News Portal

  • चाँगुनारायणमा वाइसीएलले राहत बाड्दा बिपन्न परिवारको चुल्हो बल्यो

    मदन ढुंगाना / भक्तपुर पोस्ट भक्तपुर, १३ जेठ २०७८ विहिबार
    १९३० पटक
    ycl rahat at changunarayanभक्तपुर, १३ जेठ २०७८ विहिबार

    भक्तपुरमा नेकपा(माओवादी केन्द्र)ले राहत वितरणलाई निरन्तरता दिएको छ । कोभिड १९ का कारण सरकारले निषेधाज्ञा जारी गरेपछि हातमुख जोर्न समस्यामा परेका परिवारको पहिचान गरी माओवादीले राहत वितरण गरिरहेको हो ।

    बुधवार भक्तपुरको चाँगुनारायण नगरपालिका वडा नम्बर ८ का करिब ३० घरपरिवारका लागि राहत स्वरुप खाद्यान्न् सहयोग गरेको युवा नेता बिनोद लामिछानेले बताए । निषेधाज्ञाका कारण समस्यामा परेका विपन्न परिवारको पहिचान गरी स्थानीय पार्टी र वाइसिएलको संयोजनमा राहत वितरण गरिएको उनले जनाएका छन् । महामारीबाट  स्थानीय जनतालाई पनि रोग र भोकबाट बचाउने आफूहरुको अभियान नै रहेको नेता लामिछानेले जानकारी गराए ।

    नेकपा(माओवादी केन्द्र) का चाँगुनारायण नगर सदस्य एवम वडा नम्बर ८ का अध्यक्ष मदन श्रेष्ठले सरकारले दैनिक ज्यालादारी गरी खाने मजदुर विपन्नको बेवास्ता गरेकोले आफूहरु अघि सर्नु परेको बताए । उनका अनुसार बुधवार वडाका ३० बिपन्न परिवारका लागि प्रति परिवार १ बोरा चामल १ प्याकेट दाल, नुन, तेल, चिनी र मास्क लगायत वितरण गरिएको छ ।

    राहत वितरणबाट स्थानीयहरु खुशी भएका र आफूहरुलाई आशिर्वाद दिएका भन्दै राहत वितरणका संयोजकसमेत रहेका चाँगुनारायण ८ का वाइसिएल अध्यक्ष दिपेश लामिछानेले सन्तोष व्यक्त गरेका छन् । आफूहरुले आफ्नो स्वास्थ्यको ख्याल नगरी पार्टीकै साथीभाई मिलेर राहत संकलन र वितरण गरिरहेको भन्दै उनले बिपन्न परिवारमा सानो प्रयासले ठुलो खुशी मिलेकोमा सन्तोष व्यक्त गरेका हुन् । आफूहरुले सहयोग गर्दा चागुनारायण ८ का ३० घरपरिवारको निभेको चुल्हो बलेको उनले बताए ।

    राहत वितरणमा सहभागी भएका वाइसिएल भक्तपुर जिल्ला अध्यक्ष नरेश वाइवाले पार्टी र संगठनले अप्ठ्यारोमा परेका जनताको आशु पुछ्न पहल गरिरहेको प्रष्ट पारे । राजनीति गर्ने प्रति जनताको अपेक्षा धेरै हुने तर कोभिडमा सरकारले अक्सिजन र अस्पतालको शैया मात्र होइन बाच्नेका लागि दालभातको पनि ग्यारेन्टी गर्न नसकेको उनको आरोप छ । सरकारको मुख ताकेर मात्र नभएकाले आफूहरु महामारीकै बीचमा आफ्नो स्वास्थ्यको ख्याल नगरी जनताको लागि खटेको उनको जिकिर छ । अध्यक्ष वाइवाले वाइसिएलले कसैलाई भोको बस्न नदिने बताउदै यस्तो स्थिति भएका परिवारले वाइसिएलका स्थानीय युवाहरु संग सम्पर्क गर्न र सहयोग प्राप्त गर्न पनि आग्रह गरे ।

    राहत वितरण कार्यक्रममा मदन ढुंगाना, सानु खत्री,लक्ष्मण दुलाल , जीवन बजगाईं लगायतका स्थानीय युवा नेताहरुको समेत सक्रिय सभागिता रहेको थियो । राहत वितरण कार्य सम्पन्न गरेका युवाहरुले यसलाई निरन्तरता दिने प्रतिवद्धता समेत प्रकट गरेका छन् ।

    संकटका बेला संयुक्त प्रयासले जनताको पिडामा मलहम लगाउन सकिने बताउदै नेकपा(माओवादी केन्द्र) का भक्तपुर अध्यक्ष डिपी ढकालले सहभागी सबैलाई धन्यवाद दिएका छन् । उनले अन्य वडा कमिटीहरुले पनि जनताको दुख हेरेर नबस्न निर्देशन दिइएको र पार्टीले रोग र भोक बाट बचाउन जनपक्षीय कामहरु गरिरहेको जिकिर गरेका छन् ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...