भक्तपुरपोस्ट संवाददाता भक्तपुर, ७ साउन २०७८
भक्तपुर, ७ साउन २०७८गएराती सूर्यविनायक ८ आदर्शचोकमा सडक दुर्घटनामा परी एक युवकको ज्यान गएको छ । ज्यान गुमाउने युवक सूर्यविनायक नगरपालिका वडा नं. ६ सिपाडोल बस्ने बर्ष २१ को निरज श्रेष्ठ रहेका छन् ।
सूर्यविनायकबाट जगातीतर्फ जाँदै गरेको प्रदेश ३-०१-००६ ख २०३८ नं.को टिपरमा बिपरित दिशाबाट (जगातीबाट सूर्यविनायकतर्फ) आउदै गरेको प्रदेश ३-०२-०२४ प ८०३३ नं.को स्कुटी एक्कासी अनियन्त्रित भई ठक्कर खादा दुर्घटना भएको डिएसपी दिपक गिरीको भनाइ छ । स्कुटी चालक श्रेष्ठ गम्भिर घाइते भएकाले तत्कालै उपचारको लागी भक्तपुर अस्पताल दुधपाटीमा पुर्याएकोमा राति २:०० बजेको समयमा उपचारकै क्रममा उनको मृत्यु भएको डिएसपी गिरीले जानकारी गराए ।
टिपर चालक सिन्धुपाल्चोक मेलम्ची न.पा. वडा नं. १२ बस्ने बर्ष २९ को रमेश माझीलाई नियन्त्रणमा लिई थप अनुसन्धान कार्य भईरहेको प्रहरीको भनाइ छ ।