News Portal

  • इंग्ल्यान्डलाई स्तब्ध पार्दै इटालीले उचाल्यो उपाधि, गोलरक्षक डोनारुम्मा सर्वोत्कृष्ट घोषित

    भक्तपुरपोस्ट संवाददाता भक्तपुर, २८ असार
    २७१ पटक
    भक्तपुर, २८ असार

    यस पटक युरोपेली च्याम्पियनसिपको उपाधि इटालीले हात पारेको छ । घरेलु टोली इंग्ल्यान्डलाई स्तब्ध पार्दै इटालीले उपाधि हात पारेको हो ।

    उक्त फाइनल खेलको नतिजा पेनाल्टी सुटबाट गरिएको थियो । पेनाल्टीमा इटाली ३-२ ले विजयी बनेको हो । निर्धारित ९० मिनेटको समयमा १-१ गोलको बराबरी भएपछि थपिएको ३० मिनेटमा गोल गोल हुन् सकेन । त्यसपछि पालैपालो पेनाल्टीबाट प्रतिस्पर्धाको नतिजा निकाल्ने नियमानुसार खेल इटालीको पक्षमा आएको थियो । इंग्ल्यान्डले लगातार ३ प्रहारमा गोल गर्न सकेन र इटाली ३-२ ले विजयी बन्न सफल भएको हो ।

    इंग्ल्यान्डले पहिलो गोल गरेपनि खेल गुमाउन पुग्यो । पहिलो हाफको सुरुवातमा नै अग्रता लिएको उसले दोस्रो हाफमा इटालीको गोल खान पुग्यो । खेलको दोस्रो मिनेटमा नै इंग्ल्यान्डले लुक शाको गोलमा अग्रता लिएको थियो ।६७ औं मिनेटमा इटालीले बोनुचीको गोलमा खेल बराबरी गर्न सक्यो ।

    निर्धारित ९० मिनेटको खेल १-१ को बराबरीमा सकिएपछि खेल अतिरिक्त समयमा धकेलिएको थियो । अतिरिक्त समयमा थप गोल हुन नसक्दा खेल टाइब्रेकरमा गएको थियो ।

    टाइब्रेकरमा पहिलो प्रहार गरेका इटालीका डोमेनिको बेरार्डीले सहजै गोल गरे । त्यसपछि इंग्ल्यान्डका कप्तान ह्यारी केनले पनि गोल गरे । दोस्रो प्रहारमा इटालीका आन्द्रीए बेलोट्टीको प्रहार किपरले बचाए । इंग्ल्यान्डका ह्यारी मगाएरले गोल गरेपछि इंग्ल्यान्डले फेरी अग्रता लिएको थियो ।

    तेस्रो प्रहारमा इटालीका लिओनार्दो बोनुचीले गोल गरे । तर, इंग्ल्याण्डका मार्कस रासफर्डको प्रहार पोस्टमा लागेर बाहिरिंदा खेल बराबरी भयो । चौथो प्रहारमा इटालीका बर्नार्डेसकीले गोल गरे तर इन्ग्ल्याण्डका सान्चोले गोल गर्न सकेनन । पाँचौ प्रहारमा जर्जिन्होले गोल गर्न सकेनन तरपनि इंग्ल्याण्डका बुकायो साकाको प्रहार समेत विफल बन्दा इटालीले ३-२ को जित हासिल गर्दै उपाधि जित्न सफल भएको हो ।

    इङ्ल्यान्डले आफ्नो अन्तिम तीन पेनाल्टी मिस गर्दा इटालीले आफ्नो दोस्रो युरोपियन उपाधि उचालेको हो । सन् १९६८ मा आफ्नो पहिलो युरोपियन उपाधि जितेको इटालीले ५३ वर्षपछि युरोपियन महादेशीय उपाधि जितेको छ ।

    युरो कपमा इटालीका गोलरक्षक जियानलुइजी डोनारुम्मा सर्वोत्कृष्ट खेलाडी घोषित भएका छन् । पोर्चुगलका कप्तान क्रिस्टियानो रोनाल्डो प्रतियोगिताभर कुल ५ गोल गर्दै गोल्डेन बुट प्राप्त गर्न सफल भएका छन् ।

    प्रतिकृया दिनुहोस्

    भक्तपुरका दुई नगरपालिकामा प्रेस सेन्टरको शाखा बिस्तार

    प्रेस सेन्टर नेपालले भक्तपुर जिल्लाका दुई नगरपालिकामा शाखा बिस्तार गरेको छ । बुधवार सूर्यविनायक र...

    विद्युतीय यातायातलाई सरकारले प्राथमिकता दिन्छ : मन्त्री भुसाल

    ऊर्जा, जलस्रोत तथा सिँचाइमन्त्री पम्फा भुसालले विद्युतीय यातायातलाई सरकारले प्राथमिकतामा दिने दावी गरेकी छन् ।...

    सेनाले बनायो रातमा पनि अवतरण गर्न मिल्ने हेलिप्याड

    जाजरकोट । जाजरकोटमा नेपाली सेनाले रातमा पनि हेलिकोप्टर अवतरण गर्न मिल्ने हेलिप्याड निर्माण गरेको छ...

    पुतलीबजारलाई १ का विरुद्ध ८ गोल गरी भक्तपुर बिजयी : मचामसी उत्कृष्ट खेलाडी घोषित

    एन्फाको आयोजनामा काठमाडौंमा सुरु भएको ‘उपमेयर कप’ महिला फुटबल प्रतियोगितामा भक्तपुर नगरपालिकाले स्याङ्जाको  पुतलीबजार नगरपालिकालाई...

    नागरिकका विवरण सुरक्षित हुनुपर्छ : प्रजापति

    भक्तपुर नगरपालिकामा राष्ट्रिय परिचयपत्रको विवरण भर्ने सम्बन्धमा रुजु अधिकारीहरुबीच अभिमुखीकरण कार्यक्रम सम्पन्न भएको छ ।...