News Portal

  • टुँडिखेललाई मानव साङ्लोले घेर्दा यस्तो देखियो भक्तपुरको प्रदर्शन (फोटो फिचर)

    बाबुराम दाहाल / भक्तपुर पोस्ट भक्तपुर, ६ फागुन
    ८३४ पटक
    भक्तपुर, ६ फागुन

    आन्दोलनरत नेपाल कम्युनिस्ट पार्टी (नेकपा) ले काठमाडौंको टुँडिखेललाई मानव साङ्लोले घेरेको छ । प्रधानमन्त्री केपी शर्मा ओलीले प्रतिनिधिसभा विघटन गरेपछि बिरोधमा उत्रिएको प्रचण्ड-माधव नेपाल नेतृत्वको नेकपाले बिहीवार टुँडिखेललाई मानव साङ्लोले घेरेको हो ।

    प्रधानमन्त्री ओलीले पुस ५ गते असंवैधानिक तवरले प्रतिनिधिसभा विघटन गरेपछि आन्दोलित नेकपाले यो पूर्वनिर्धारित संघर्षको कार्यक्रम सम्पन्न गरेकाे छ । तीन चरणका विरोध तथा संघर्षका कार्यक्रम सम्पन्न गरिसकेको उक्त पार्टीले चौथो चरणको संघर्षको कार्यक्रम अन्तर्गत टुँडिखेललाई मानव साङ्लोले घेरेर बिरोध प्रदर्शन गरेको हो । नेकपाले फागुन १५ सम्म चौथो चरणको आन्दोलनका कार्यक्रम घोषणा गरेको छ ।

    बिहीवार सम्पन्न टुँडिखेल घेर्ने प्रदर्शनमा भक्तपुरबाट पनि नेकपाका नेताकार्यकर्ता सहभागी भएका थिए । भक्तपुरका इन्चार्ज एवं पार्टीका केन्द्रीय सदस्य दिलिप प्रजापति भिष्मको नेतृत्वमा उनीहरुले विद्युत प्राधिकरण अगाडिको आर्कमा मानव साङ्लो बनाएका जिल्ला नेता युवराज आचार्यले जानकारी दिए । उनीहरुले प्राधिकरण अगाडिको निलो आकेसे पुलदेखी बागबजार मोडसम्म फैलिएर मानव साङ्लाे बनाएका थिए । प्रदर्शनमा बागमती प्रदेशका नेता देवेन्द्र श्रेष्ठ दिवाकर, जिल्ला सचिव डिपी ढकाल,जिल्ला नेताहरु श्याम बस्नेत, रजन केसी, जीवन तज लगायतका नेता, कार्यकर्ताको उपस्थिति थियो ।

    उनीहरुले प्रतिनिधिसभाको असंवैधानिक विघटन खारेज गर, असंवैधानिक नियुक्ति खारेज गर, भ्रष्टाचारीलाई कारबाही गर, बलात्कारीलाई कारबाही गर, प्रतिगमन मुर्दावाद लगायत विभिन्न प्लेकार्ड तथा ब्यानरहरु बाेकेर बिरोध प्रदर्शन गरेका थिए ।
    थप तस्वीरमा

    प्रतिकृया दिनुहोस्

    चारैवटा नगरको नेतृत्व चयनका लागि भक्तपुरमा कांग्रेसका दुई पक्ष भिड्दै, आइतबार नै छिनोफानो

    नेपाली कांग्रेसको  नगर अधिवेशनमा नेतृत्व चयनका लागि भक्तपुरमा चुनावी भिडन्त हुने भएको छ । चारैवटा...

    बाटीको नेतृत्वमा बन्यो एकीकृत समाजवादीको ३१ सदस्यीय भक्तपुर नगर कमिटी

    माधव नेपाल नेतृत्वको नेपाल कम्युनिष्ट पार्टी (एकीकृत समाजवादी)ले भक्तपुर नगर कमिटी बिस्तार गरेको छ ।...

    शासक दलहरु एमसीसी पास गर्ने मौका पर्खिरहेका छन् : गोसाई

    नेपाल मजदुर किसान पार्टीले शुक्रबार चामुण्डा–विन्द्रासैनी नगरपालिकाको जम्मुकाँध बजारमा जुलुस प्रदर्शन तथा सभाको आयोजना गरेको...

    भक्तपुरमा घरेलु फोहरलाई प्रांगारिक मल बनाउने सम्बन्धी तालिम

    भक्तपुर नगरपालिकाले घरेलु फोहरलाई प्रांगारिक मल बनाउने सम्बन्धी तालिम दिएको छ । रिकिसी कम्पोष्ट प्रा.लि....

    लोग्नेस्वास्नी नै लागू औषध कारोबारी, पाँच तहसम्मका कारोबारी पक्राउ गरिएको प्रहरीको दावी

    भक्तपुर प्रहरी लागू औषधको पाँच तहसम्मका कारोबारी पक्राउ गर्न सफल भएको छ । करिब २...