोरोना संक्रमितको संख्या दिनदिनै थपिदै गएको छ । आजको तथ्याङ्क अनुसार संक्रमितको संख्या २ हजार नाघेको छ । पछिल्लो २४ घन्टामा २ हजार २० संक्रमित संख्या थपिएको छ । जसमध्ये भक्तपुरबाट ८२ जना रहेका छन् ।
स्वास्थ्य तथा जनसंख्या मन्त्रालयले नियमित प्रेस ब्रिफिंगमार्फत उक्त जानकारी गरेको हो । प्रवक्ता डा. जागेश्वर गौतमले दिएको जानकारी अनुसार काठमाडौंका ६९८ जना, ललितपुरका ७९ र भक्तपुरका ८२ सहित शुक्रबार काठमाडौं उपत्यकामा ८६९ जनामा संक्रमण पुष्टि भएको छ । हालसम्म देशभर कूल संक्रमितको संख्या ६१ हजार ५ सय ९३ जना पुगेको छ ।
त्यस्तै ८७१ जना निको भइ घर फर्किएका छन् । हालसम्म निको हुनेको संख्या ४३ हजार ८२० पुगेको छ ।