News Portal

  • कोभिडको मौका पारेर ‘कु’ गरेको भन्दै भक्तपुरमा वाइसीएलले जलायो विद्या-ओलीको पुत्ला

    मदन ढुंगाना / भक्तपुर पोस्ट भक्तपुर, ९ जेठ २०७८
    १०८८ पटक
    भक्तपुर, ९ जेठ २०७८

    भक्तपुरमा योङ्ग कम्युनिष्ट लिग, नेपाल (वाईसिएल, नेपाल ) ले राष्ट्रपति विद्यादेवी भण्डारी र प्रधानमन्त्री केपी शर्मा ओलीको पुत्ला दहन गरेको छ । कमलविनायकमा आइतवार साँझ पुत्ला दहन गरिएको हो ।

    वाइसीएलका एक दर्जन बढी युवाहरु कमलविनायकमा जम्मा भई मूल सडकमै पुत्ला दहन गरेका हुन् । वाइसीएलको भक्तपुर संयोजक नरेश वाइवाको नेतृत्वमा पुत्ला दहन भएको छ । पुत्ला दहन कार्यक्रममा सहभागीहरुले कोभिड-१९ लाई मध्यनजर गरी भौतिक दुरीसमेत कायम गरेको देखिन्थ्यो । पुत्ला दहनको सूचना पाएर कमलविनायकमा ब्यापक मात्रामा प्रहरी परिचालन गरिएको थियो । तर, प्रहरीलाई चक्मा दिंदै आन्दोलनकारी वाईसीएलले आफ्नो निर्धारित कार्यक्रम सफल बनाएको छ । वाइसीएलले छापामार शैलीमा मूल सडकमा आएर पुत्ला दहन गरेको हो । त्यसको करिब १० मिनेटपछि मात्र प्रहरीले त्यसको सुइँको पाएको थियो ।

    संविधान विपरित संसद विघटनको बिरुद्धमा राष्ट्रपति भण्डारी र प्रधानमन्त्री ओलीको पुत्ला दहन गरिएको वाइसीएलको भक्तपुर संयोजक नरेश वाइवाले बताए । प्रधानमन्त्री ओली निरंकुस र तानाशाह भएका अनि साझा चरित्र देखाउनु पर्ने राष्ट्रपति ओलीकै कार्यकर्ता जस्तो भएकीले युवाहरु आक्रोसित भएका संयोजक वाइवाको भनाइ छ । भक्तपुर वाइसीएलले जिल्लाको चारै वटा नगरपालिकामा पुत्ला दहन कार्यक्रम सम्पन्न गरेको उनले जनाएका छन् ।

    कमलविनायकमा पुत्ला दहन कार्यक्रम पछि युवाहरुलाई सम्बोधन गर्दै संयोजक वाइवाले शहिदको रगतले लेखिएको संविधानको विरुद्धमा चालिएको असंबैधानिक कदम तुरुन्त सच्याउन र जनतासंग माफी माग्न प्रधानमन्त्री र राष्ट्रपतिलाई आग्रह गरे । देशमा वाइसीएल जीवित रहेसम्म संविधान मास्ने षड्यन्त्र सफल पार्न नदिने संयोजक वाइवाले चेतावनी समेत दिएका छन् । देशमा माहामारी फैलाएर ओली-विद्या चुनावको बेमौसमी बाजा बजाइरहेका उनको भनाइ छ ।

    उक्त अवसरमा भक्तपुरका वाइसीएल नेताहरु कृष्णमान बनमाला, बिनोद लामिछाने, बिक्रम ह्याङ्बो, सुरेन्द्र सुवाल लगायतले राष्ट्रपति र प्रधानमन्त्रीको मिलेमतोमा कोभिडले जनता मरिरहेको बेला पारेर असंबैधानिक ‘कु’ गरिएको र उक्त कदम नसच्चिएसम्म आफूहरु संघर्षको मैदानमै रहने उद्घोष समेत गरे ।

    bhaktapur ycl

    प्रतिकृया दिनुहोस्

    एमालेसंग चुनाव चिह्न बाहेक केहि बाँकी छैन : दाहाल

    नेपाल कम्युनिष्ट पार्टी (माओवादी केन्द्र) का केन्द्रीय सदस्य एवं बागमती प्रदेश अध्यक्ष नारायण दाहालले नेकपा...

    खुशुको नेतृत्वमा अखिल(क्रान्तिकारी)को भक्तपुर नगर कमिटी निर्वाचित

    नेकपा (माओवादी केन्द्र)को विद्यार्थी संगठन अनेरास्ववियू(क्रान्तिकारी) ले भक्तपुर नगर कमिटी बिस्तार गरेको छ । रुकेश...

    भक्तपुर सिडिओमा शर्मा

    भक्तपुर जिल्लाको प्रमुख जिल्ला अधिकारी(सिडिओ)मा रुद्रा शर्माको सरुवा भएको छ । गृह मन्त्रालयले गुल्मी बाट...

    इन्द्रजात्रा मनाउन गुठि/समुदायसंग समन्वयकारी भूमिका रहन्छ- एसएसपी सिंह

    ऐतिहासिक राष्ट्रिय पर्व ‘इन्द्र जात्रा’ नजिकिदै गर्दा यस पटकको यो जात्रा कसरी सम्पन्न गर्ने भन्ने...

    सेलर्डले भक्तपुरका सञ्चारकर्मीलाई दरवारमा लगेर दियो तालिम

    बाल दिवसको अवसरमा भक्तपुरका सञ्चारकर्मीहरुका लागि मानव बेचबिखन तथा बाल संरक्षणबारे अभिमुखीकरण तालिम सम्पन्न भएको...