News Portal

  • देवी माविलाई चार करोडमा निर्मित भवन हस्तान्तरण

    ११२० पटक

    भक्तपुर, २२ असोज । देवी माध्यमिक विद्यालयलाई रु. चार करोडको लागतमा बनेको भवन हस्तान्तरण गरेको छ । भक्तपुरको चाँगुनारायण नगरपालिका वडा नं. ९ ताथलीको सौडोलस्थित सो विद्यालयको नवनिर्मित भवन बिहीबार विद्यालयलाई हस्तान्तरण गरिएको हो ।

    वि.सं. २०७२ सालको विनासकारी भूकम्पको कारण क्षतिग्रस्त विद्यालयको सो भवन निर्माणका लागि एसियाली विकास बैंक र नेपाल सरकारको सहयोग रहेको थियो । केन्द्रीय कार्यान्वय इकाई (शिक्षा) र जिल्ला आयोजना इकाई(शिक्षा) को सहयकार्यमा डीआरएसपी प्रथम कार्यक्रम अन्तर्गत निर्मित सो भवनको उद्घाटन नेपाल मजदुर किसान पार्टीका सचिव एवं प्रतिनीधि सभाका संघीय सांसद प्रेम सुवालले गरेका थिए ।

    सांसद सुवालले उद्घाटन गरेपछि जिल्ला आयोजना इकाई (शिक्षा) का प्रमुख भरतबहादुर श्रेष्ठले विद्यालय व्यवस्थापन समितिका अध्यक्ष कृष्णराम बासुकला र विद्यालयका प्रधानाध्यापक राजाराम छुकांलाई संयुक्त रुपमा विद्यालयको साँचो हस्तान्तरण गरे । भवन निर्माणका लागि रु. ३ करोड ७३ लाख ७७ हजार बजेट विनियोजन भएको थियो ।

    भवन निर्माणको काम २०७५ पुस २५ गतेबाट सुरु भएको थियो । गत बैशाखमै निर्माण सम्पन्न उक्त भवन कोरोना महामारीको कारण रोकिएको थियो । हाल ६ सय ५ विद्यार्थी अध्ययनरत उक्त विद्यालयले नयाँ भवन पाएसँगै शैक्षिक क्रियाकलापलाई सहज रुपमा अघि बढाउन सहयोग पुग्ने विद्यालयका प्रअ छुकांले बताए । ‘भूकम्पका कारण भएको भवन क्षति हुँदा ठाउँ अभाव भएको थियो, हामीले ७ कोठे भवन पाएपछि समस्या हल हुने भएको छ ।’ उनले भने ।

    गुणस्तरीय शिक्षा दिने उत्कृष्ट विद्यालयको रुपमा रहेको सो विद्यालयमा विद्यार्थीको आर्कषणका कारण कक्षाकोठा अभाव थियो । भवन हस्तान्तरणसँगै विद्यालयको उक्त समस्या हल हुने जिल्ला आयोजना इकाई(शिक्षा)का प्रमुख भरतबहादुर श्रेष्ठले जानकारी दिए ।

    आत्मनिर्भर अर्थतन्त्र अहिलेको आवश्यकताः सुवाल
    यसैबीच सांसद सुवालले आत्मनिर्भर अर्थतन्त्र अहिलेको आवश्यकता रहेको बताएका छन् ।

    भवन उद्घाटनपछि विद्यालयले भूकम्पप्रतिरोधी अत्याधुनिक भवन पाएपछि त्यसको सदुपयोगमा विद्यालयले ध्यान दिन अनुरोध गर्दै विकासका लागि विदेशीको भर पर्न नहुनेका जोड दिए ।

    उनले अहिले महामारीको रुपमा फैलिरहेको कोरोना भाइरस संक्रमणको समयमा अझ बढी आत्मनिर्भर अर्थतन्त्रको जरुरी महसुस भएको जनाउँदै सरकारले त्यतातिर ध्यान दिन नसकेको बताए ।

    उनले अहिले पनि सरकार एमसीसी पास गराउन उद्यत रहेको चर्चा गर्दै सरकार देशलाई आत्मनिर्भर बनाउने भन्दा परनिर्भर बनाउनेतिरै केन्द्रीत रहनु विडम्वनाको विषय भएको उल्लेख गरे ।

    सांसद सुवालले कोभिड १९ को संक्रमणले विकासोन्मुख देशका गरिब जनतालाई समस्या भएको बताए । कोरोनाबाट बच्नका लागि स्वास्थ्य सुरक्षाका मापदण्ड पालना गरी व्यवहारलाई स्वास्थ्यमैत्री बनाउन जरुरी रहेको बताए ।

    उनले विद्यालयले नयाँ भवन पाए पनि विद्यार्थीको पठनपाठनबारे शिक्षा मन्त्रालयले आवश्यक बन्दोबस्त नगर्दा लाखौं विद्यार्थी पढाइबाट बञ्चित हुनु परेकाले तत्काल विकल्प दिनुपर्ने पनि बताए ।

    सोही अवसरमा सांसद सुवालले विद्यालय भवन निर्माणमा सहयोग गर्ने परामर्शादाता, इञ्जिनियर र निर्माण व्यवसायीलाई कदर पत्र प्रदान गरेका थिए ।
    विद्यालय व्यवस्थापन समितिका अध्यक्ष कृष्णराम बासुकला, शिक्षक राजेन्द्रकुमार साखकर्मीले विद्यालयले दिने शिक्षालाई अझ प्रभावकारी बनाउन विद्यालय परिवार एकवद्ध भई लागिरहेको बताए ।

    प्रतिकृया दिनुहोस्

    भक्तपुरका घिमिरे सहसचिवमा सिफारिस

    निराजन nirajan ghimire

    भक्तपुर घर भएका उपसचिव निराजन घिमिरे सहसचिवमा बढुवा सिफारिस भएका छन् । सूर्यविनायक नगरपालिका वडा...

    धन र डनको राजनीति गर्नेलाई लखेट्न प्रचण्ड निर्देशनपछि महेश बस्नेत आक्रोशित

    राष्ट्रिय युवा संघ नेपालका इन्चार्ज समेत रहेका नेकपा (एमाले) का नेता एवं सांसद महेश बस्नेत...

    भक्तपुरका गैरसरकारी संस्थाले समेत ‘सूचना अधिकारी’ तोक्नुपर्ने

    CDO rudra sharma

    भक्तपुरकी प्रमुख जिल्ला अधिकारी रुद्रादेवी शर्माले जिल्लास्थित गैरसरकारी कार्यालयहरुको सूचना सस्प्रेषणमा कडाइ गरेकी छन् ।...

    १६ मन्त्री र २ राज्यमन्त्रीले लिए शपथ,उत्साह र इमानदारिताका साथ काम गर्न निर्देशन

    शेरबहादुर देउवा नेतृत्वको मन्त्रिपरिषदमा नवनियुक्त १६ मन्त्री र २ राज्यमन्त्रीले शुक्रबार पद तथा गोपनीयताको शपथ...

    भक्तपुरमा प्रचण्डले भने – ‘धन र डनको आडमा माओवादीलाई कमजोर पार्ने नसोचे हुन्छ’

    पूर्व प्रधानमन्त्री एवं नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले आफ्नो पार्टी धन र डन...