News Portal

  • जिउँदो सालकसहित प्रहरी नै पक्राउ

    भक्तपुरपोस्ट संवाददाता भक्तपुर, १० मङ्सिर
    ६०२ पटक
    भक्तपुर, १० मङ्सिर

    भक्तपुरको लोकन्थलीमा अवैधरुपमा जिउँदो सालक लिएर हिडिरहेका दुईजना पक्राउ परेका छन् । विशेष सूराकीको आधारमा महानगरीय प्रहरी परिसर, भक्तपुरले उनीहरुलाई पक्राउ गरेको हो ।

    पक्राउ पर्नेमा एक प्रहरी नै परेका छन् । प्रहरी निरीक्षक सुदन केसीको कमाण्डमा खटिएको प्रहरी टाेलीले सेतो बोरा भित्र प्लाईको बाकसमा जिउँदो सालक लिएर हिडिरहेको अवस्थामा २७ वर्षीय धुर्व बहादुर मगर र ३१ वर्षीय भिम बहादुर मगरलाई बुधवार पक्राउ गरेको हो । पक्राउ परेका भिम बहादुर बहालवाला सशष्त्र प्रहरी भएको डिएसपी दिपक गिरीले जनाएका छन् ।

    उनीहरु धादिङ शितली गापा ३, झार्लाङदी घर भई हाल काठमाण्डौ २६ मा बस्दै आएका बुझिएको छ । पक्राउ परेका दुबैजनालाई महानगरीय प्रहरी परिसरमा राखी थप अनुसन्धान भैरहेको प्रहरीको भनाइ छ । सालक बोकेर हिड्नु गैरकानुनी मानिन्छ । यसको चोरी सिकारी गर्नेलाई ४० देखि ७५ हजार रुपैयाँसम्म जरिवाना, एकदेखि १० वर्षसम्म कैद या दुवै सजाय हुन सक्ने निकुञ्ज ऐनमा व्यवस्था छ ।

    के हो सालक
    सालक एक लोपोन्मुख वन्यजन्तु हो।यसको शरीर ठुलाठुला कत्लाले ढाकिएको हुन्छ। यो प्राय नेपाल, भारत, चीन लगायतका दक्षीण एसियाली राष्ट्रहरू तथा अफ्रिकाका उष्ण भू-भागमा पाइन्छ। नेपालमा धादिङको थाङसिङ बेसी, काभ्रेको बलथली, काठमाडौँको नागार्जुन साथै रामेछापका केही स्थानमा सेतो सालक पाइने वन्यजन्तुविज्ञ बताउँछन्। तर अन्य क्षेत्रमा भने संकटग्रस्त कालो सालक र लोपोन्मुख तामे सालक मात्र पाइन्छन् ।

    सालको जंगलमा भेटिने भएकोले यसलाई सालक भनिएको हुनसक्छ । सालकले मुख्य आहार धमिरा, कमिला र सान किराहरु हुन । एउटा सालकले १ वर्षमा ७ करोडभन्दा बढी धमिरा र कमिला र किरा खान्छ । धमिरा नियन्त्रणमा यसको ठूलो महत्व छ ।

    प्रतिकृया दिनुहोस्

    एमालेसंग चुनाव चिह्न बाहेक केहि बाँकी छैन : दाहाल

    नेपाल कम्युनिष्ट पार्टी (माओवादी केन्द्र) का केन्द्रीय सदस्य एवं बागमती प्रदेश अध्यक्ष नारायण दाहालले नेकपा...

    खुशुको नेतृत्वमा अखिल(क्रान्तिकारी)को भक्तपुर नगर कमिटी निर्वाचित

    नेकपा (माओवादी केन्द्र)को विद्यार्थी संगठन अनेरास्ववियू(क्रान्तिकारी) ले भक्तपुर नगर कमिटी बिस्तार गरेको छ । रुकेश...

    भक्तपुर सिडिओमा शर्मा

    भक्तपुर जिल्लाको प्रमुख जिल्ला अधिकारी(सिडिओ)मा रुद्रा शर्माको सरुवा भएको छ । गृह मन्त्रालयले गुल्मी बाट...

    इन्द्रजात्रा मनाउन गुठि/समुदायसंग समन्वयकारी भूमिका रहन्छ- एसएसपी सिंह

    ऐतिहासिक राष्ट्रिय पर्व ‘इन्द्र जात्रा’ नजिकिदै गर्दा यस पटकको यो जात्रा कसरी सम्पन्न गर्ने भन्ने...

    सेलर्डले भक्तपुरका सञ्चारकर्मीलाई दरवारमा लगेर दियो तालिम

    बाल दिवसको अवसरमा भक्तपुरका सञ्चारकर्मीहरुका लागि मानव बेचबिखन तथा बाल संरक्षणबारे अभिमुखीकरण तालिम सम्पन्न भएको...