News Portal

  • गठ्ठाघरमा ४ दिनमै अर्को भयानक दुर्घटना : २२ वर्षीय युवकको निधन

    भक्तपुरपोस्ट संवाददाता भक्तपुर, २६ पुस
    ३३८ पटक
    भक्तपुर, २६ पुस

    मध्यपुर थिमि वडा नं ३ गठ्ठाघरस्थित छ लेन सडकमा फेरि भयानक दुर्घटना भएको छ । गत मंगलवारको सडक दुर्घटनामा दधिकोट निवासी पूर्वशिक्षक नरहरि न्यौपानेले ज्यान गुमाएको ४ दिनमै गठ्ठाघरबासी अर्को दुखद दुर्घटनाको साझी बन्न बाध्य भएका छन् ।

    शनिवार साँझ २ वटा मोटरसाइकल एकापसमा ठोक्किदा एक युवकको ज्यान गएको हो । ज्यान गुमाउनेमा २२ वर्षीय युवक मनराज राई रहेका छन् । भक्तपुरबाट काठमाण्डौ तर्फ जाँदै गरेको प्र.३-०२-०४प ७३२४ नं को मोटरसाइकल र सोही दिसा तर्फ जाँदै गरेको बा. ५३ प. ९८६४ नं. को मोटरसाईकल एक आपसमा ठक्कर खाँदा दुर्घटना भएको एक स्थानीयले बताए ।

    डिएसपी दिपक गिरीले दिएको जानकारी अनुसार प्र.३-०२-०४ प. ७३२४ नं. को मोटरसाइकल चालक जिल्ला उदयपुर लिमचुङबुङ गा.पा. वडा नं. १ घर भई हाल मध्यपुर थिमि- १ लोकन्थली बस्ने बर्ष २२ को मनराज राईको ज्यान गएको हो ।

    चालक मनराज र उनकी दिदी बर्ष २४ की मनिकला राई गम्भिर घाइते भएको हुँदा स्थानीय अस्पतालमा प्राथमिक उपचार पछि के.एम.सी. अस्पताल सिनामंगल पुर्याइएको र रातको करिब पौने ९ बजे मनराजको मृत्यु भएको चिकित्सकलाई उद्घृत गर्दै डिएसपी दिपक गिरीले जनाएका छन् ।

    मनराज संगै रहेकी मनिकला राइको उपचार भईरहेको र अर्का घाइते बा. ५३ प. ९८६४ नं. को मोटरसाइकल चालक जिल्ला रौतहट गौर न.पा. ८ घर भई हाल जिल्ला ललितपुर मंगलबजार बस्ने बर्ष ४१ को युवराज वि.क.को सामान्य उपचार पश्चात डिस्चार्ज भएका बताइएको छ ।

    घटनाको प्रारम्भिक अनुसन्धान कार्य गरी थप अनुसन्धान कार्य भइरहेको प्रहरीले आइतवार थाहा दिएको छ । छ लेन सडकमा बढ्दो दुर्घटना र ज्यान नै जाने जोखिम न्यूनीकरणका लागि प्रहरी गम्भीर रहेको एसपी तारादेवी थापाको जिकिर छ । घटनाबारे दुख व्यक्त गर्दै एसपी थापाले आफूले ट्राफिक प्रहरीलाई थप सक्रियताका लागि निर्देशन दिएको दावी गरिन् ।

    प्रतिकृया दिनुहोस्

    प्रधानमन्त्री ओलीलाई भित्तामा पुर्याइदिने चेतावनी

    आन्दोलनरत नेपाल कम्युनिष्ट पार्टी (नेकपा) का अध्यक्ष प्रचण्डले प्रधानमन्त्री केपी ओलीलाई भित्तामा पुर्याइदिने चेतावनी दिएका...

    चाँगुनारायणमा जग्गा हेर्ने बहानामा ज्यान लिने मूख्य योजनाकार पक्राउ

    जग्गा हेर्ने बहानामा कुटपिट, लुटपाट र हत्यामा संलग्न भएको अभियोगमा मूख्य अभियुक्त पक्राउ परेका छन्...

    भक्तपुरमा नेता श्रेष्ठले भने : राष्ट्रबादी मुकुण्डो लगाएर प्रधानमन्त्रीले दलाली गरे

    नेपाल कम्युनिष्ट पार्टी (नेकपा) को प्रचण्ड-नेपाल समूहले भक्तपुरको चारवटै नगरमा एकैपटक प्रतिगमन विरुद्ध विरोध प्रदर्शन...

    नेपाल बन्दकाे आह्वान !

    उच्च तहको नेता पक्राउ परेपछि प्रतिवन्धित नेकपाका महासचिव नेत्रविक्रम चन्द ‘विप्लव’ले प्रेस बक्तब्य जारी गरेका...

    प्रधानमन्त्री ओली देशमा बस्नै नसक्ने अवस्था आउने देउवाकाे दावी

    नेपाली कांग्रेसका सभापति शेरबहादुर देउवाले अदालतले प्रतिनिधिसभा विघटनलाई बदर गर्ने विश्वास व्यक्त गरे । यदि...