News Portal

  • प्रतिनिधिसभा विघटन गर्ने सरकारको निर्णय बदर भएसंगै भक्तपुरमा दिपावली

    भक्तपुरपोस्ट संवाददाता भक्तपुर, ११ फागुन
    ४५९ पटक
    भक्तपुर, ११ फागुन

    सर्वोच्च अदालतले प्रतिनिधिसभा विघटन गर्ने सरकारको निर्णय बदर गरेको छ । मंगलवार सर्वोच्च अदालतको संवैधानिक इजालासले पुस ५ गते सरकारले गरेको उक्त निर्णयलाई असंवैधानिक ठहर गर्दै बदर गरेको हो ।

    संवैधानिक इजलासमा प्रधानन्यायाधीश चोलेन्द्र शम्शेर जबरा, न्यायाधीशहरु विश्वम्भरप्रसाद श्रेष्ठ, सपना प्रधान मल्ल, अनिलकुमार सिन्हा र तेजबहादुर केसी छन् ।

    सर्वोच्चको यो निर्णयसँगै प्रधानमन्त्री केपी शर्मा ओलीले विघटन गरेको प्रतिनिधिसभा ‘ब्युँतिएको’ छ ।फैसलाको १३ दिनभित्र प्रतिनिधिसभा बैठक बोलाउन आदेश भएको छ ।

    प्रधानन्यायाधीश जबराले निर्णयको व्यहोरा वाचन गर्दै बहुमत प्राप्त प्रधानमन्त्रीलाई संविधानको धारा ७६ को उपधारा ७ बमोजिम प्रतिनिधिसभा विघटन गर्ने अधिकार नभएको बताएका छन् ।

    सर्वोच्च अदालतले प्रतिनिधिसभा विघटन गर्ने सरकारको निर्णय बदर गरेसंगै देशभर दिपावली गरिएको छ । प्रधानमन्त्री ओलीको कदम असंवैधानिक भन्दै आन्दोलनरत दल प्रचण्ड-नेपाल नेतृत्वको नेपाल कम्युनिष्ट पार्टीका नेता कार्यकर्ता र नागरिक समाज लगायत आन्दोलनरत पक्षले खुशीयाली प्रकट गर्दै दिपावली गर्नुका साथै शुभकामना साटासाट गरेका छन् ।

    यसैबीच मंगलवार साँझ भक्तपुरमा पनि दिपावली गरिएको छ । भक्तपुरको बिभिन्न ठाउँमा दिपाओली गरिएको हो । सर्वोच्चको फैसलाको स्वागतमा मानिसहरुले स्वस्फुर्त सार्वजनिक स्थलहरुमा भेला भई शुभकामना साटासाट गरेका थिए ।

    नेपाल कम्युनिष्ट पार्टी (नेकपा) का नेताकार्यकर्तामा सर्वोच्चको फैसलाले दिएको खुशी स्पष्ट देखिन्थ्यो । राष्ट्रिय युवा संघ र अनेरास्वियू लगातात जनवर्गीय संगठनको अगुवाइमा चोक चोकमा खुशीयाली मनाइएको युवा संघका भक्तपुर इन्चार्ज दिनेश थपलिया आक्रोशले बताए ।

    भक्तपुर इन्चार्ज एवं पार्टीका केन्द्रीय सदस्य दिलिप प्रजापति भिष्म,सहइन्चार्ज सोमप्रसाद मिश्र, बागमती प्रदेशका नेता देवेन्द्र श्रेष्ठ दिवाकर, पार्टी सचिव डिपी ढकाल, प्रदेशसांसद द्वय प्रतिमा श्रेष्ठ र डा राजेन्द्रमान श्रेष्ठ जिल्ला सदस्यहरु श्याम बस्नेत, रजन केसी, युवराज आचार्य, सुनिल बासु, जीवन तज लगायतका नेताहरुकाे उक्त अवसरमा सहभागीता रहेकाे थियाे ।

    तस्वीरमा हेर्नुस

    प्रतिकृया दिनुहोस्

    नेपाल – भारत साहित्य दोस्रो महोत्सवको लागि बैठक सम्पन्न

    काठमाडौं । नेपाल -भारत साहित्य यात्राको दोस्रो संस्करणको रुपमा त्रिदीवसीय नेपाल भारत साहित्य दोस्रो महोत्सव...

    महिला सशक्तीकरणमा लायन्स

    काठमाडौं, सामाजिक क्षेत्रमा विविध कार्य गर्दै आइरहेको लायन्स अफ काठमाडौं, ब्राइटस्टारको प्रायोजनमा महिला सशक्तीकरण कार्यक्रमअन्तर्गत...

    बिग्रेको बाटोका कारण बाल्कोटमा ट्र्याक्टर चालकको ज्यान गयो : प्रहरी

    भक्तपुरको सूर्यविनायक- २ बालकोटस्थित महेन्द्र शान्ति स्कूलबाट चारदोबाटो तर्फ आउदै गरेको ट्र्याक्टर दुर्घटना हुँदा चालकको...

    पाप पखाल्ने इन्द्रदह

    नेपाल भाषामा ‘येँ’ भन्नाले काठमाडौँ भन्ने बुझिन्छ , ‘किँ’ को अर्थ किला र दह अर्थात्...

    मानवीय आस्थामा नयाँ कार्यसमिति

    भक्तपुरमा क्रियाशील गैरसरकारी संस्था मानवीय आस्था नेपालको छैठौं साधारण सभा सम्पन्न भएको छ । आइतबार...