News Portal

  • आइसीयु संचालनमा अहोरात्र खटेका अध्यक्ष सुवालमा कोरोना संक्रमण पुष्टि

    हिना सुवाल / भक्तपुरपोस्ट भक्तपुर, २ असाेज
    २२७७ पटक
    भक्तपुर, २ असाेज

    फाइल फाेटाे

    भक्तपुर अस्पताल संचालन तथा व्यवस्थापन समितिका अध्यक्ष मिलन सुवाललाई कोरोना भाइरस संक्रमण पुष्टि भएको छ । नेपाल कम्युनिष्ट पार्टी (नेकपा)का नेता समेत रहेका सुवालमा कोरोना संक्रमण पुष्टि भएको हो ।

    भक्तपुर पोस्ट श्रोतका अनुसार सुवालमा कोभिड १९ को लक्षण देखिएपछि भक्तपुर अस्पतालका डा सुनिल ढुंगेलले स्वाब परिक्षण गर्न सुझाव दिएका थिए । मध्यपुर थिमिका मेयर मदनसुन्दर श्रेष्ठको पहलमा नेपाल कोरिया मैत्री नगरपालिका अस्पतालमा गरिएको परिक्षणमा सुवालको रिपोर्टमा कोरोना पोजेटिभ पाइएको थियो ।

    अध्यक्ष सुवालमा कोरोना पोजेटिभ पाइएपछि भक्तपुर अस्पतालको आइसोलेसनमा उनलाई भर्ना गरिएको छ । अस्पतालद्वारा संचालित दुधपाटीस्थित आइसोलेसनमा भर्ना गरी उनको उपचार भैरहेको जानकारी प्राप्त भएको छ । अध्यक्ष सुवालमा रुघाखोकी, ज्वरो, टाउको दुख्ने र पखाला लाग्ने लक्षण पाइएको अस्पतालका एक डाक्टरले बताए । उनका अनुसार सुवालको एक्सरे लिएर फोक्सोमा संक्रमणको अवस्था परिक्षण समेत गरिएको छ । अध्यक्ष सुवालको अवस्था हाल सामान्य रहेको बताइएको छ ।

    भक्तपुर नगरपालिका वडा नम्बर ६ चोंछें घर भएका सुवालको परिवारमा पाँच सदस्य रहेका छन् । उनका ७४ वर्षीय बुबा, श्रीमती, एक छोरा र एक छोरीसहित सम्पर्कमा रहेकाहरुको कन्ट्याक्ट ट्रेसिंग गरी कोरोना परीक्षण गरिने भक्तपुर नगरपालिकाले जनाएको छ । नगरपालिकाले भने सुवाललाई अस्पतालबाट संक्रमण सरेको हुनसक्ने आशंका गरेको छ ।

    अध्यक्ष सुवाल भक्तपुर अस्पताललाई कोभिड विशेष अस्पताल बनाउने देखि दुधपाटी र खरीपाटीमा अस्पतालको आइसोलेसन सेन्टर संचालन र व्यवस्थापनको लागि अहोरात्र खटेका थिए । उनकै पहलमा बागमती प्रदेश सरकारले भक्तपुर अस्पताललाई सघन उपचार कक्ष(आइसीयु) संचालनमा सहयोग गरेपछि स्थापनाको एक शताब्दीपछि भक्तपुर अस्पताल आइसीयुयुक्त भएको छ । अस्पतालको आइसीयुमै काम गर्ने एक चिकित्सकमा समेत कोरोना पोजेटिभ पाइएको छ । अध्यक्ष र चिकित्सक समेत संक्रमित बनेपछि भक्तपुर अस्पतालमा थप सावधानी अपनाइएको छ ।

    प्रतिकृया दिनुहोस्

    भक्तपुरका घिमिरे सहसचिवमा सिफारिस

    निराजन nirajan ghimire

    भक्तपुर घर भएका उपसचिव निराजन घिमिरे सहसचिवमा बढुवा सिफारिस भएका छन् । सूर्यविनायक नगरपालिका वडा...

    धन र डनको राजनीति गर्नेलाई लखेट्न प्रचण्ड निर्देशनपछि महेश बस्नेत आक्रोशित

    राष्ट्रिय युवा संघ नेपालका इन्चार्ज समेत रहेका नेकपा (एमाले) का नेता एवं सांसद महेश बस्नेत...

    भक्तपुरका गैरसरकारी संस्थाले समेत ‘सूचना अधिकारी’ तोक्नुपर्ने

    CDO rudra sharma

    भक्तपुरकी प्रमुख जिल्ला अधिकारी रुद्रादेवी शर्माले जिल्लास्थित गैरसरकारी कार्यालयहरुको सूचना सस्प्रेषणमा कडाइ गरेकी छन् ।...

    १६ मन्त्री र २ राज्यमन्त्रीले लिए शपथ,उत्साह र इमानदारिताका साथ काम गर्न निर्देशन

    शेरबहादुर देउवा नेतृत्वको मन्त्रिपरिषदमा नवनियुक्त १६ मन्त्री र २ राज्यमन्त्रीले शुक्रबार पद तथा गोपनीयताको शपथ...

    भक्तपुरमा प्रचण्डले भने – ‘धन र डनको आडमा माओवादीलाई कमजोर पार्ने नसोचे हुन्छ’

    पूर्व प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आफ्नो पार्टी धन र डन...