News Portal

  • पहिले भ्याइ नभ्याइ, अहिले फुर्सदै फुर्सद

    हिना सुवाल / भक्तपुरपोस्ट भक्तपुर, ५ असोज
    ४५८ पटक
    भक्तपुर, ५ असोज

    भक्तपुर । भक्तपुरका कुमालेहरुलाई अहिले फुर्सदै फुर्सद भएको छ । कुनै बेला माटोका भाडाहरु बनाउन भ्याइनभ्याइ हुने कुमालेलाई अहिले यो कोरोना कहरले फुर्सदिलो बनाइदिएको हो ।

    हुन त अहिले प्राय सबै व्यवसायीलाई नै फुर्सद छ । त्यससंगै अरुबेला सधै व्यस्त देखिने कुमालेहरु पनि फुर्सदिला बनेका छन् । यस समयमा युवाहरु भने मोबाइलहरु चलाएर आफ्नो दिन काटिरहेका छन् । तर, मोबाइलमा अभ्यस्त नभएका बुढापाकाहरुलाई भने समय काट्न मुस्किल छ । उनीहरु अचेल बिना काम बस्नुपर्दा एकदमै अल्छी लागेको बताउँछन् ।

    ७६ वर्षीय गणेशभक्त प्रजापति भन्छन्, भएको सबै काम गरिसके, दिन बिताउन नै गाह्रो भइसकेको छ । प्रजापति भक्तपुरका तालाको (पोर्टरी स्क्वार) को स्थानीय बासिन्दा हुन् । उनको पुर्खौली काम माटाका भाडाहरु बनाउने हो । आफूले जानेदेखि यही काम गर्दै आएको उनले यही कामलाई अहिलेसम्म पनि निरन्तरता दिदैं आइरहेका छन् ।

    गणेशभक्त प्रजापति मात्र होइन, उनका छिमेकी गणेशकुमार प्रजापतिको हालत पनि त्यस्तै रहेको छ । उनले पनि आफूलाई अहिलेसम्म अर्डर आएका सबै माटाका भाडा बनाएर सकिएको जानकारी दिए । त्यसमा उनी फेरि थप्छन्, सामान त सबै बनाइसक्यौ तर अहिले सम्म साहूहरु लिन आएको छैन । “साहूहरुले पसल खोल्न नपाएको झण्डै ६ महिना भइसकेको छ, सामान सबै स्टक रहेको छ । खोलेपछि लिन आउछु भनेका छन् ।” प्रजापतिले भने ।

    पोर्टरी स्क्वारमा बनाइएका माटाका भाडाहरु हेर्न देश विदेशबाट आन्तरिक तथा बाह्य पर्यटकहरु आउने गर्दछन् ।  पर्यटकहरुले ती सामान खरिद गर्नुका साथै ठूलाे मात्रामा अर्डर पनि दिने गर्दछन् ।  माटाका भाडाहरु बनाउन कुमालेहरुले माटो भने हरिसिद्धि, थिमिबाट लिएर आउने गर्दछन् ।

    यस कोरोनाको कारण कुमालेहरुको व्यवसाय ठप्प भएसंगै आम्दानी पनि सुकेको छ । पर्यटन व्यवसाय संग प्रत्यक्ष जोडिएको उनीहरुको व्यवसाय सुचारु हुने समय अझै अनिश्चित छ । अनिश्चयका बीच पनि पुरानै लयमा फर्कने बिस्वासमा समय बिताउनुको उनीहरु संग अर्को कुनै बिकल्प देखिदैन ।

    प्रतिकृया दिनुहोस्

    सूर्यविनायकमा राष्ट्रिय परिचयपत्रबारे सिकाउँदै सिडिओ कार्यालय

    राष्ट्रिय परिचयपत्रका लागि विवरण भर्ने सम्बन्धमा सूर्यविनायक नगरपालिकामा अभिमुखीकरण कार्यक्रम सम्पन्न भएको छ । जिल्ला...

    अस्पतालमै एमालेको वडाअधिवेशन, बिरामी त्रसित

    काठमाडौं। नेकपा एमालेले विरामीलाई नै त्रसित पार्नेगरी अस्पतालमै वडा अधिवेशन सम्पन्न गरेको छ। काठमाडौं तारकेश्वर...

    एउटै ब्यक्ति कांग्रेस र एमाले दुबै पार्टीको वडा नेतामा निर्वाचित

    दार्चुला । दार्चुलामा कांग्रेसको अधिवेशनबाट वडा उपसभापतिमा चयन भएका एक जना एमालेको वडा सचिवमा चयन...

    भक्तपुरको एमाले वडा अधिवेशन : धेरैमा सर्वसम्मत, मध्यपुरमा बिबाद मथ्थर तर बन्द सत्र बाँकी

    नेपाल कम्युनिष्ट पार्टी (एमाले)ले शनिबार देशभर वडा अधिवेशन सम्पन्न गरेको छ । यसैबीच भक्तपुर जिल्लामा...

    नेपाली बक्सिङ्ग टोली सर्विया प्रस्थान

    ‘आईबा वल्ड बक्सिङ च्याम्पियनसिप’मा सहभागी हुन नेपाली बक्सिङ्ग टोली सर्विया प्रस्थान गरेको छ । अन्तर्राष्ट्रिय...