News Portal

  • भक्तपुरका ४ नगरमा यी हुन् बिपक्षी गठबन्धनका कमाण्डर

    भक्तपुरपोस्ट संवाददाता भक्तपुर, १२ जेठ २०७८
    २०३० पटक
    भक्तपुर, १२ जेठ २०७८

    भक्तपुरका प्रमुख पाँच राजनीतिक दलहरु प्रधानमन्त्री केपी शर्मा ओली र राष्ट्रपति विद्यादेवी भण्डारीको प्रतिगमन भाग २ विरुद्ध आन्दोलित भएका छन् । नेपाली कांग्रेस, नेकपा (माओवादी केन्द्र), नेकपा (एमाले),जनता समाजवादी पार्टी नेपाल र राष्ट्रिय जनमोर्चा संयुक्त गठबन्धन बनाएर आन्दोलित भएका हुन् ।

    पार्टीका जिल्ला नेताहरु सहभागी बैठकले भक्तपुरका चारैवटा नगरपालिकामा आन्दोलन तयारी संयन्त्र समेत गठन गरेको छ । नेपाली काँग्रेसका जिल्ला सचिव निशान ढुंगेलले चारैवटा नगरपालिकामा आन्दोलन तयारी संयन्त्र गठन गरिएको पुष्टि गरे । नगरपालिकामा निर्माण गरिएको संयन्त्रले जिल्लास्थित संयन्त्रको निर्देशन कार्यान्वयन गर्ने र वडासम्म त्यसलाई लागू गराउने तथा आफैले पनि रचनात्मक विरोध र प्रतिरोधका कार्यक्रम संचालन गर्न सक्ने बताइएको छ ।

    ढुंगेलले जनाए अनुसार भक्तपुर नगरपालिकामा गठबन्धनले नेपाली काँग्रेसका नेता रामप्रसाद कासुला, नेकपा माओवादी केन्द्रका सुनिल गोथे बासु, नेकपा एमालेका रामगोपाल चौगुठी, जसपाका सुरेन्द्र विक्रम ध्वन्जु र राजमोका राजेश गोसाई रहेको आन्दोलन तयारी संयन्त्र बनाएको छ । मध्यपुर थिमी नगरका लागि काँग्रेसका सुरेन्द्र श्रेष्ठ, माओवादीका कृष्णलाल गोजा, एमालेका प्रेमानन्द श्रेष्ठ,जसपाका सरोज घजु र राजमोका भीम श्रेष्ठ रहेको संयन्त्र बनाइएको छ ।

    त्यसैगरी सूर्यविनायकमा काँग्रेसका बालकृष्ण थापा, माओवादीका जीवन तज दिलकृष्ण,एमालेका दिपक बिशुंखे,जसपाका उत्तम सापकोटा र राजमोका रमेश बन्जाडे रहेका छन् भने चाँगुनारायणमा काँग्रेसका शिवहरि केसी, माओवादीका रामशरण दाहाल, एमालेका वासुदेव खड्का र जसपाका अर्जुन फुयाल रहेको संयन्त्र बनाइएको छ ।

    गठबन्धनको जिल्ला स्तरीय संयन्त्रले भक्तपुरमा भोलि बुधवार साँझ ७ बजे प्रत्येक घरबाट सिठी वा रित्तो थाल बजाएर सरकारको विरोध र खबरदारी गर्ने कार्यक्रम तय गरेको सहभागी जसपाका नेता श्रीराम खाइजुले बताए । असंबैधानिक तवरले गरिएको संसद बिघटनको बिरोध, कोभिड उपचार प्रभावकारी बनाउन पहल गर्ने र जनजीविकाको व्यवस्थापनमा पहल गर्ने संयन्त्रको प्रमुख ३ कार्यभार रहेको नेता खाइजुले स्पष्ट पारेका छन् । यसका लागि सरकारले गरेको प्रतिगमन, कोभिडको अव्यवस्था र जनजीविकाको अवमूल्यन विरुद्ध भक्तपुरका जनतालाई जुरुक्कै उठाउने गरी कार्यक्रम गर्ने बिपक्षी गठबन्धनको तयारी छ ।

    निषेधाज्ञामा पहिलो सांकेतिक बिरोध स्वरुप बुधवार साँझ ७ बजे भक्तपुरभरी घरको छत, कौसी वा आगनमा निस्केर सिठी वा थाल बजाएर बिरोध र खबरदारी गर्ने सर्वसम्मत निर्णय भएको बताइएको छ । उक्त बैठकमा नेपाली काँग्रेसका तर्फबाट सभापति दुर्लभ थापा आइसोलेसनमा रहेकाले उप सभापति हरिप्रसाद नेपाल, सचिव निशान ढुंगेल र उद्धव सिलवाल, सहसचिव किरण न्यौपाने समेत सम्मिलत थिए भने माओवादी केन्द्रका अध्यक्ष डीपी ढकाल, एमालेका अध्यक्ष रञ्जन केसी, सचिव श्याम बस्नेत र कविराम थापा, राजमोका अध्यक्ष शिवहरि खनाल,जसपाका अध्यक्ष श्याम सिल्पकार, श्रीराम खाइजु र बिदुर केसी लगायतका नेताहरु सहभागी रहेका थिए ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...