News Portal

  • वर्षौदेखि अध्यारोमा बस्न बाध्य नगरकाेटबासीका समस्या समाधान हुँदै

    भक्तपुरपोस्ट संवाददाता चाँगुनारायण, १५ मंङ्सिर
    ७३९ पटक
    चाँगुनारायण, १५ मंङ्सिर

    बत्ती मुनी अध्यारो भने झैँ वर्षौदेखि बिजुली भएर पनि अध्यारोको समस्या भोगिरहेका नगरकोटका करिब ६ सय घरपरिवारले उक्त समस्याबाट छुट्कारा पाउने भएका छन् । विद्युत आपूर्ती सम्बन्धी प्राविधिक समस्या वर्षौदेखि समाधान नहुँदा अध्यारोमा बस्न विवस उनीहरुले उक्त समस्याबाट छुट्कारा पाउने भएका हुन् ।

    चाँगुनारायण नगरपालिका वडा नम्बर ६ का स्थानीय नेता दीपक तामाङ्गका अनुसार उक्त क्षेत्रका करिब ६ सय घरमा विद्युत प्राधिकरणले वितरण गरेको बिजुलीमा लोड नहुँदा टर्जलाइट जस्तो बत्ती मात्र बल्ने र कम्प्युटर, टिभी,हिटर, मोटर लगायत उपकरण संचालनमा समस्या रहेको छ । वर्षौदेखि उक्त समस्या समाधान नहुँदा स्थानीय आजित बनेका छन् ।

    सोमबार सत्तारुढ दल नेपाल कम्युनिष्ट पार्टी(नेकपा) का जिल्ला सचिव डिपी ढकालको पहलमा उक्त क्षेत्रको स्थलगत अवलोकन गर्न पुगेका नेपाल विद्युत प्राधिकरण भक्तपुर शाखाका प्रमुख राजकुमार रमणले नगरकोटको विद्युत आपूर्ती सम्बन्धी समस्या एक महिना भित्र समाधान गर्ने प्रतिवद्धता प्रकट गरे । सचिव ढकालले गत उपनिर्वाचनमा आफू उम्मेदवार रहँदा चाँगुनारायण क्षेत्रका मतदातालाई विद्युत आपूर्तीको समस्या समाधान गर्ने बचन दिएको बताउदै त्यसको लागि उर्जा मन्त्रालयमा समेत आवस्यक समन्वय भैसकेको र थप समन्वय गर्न आफूहरु तयार रहेको प्रष्ट पारेका थिए । पूर्ण क्षमताको ट्रान्सफर्मर स्थापना गर्न र काठको पोल बिस्थापित गर्दै उच्च प्रवाह क्षमताको विधुतीय तार समेत जडान गर्नुपर्नेमा जोड दिंदै नेता ढकालले वितरण केन्द्रका प्रमुख रमणलाई फास्ट ट्याकमा काम गर्न अनुरोध गरेका थिए ।

    स्थलगत अवलोकन पछि नेपाल विद्युत प्राधिकरण भक्तपुर शाखाका प्रमुख राजकुमार रमणले आफूले तत्कालै प्राविधिक टोली खटाइ योजना बनाउने र एक महिना भित्र समस्या समाधान गर्ने बताए । स्थानीय आवस्यकता अनुरुप ट्रान्सफरमर जडान तथा पोल र तार बिस्तारमा कार्यालयले कुनै कन्जुस्याई नगर्ने उनले प्रतिबद्धता प्रकट गरे ।

    उक्त अवसरमा नेकपाको बागमती प्रदेशस्तरीय सुशासन समितिका अध्यक्ष समेत रहेका नेता देवेन्द्र श्रेष्ठ ‘दिवाकर’, स्थानीय नेता कान्छा तामाङ्ग, वडाध्यक्ष सन्त बहादुर वाइवा लगायतको सहभागिता रहेको थियो ।

    प्रतिकृया दिनुहोस्

    घर पुर्‍याई दिने भनी मोटरसाइकलमा राखी अपहरण तथा बलात्कार गरेकाे अभियाेगमा पक्राउ

    महानगरीय अपराध महाशाखाले घर पुर्‍याई दिने भनी मोटरसाइकलमा राखी अपहरण तथा बलात्कार गरेर फरार अभियुक्तलाइ...

    सरकारकाे दमनपछि नागरिक अगुवाकाे उद्घाेष : तेस्रो जनआन्दोलन सुरु भयाे

    शान्तिपूर्ण नागरिक आन्दोलनमा प्रहरीले हस्तक्षेप गरेपछि अगुवाहरु थप आन्दोलित बनेका छन् । साहित्यकार एवं पूर्व...

    थिमि वृत्तका डिएसपी कँडेल एसपीमा बढुवा सिफारिस

    नेपाल प्रहरीका १६ जना प्रहरी नायब उपरीक्षक(डिएसपी) लाई प्रहरी उपरीक्षक(एसपी) पदमा बढुवा सिफारिस गरिएको छ...

    धवलागिरि प्रतिभा पुरस्कार पन्तलाई

    यस वर्षको धवलागिरि प्रतिभा पुरस्कार पर्वत फलेबास घर भई हाल अमेरिकामा रहेका महेश्वर पन्तको “फुर्लुङ”...

    नेमकिपा बाकेको प्रथम जिल्ला परिषद सम्पन्न

    नेपाल मजदुर किसान पार्टीको ४७औं स्थापना दिवस तथा नेमकिपा बाँकेको प्रथम जिल्ला परिषद सम्पन्न भएको...