News Portal

  • ८० लाख अवैध रकमसहित भक्तपुरमा २ पक्राउ

    भक्तपुर पोष्ट संवाददाताभक्तपुर, २८ फागुन २०७७
    ९६८ पटक
    भक्तपुर, २८ फागुन २०७७

    भक्तपुर प्रहरीले ४२ लाख अवैध नगद, ३८ लाख बराबरको चेक र एक गाडीसहित दुई जनालाई पक्राउ गरेको छ । बुधवार राति पक्राउ गरिएका उनीहरुलाई शुक्रबार सम्पति सुद्धिकरण विभाग पठाइएको भक्तपुर प्रहरी प्रमुख एसपी तारादेवी थापाले जानकारी दिएकी छन् ।

    एसपी थापाका अनुसार पक्राउ पर्नेमा दोलखा बैतेश्वर–६ घर भइ बालकोट बस्ने वर्ष ३२ का सुमन घिमिरे र सोही ठाउँका ३७ वर्षीय विनोद तामाङ रहेका छन् ।

    प्रहरीले बुधवार साँझ विशेष सूचनाका आधारमा पेप्सिकोलबाट सानोठिमी पुग्दै गर्दा गाडी चालक विनोद तामाङलाई गाडीमा पक्राउ गरेको र उनले चलाएको बा २१ च ३८३९ नम्बरको निलो गाडीमा चेकजाँच गर्दा नगद २७ लाख भेटिएको बताइएको छ । पक्राउ परेका चालकले दिएको सूचनाका आधारमा प्रहरीले अर्का व्यक्ति सुमन घिमिरेलाई १५ लाख ३० हजार नगदसहित पक्राउ गरिएको पनि जनाएको छ । पेप्सिकोलाबाट पक्राउ परेका घिमिरेलाई बालकोटस्थित डेरामा लग्दा सो रकम फेला परेको र उक्त रकमको स्रोत नखुलेको प्रहरीले जनाएको हो ।

    घिमिरेले जुवा तास खेल्ने र खेलाउने काम गरेर उक्त रकम जम्मा पारेको प्रारम्भिक अनुसन्धान बाट  बुझिएको प्रहरीले बताइएको छ । घिमिरेको साथबाट विभिन्न व्यक्ति तथा संस्थाले उनको नाममा दिएका करिव ३८ लाख रुपैयाँको ६ थान चेक पनि बरामद गरिएको महानगरीय प्रहरी परिसर भक्तपुरले जनाएको छ ।

    भक्तपुर प्रहरी प्रमुख रहेकी एसपी तारादेवी थापाले अवैध रुपमा जुवातास खेलाइरहेको भन्ने सूचना पाएपछि परिसरमा कार्यरत प्रहरी निरीक्षक शशीघर शर्मा र प्रहरी निरीक्षक सुदन केसीको कमाण्डमा छुट्टाछुट्टै टोली परिचालन गरी खोजी कार्य हुँदा उनीहरुलाई पक्राउ गर्न सफल भएको जानकारी दिइन् ।

    प्रतिकृया दिनुहोस्

    चाँगुमा पत्रकार : काँग्रेस उपसभापतिमा दुलाल असफल, एमाले उपाध्यक्षमा बास्तोला निर्विरोध

    yaya ram bastola sanjeev dulal

    भक्तपुरमा राजनीतिक दलको नेतृत्व तहमै पत्रकारहरुको प्रभाव देखिएको छ । सत्तारुढ दल नेपाली काँग्रेस र...

    भक्तपुरका दुई नगरपालिकामा प्रेस सेन्टरको शाखा बिस्तार

    प्रेस सेन्टर नेपालले भक्तपुर जिल्लाका दुई नगरपालिकामा शाखा बिस्तार गरेको छ । बुधवार सूर्यविनायक र...

    विद्युतीय यातायातलाई सरकारले प्राथमिकता दिन्छ : मन्त्री भुसाल

    ऊर्जा, जलस्रोत तथा सिँचाइमन्त्री पम्फा भुसालले विद्युतीय यातायातलाई सरकारले प्राथमिकतामा दिने दावी गरेकी छन् ।...

    सेनाले बनायो रातमा पनि अवतरण गर्न मिल्ने हेलिप्याड

    जाजरकोट । जाजरकोटमा नेपाली सेनाले रातमा पनि हेलिकोप्टर अवतरण गर्न मिल्ने हेलिप्याड निर्माण गरेको छ...

    पुतलीबजारलाई १ का विरुद्ध ८ गोल गरी भक्तपुर बिजयी : मचामसी उत्कृष्ट खेलाडी घोषित

    एन्फाको आयोजनामा काठमाडौंमा सुरु भएको ‘उपमेयर कप’ महिला फुटबल प्रतियोगितामा भक्तपुर नगरपालिकाले स्याङ्जाको  पुतलीबजार नगरपालिकालाई...