News Portal

  • कोभिड महामारीका बाबजुद कुनै दिन पनि रोकिएन भक्तपुर क्यान्सर अस्पतालको सेवा

    भक्तपुरपोस्ट संवाददाता भक्तपुर, ३१ जेठ २०७८
    ३३६ पटक
    भक्तपुर, ३१ जेठ २०७८

    भक्तपुरस्थित उपत्यकाकै एकमात्र सरकारी क्यान्सर अस्पताल भक्तपुर क्यान्सर अस्पतालले कोभिड १९ महामारीका बाबजुत आफ्नो सेवालाई निरन्तरता दिँदै आएको छ । कोभिड १९ महामारीमा पनि अस्पतालले आफ्ना सबै सेवा सधै सुचारु राखेको हो ।

    कतिपय अस्पतालले कोभिडको बहानामा उपचार स्थगित गरिरहँदा भक्तपुर क्यान्सर अस्पतालले भने कोभिड वार्ड नै बनाएर क्यान्सरका बिरामीको उपचारमा कमी हुन दिएन । निषेधाज्ञाका बाबजुद अस्पतालमा दैनिक औषतमा एक सय माथि नयाँ बिरामीहरु उपचार सेवाका लागि आउने गरेका अस्पतालका कार्यकारी निर्देशक प्राडा विष्णुदत्त पौडेल बताउँछन् । नयाँ बिरामीमध्ये धेरैजसो बिरामीलाई भर्ना गरी उपचार गर्नुपर्ने उनले बताए ।

    कोभिड संक्रमणको यो विषम परिस्थितिमा समेत आफूहरुले  कुनै दिन पनि सेवा नरोकेको प्राडा पौडेलले जनाएका छन् । संक्रमण पुष्टी भएका क्यान्सरका बिरामीलाई राख्न अस्पतालले छुट्टै कोभिड वार्ड नै बनाएर उपचार गरिरहेको उनले जानकारी गराए । कोभिड वार्डमा १ दर्जन बढी कोभिड भएका क्यान्सर पेसेण्ट हुँदा पनि अस्पतालमा अक्सिजन अभाव हुन नदिएको उनले बताए । प्राडा पौडेलका अनुसार कोभिड संक्रमित क्यान्सर बिरामीको संख्या भने अहिले घटेर २ जनामा झरेको छ । प्राय उपत्यका बाहिरका बिरामी आउने र कोभिड भएको बिरामीलाई बस्न ठाउँ नपाइने समस्या देखेपछि अस्पतालले कोभिड वार्ड बनाएको हो । यद्यपी, आफूहरुले कोभिड संक्रमितका लागि समेत नियमित उपचार सेवा नरोकेको र जोखिमका बाबजुद बिरामीको सेवामा अस्पतालका चिकित्सक र कर्मचारी समर्पित भएको प्राडा पौडेलले दावी गरे ।

    अस्पतालको नेतृत्व गरिरहेका क्यान्सर विज्ञ प्राडा विष्णुदत्त पौडेलको कुशल नेतृत्वका कारण अस्पतालले आफ्नो सबै सेवा सुचारु गर्न सकेको चिकित्सकहरु बताउँछन् । गैरसरकारी संस्थाले सञ्चालन गर्दै आएकाे अस्पतालको व्यवस्थापन सरकारले अस्पताल विकास समिति मार्फत संघीय सरकार मातहत ल्याएपछि काम गर्न सहज भएको बताइएको छ । समस्या समाधानमा सरकारी संयन्त्र  परिचालित हुने हुँदा पहिले भन्दा अहिले काम गर्न सहज भएको कार्यरत कर्मचारीहरु बताउँछन् ।

    प्रतिकृया दिनुहोस्

    एमालेसंग चुनाव चिह्न बाहेक केहि बाँकी छैन : दाहाल

    नेपाल कम्युनिष्ट पार्टी (माओवादी केन्द्र) का केन्द्रीय सदस्य एवं बागमती प्रदेश अध्यक्ष नारायण दाहालले नेकपा...

    खुशुको नेतृत्वमा अखिल(क्रान्तिकारी)को भक्तपुर नगर कमिटी निर्वाचित

    नेकपा (माओवादी केन्द्र)को विद्यार्थी संगठन अनेरास्ववियू(क्रान्तिकारी) ले भक्तपुर नगर कमिटी बिस्तार गरेको छ । रुकेश...

    भक्तपुर सिडिओमा शर्मा

    भक्तपुर जिल्लाको प्रमुख जिल्ला अधिकारी(सिडिओ)मा रुद्रा शर्माको सरुवा भएको छ । गृह मन्त्रालयले गुल्मी बाट...

    इन्द्रजात्रा मनाउन गुठि/समुदायसंग समन्वयकारी भूमिका रहन्छ- एसएसपी सिंह

    ऐतिहासिक राष्ट्रिय पर्व ‘इन्द्र जात्रा’ नजिकिदै गर्दा यस पटकको यो जात्रा कसरी सम्पन्न गर्ने भन्ने...

    सेलर्डले भक्तपुरका सञ्चारकर्मीलाई दरवारमा लगेर दियो तालिम

    बाल दिवसको अवसरमा भक्तपुरका सञ्चारकर्मीहरुका लागि मानव बेचबिखन तथा बाल संरक्षणबारे अभिमुखीकरण तालिम सम्पन्न भएको...