News Portal

  • प्रधानमन्त्री ओलीको विरोधमा भक्तपुरमा विशाल मोटरसाइकल र्याली

    बाबुराम दाहाल / भक्तपुर पोस्ट भक्तपुर, ७ माघ
    ९३४ पटक
    भक्तपुर, ७ माघ

    आन्दोलनमा रहेको नेपाल कम्युनिष्ट पार्टी (नेकपा) का २ जनवर्गीय संगठनको अगुवाइमा भक्तपुरमा मोटरसाइकल र्‍याली सम्पन्न भएको छ । युवा संघ नेपाल र अनेरास्ववियूको अगुवाइमा भक्तपुरमा मोटरसाइकल र्‍याली सम्पन्न भएको हो ।

    नेकपाले माघ ९ गते काठमाडौंमा गर्न लागेको जनप्रदर्शनको प्रचारका लागि भक्तपुरमा मोटरसाइकल र्‍याली भएको युवा संघ नेपालका भक्तपुर इन्चार्ज दिनेश थपलिया आक्रोशले जानकारी दिए ।

    भक्तपुरको नपलीस्थित १०८ रोपनीबाट सुरु भएको मोटरसाइकल र्‍याली सूर्यविनायक, जगाती, कमलविनायक, ब्यासी, सल्लाघारी हुँदै पुरानो बाटोबाट मध्यपुर थिमि, गठ्ठाघर पुगेको थियो । त्यसैगरी सो र्याली नयाँ बाटो हुँदै फर्किएर आएको थियो ।

    र्यालीमा युवा, विद्यार्थीलाई साथ् दिन नेकपाका केन्द्रीय सदस्य एवं भक्तपुर इन्चार्ज दिलिप प्रजापति भिष्म, बागमती प्रदेश सचिवालय सदस्य देवेन्द्र श्रेष्ठ दिवाकर, पार्टीका जिल्ला सचिव डिपी ढकाल, जिल्ला सदस्यहरु श्यामसुन्दर बस्नेत,सानुकान्छा तामाङ्ग, रंजन केसी, दिलकृष्ण तज, युवराज आचार्य लगायतका नेताहरु समेत सहभागी रहेका युवा नेता विजय श्रेष्ठले बताए ।

    र्यालीमा प्रधानमन्त्री केपी ओलीले प्रतिगमन गरेको भन्दै आम जनसमुदायलाई संविधान र संघीय लोकतान्त्रिक गणतन्त्रको रक्षाको लागि सडक संघर्षमा ऐक्यबद्धता र माघ ९ गते काठमाडौंमा गर्न लागेको जनप्रदर्शनमा सहभागिताको लागि आह्वान गरिएको सहभागी युवा नेता नरेश रंजीतले बताए ।

    मोटरसाइकल र्यालीमा सयौ मोटरसाइकल एकसाथ सडकमा कुदाइएका थिए ।

    प्रधानमन्त्री केपी शर्मा ओलीले पुस ५ गते प्रतिनिधिसभा विघटन गरेपछि आन्दोलित नेकपाले विभिन्न विरोधका कार्यक्रम दैनिकजसो गरिरहेको छ ।

    सच्याइएकाे :  पुस ५ हुनुपर्नेमा अन्यथा भएकाले सच्याइएकाे छ । –सम्पादक

    प्रतिकृया दिनुहोस्

    कोभिड असरका बाबजुद खेलकुद : भक्तपुरमा अन्तर नगर बुद्धिचाल प्रतियोगिता हुने

    भक्तपुर नगरपालिकाले गत वर्ष झैँ यस वर्ष पनि अन्तर नगर खेलकुद प्रतियोगिता र नगरब्यापी विद्यालय...

    राजधानीमा सूर्योदय

    भव्य समारोहका बीच राजधानीमा सूर्योदय गजल संग्रहको लोकार्पण भएको छ । डी. आर. न्यौपाने ‘सूर्य’...

    विप्लव समूहसंग रातारात सहमती नभएको प्रधानमन्त्रीकाे प्रष्टाेक्ति

    प्रधानमन्त्री केपी शर्मा ओलीले बिद्रोही दल विप्लव नेतृत्वको नेपाल कम्युनिष्ट पार्टी संग सम्पन्न सहमती रातारात...

    विप्लव नेतृत्वको बिद्रोही दल माथिको प्रतिबन्ध फुकुवा

    सरकारले प्रतिवन्धित बिद्रोही दल विप्लव नेतृत्वको नेकपाको प्रतिबन्ध फुकुवा गर्ने निर्णय गरेको छ । बिहीबार...

    भक्तपुरकाे मल्लकालीन मठमा साधुको सामूहिक भाेज

    भक्तपुर: शुक्रबार बिहानको घामसँगै सहरको भित्री बस्तीमा भर्खर चहलपहल सुरु भएको थियो। दत्तात्रयको ठीकपछाडि पुजारी...