News Portal

  • खर्च बढ्ने भएपछि तत्काल कर्मचारी नियुक्ति नगरिने

    ६९८ पटक

    काठमाडौं, असोज ७ । जनकपुर–जयनगर रेलमार्गको ३४ किलोमीटरमा चल्ने रेलका लागि आवश्यक कर्मचारीको नियुक्ति तत्कालका लागि नहुने देखिएको छ । कोरोना महामारीका कारण रेल सञ्चालन अनिश्चित भएको र कर्मचारी नियुक्ति गर्दा खर्च बढ्ने तर रेल नचल्ने भएकाले नेपाल रेलवे कम्पनी लिमिटेडले तत्काल कर्मचारी नियुक्ति नगर्ने भएको हो ।

    तर, कम्पनीले रेल सञ्चालनका लागि आवश्यक प्राविधिक र प्रशासनिक कर्मचारी भर्नाको प्रक्रिया भने जारी राख्ने भएको छ । कोरोनाको कारण रेल कहिलेदेखि चलाउने भन्ने यकिन नभएपछि मासिक पारिश्रमिकमा मात्रै रकम खर्च हुने देखिएकाले कर्मचारी नियुक्त गर्ने तयारी नगरिएको कम्पनीका महाप्रबन्धक गुरु भट्टराईले बताए ।

    ‘कर्मचारी नियुक्तिको प्रक्रिया शुरू गरिएको छ, १२९ जना कर्मचारी करारमा नियुक्ति गर्न सूचना जारी गरिएको छ भने भारतबाट पनि रेल चालक र कन्ट्रोलरलगायत कर्मचारी ल्याउने प्रक्रिया शुरू गरिएको छ,’ भट्टराईले भने, ‘रेल चल्ने निश्चित हुनासाथ कर्मचारी नियुक्त गछौंं, तत्कालका लागि भने नियुक्ति गर्न लागिएको छैन ।’

    कोरोना संक्रमण कम भएको संकेत मिल्नासाथ कर्मचारी नियुक्ति शुरू गरिने र तालीम दिने काम अघि बढाउने उनको भनाइ छ । जनकपुरमा केन्द्रीय कार्यालय रहेको नेपाल रेलवे कम्पनीमा २ महीनाअघि मात्रै महाप्रबन्धका रूपमा भट्टराईलाई सरकारले नियुक्ति गरेको थियो । तर, कर्मचारीलगायत नियुक्तिका प्रक्रिया कम्पनीले १ हप्ताअघि मात्रै शुरू गरेको छ । अहिले भट्टराईसहित १३ जना कर्मचारी कम्पनीमा कार्यरत छन् ।

    रेल ल्याइसके पनि कोरोनाका कारण सञ्चालनमा अप्ठ्यारो हुँदा ती रेल नेपालको धनुषाको इनरुवामा पार्किङ गरी राखिएको छ । आर्थिक अभियान दैनिकबाट

    प्रतिकृया दिनुहोस्

    यात्रुवाहक सवारीका लागि सोमबारदेखि रुट परमिट खुला

    भक्तपुर । सरकारले यात्रुवाहक सवारीका लागि सोमबारदेखि रुट परमिट खुला गरेको छ । घटस्थापनादेखि पूर्णिमाको...

    डिपी ढकालको प्रश्न-आफ्नै महानगर जलिरहँदा एक बाल्टिन पानी बोकेर निस्कन नसक्नेलाई नायक बनाएर के पाइन्छ?”

    DP dhkal

    भक्तपुर । नेकपा (माओवादी केन्द्र) का केन्द्रीय सदस्य डिपी ढकालले देशलाई रुपान्तरण गर्ने काम कुनै...

    जनप्रतिनिधि र कर्मचारीलाई निजी विद्यालयमा लगानी गर्न रोक्नुपर्छ : महानिर्देशक काप्री

    ललितपुर । शिक्षा तथा मानव श्रोत विकास केन्द्रका महानिर्देशक कृष्णप्रसाद काप्रीले सार्वजनिक शिक्षामा सुधार गर्न...

    जेन-जी आन्दोलनमा भक्तपुरका पत्रकारमाथि आक्रमण र दुर्ब्यवहारको निन्दा

    भक्तपुर । जेन–जी पुस्ताले गरेको आन्दोलनका क्रममा भक्तपुरमा प्रेस तथा अभिव्यक्ति स्वतन्त्रता कुण्ठित भएको प्रति...

    इजरायली बन्दीहरूको ‘बिदाई तस्वीर’मा विपिन जोशी पनि

    भक्तपुर । हमासको सशस्त्र शाखाले गाजामा राखिएका ४८ इजरायली बन्दीहरूको ‘बिदाई तस्वीर’मा नेपालका विपिन जोशीको...