News Portal

  • मोटरसाइकल चोरीमा संगठित संलग्नता : सूर्यविनायकस्थित वर्कसपका २ संचालकसमेत समातिए

    भक्तपुरपोस्ट संवाददाता भक्तपुर, २७ पुस
    १०७८ पटक
    भक्तपुर, २७ पुस

    भक्तपुरमा मोटरसाइकल चोरीको क्रम बढेसंग चोर समात्न सक्रिय प्रहरीलाई एक सफलता मिलेको छ । सूर्यविनायक- १ बाट मोटरसाइकल चोरीको अभियोगमा ३ जना समातिएका छन् ।

    महानगरीय प्रहरी प्रभाग सिरुटारको असई आस्था सुवालको कमाण्डमा खटिएको प्रहरी टोलीले सवारी साधन चेकजाँच गर्ने क्रममा बा. ९५ प. ६४०५ नं. को कालो रङको २२० सि.सी.को पल्सर मोटरसाइकल रोकी चेकजाँच गर्दा चोरीको मोटरसाइकल भएको पत्ता लागेको थियो । उक्त मोटरसाइकल चालक धादिङ गजुरी गा.पा. वडा नं. ४ बस्ने बर्ष २५ को राजन लामालाई नियन्त्रणमा लिई अनुसन्धान गर्दा उक्त मोटरसाइकल चोरीको भएको भन्ने खुलेको डिएसपी दिपक गिरीले जानकारी दिए ।

    मोटरसाइकलसहित पक्राउ परेका चालक राजन लामाले अर्को बा. ७२ प. ७९४९ नं. को २२० सि.सी. पल्सर मोटरसाइकल पनि चोरी गरी सूर्यविनायक-१ विरुवा स्थित विन्दबासिनी मोटरसाइकल वर्कसपमा विक्री गरेको खुल्न आएपछि मोटरसाइकल चोरीमा संगठित चोरहरु सामेल हुनसक्ने प्रहरीको भनाइ छ । अभियुक्त लामाको साविती बयानपछि विन्दबासिनी मोटरसाइकल वर्कसपमा छापा मारी प्रहरीले संचालकद्वय नुवाकोट दुप्चेश्‍वर गा.पा. वडा नं. ५ घर भई हाल जिल्ला सूर्यविनायक-१ विरुवा बस्ने बर्ष २९ को सुनिल तामाङ र पर्साकाे वीरगंज राधेमाई न.पा. वडा नं. ६ घर भई हाल विरुवा नै बस्ने बर्ष २० को पप्पु पटेललाइ पक्राउ गरेकाे बताइएकाे छ ।

    भक्तपुर प्रहरी प्रमुख रहेकी एसपी तारादेवी थापाले दिएको जानकारी अनुसार नियन्त्रणमा लिइएका तीनैजनालाई भक्तपुर प्रहरीले थप अनुसन्धानका लागि महानगरीय प्रहरी बृत्त नयाँ बानेश्‍वर पठाएको छ । चोरी भएका मोटरसाइकलहरु महानगरीय प्रहरी बृत्त नयाँ बानेश्‍वरको एरियाबाट चोरी भएको पुष्टि भएपछि अभियुक्तहरुलाई प्रारम्भिक अनुसन्धान पश्‍चात थप अनुसन्धानको लागि महानगरीय प्रहरी बृत्त नयाँबानेश्‍वर पठाइएको एसपी थापाले जनाएकी छन् ।

    प्रतिकृया दिनुहोस्

    प्रधानमन्त्री ओलीलाई भित्तामा पुर्याइदिने चेतावनी

    आन्दोलनरत नेपाल कम्युनिष्ट पार्टी (नेकपा) का अध्यक्ष प्रचण्डले प्रधानमन्त्री केपी ओलीलाई भित्तामा पुर्याइदिने चेतावनी दिएका...

    चाँगुनारायणमा जग्गा हेर्ने बहानामा ज्यान लिने मूख्य योजनाकार पक्राउ

    जग्गा हेर्ने बहानामा कुटपिट, लुटपाट र हत्यामा संलग्न भएको अभियोगमा मूख्य अभियुक्त पक्राउ परेका छन्...

    भक्तपुरमा नेता श्रेष्ठले भने : राष्ट्रबादी मुकुण्डो लगाएर प्रधानमन्त्रीले दलाली गरे

    नेपाल कम्युनिष्ट पार्टी (नेकपा) को प्रचण्ड-नेपाल समूहले भक्तपुरको चारवटै नगरमा एकैपटक प्रतिगमन विरुद्ध विरोध प्रदर्शन...

    नेपाल बन्दकाे आह्वान !

    उच्च तहको नेता पक्राउ परेपछि प्रतिवन्धित नेकपाका महासचिव नेत्रविक्रम चन्द ‘विप्लव’ले प्रेस बक्तब्य जारी गरेका...

    प्रधानमन्त्री ओली देशमा बस्नै नसक्ने अवस्था आउने देउवाकाे दावी

    नेपाली कांग्रेसका सभापति शेरबहादुर देउवाले अदालतले प्रतिनिधिसभा विघटनलाई बदर गर्ने विश्वास व्यक्त गरे । यदि...