News Portal

  • सूर्यविनायकमा मानव कंकाल फेला : अनुसन्धानमा सहयोग गर्न प्रहरीको अपिल

    भक्तपुरपोस्ट संवाददाता भक्तपुर, ८ साउन
    ९९० पटक
    भक्तपुर, ८ साउन

    भक्तपुरको सूर्यविनायक नगरपालिका वडा नं. ७ गुण्डु स्थित जंगलमा एक मानव कंकाल फेला परेको छ । काफलको रुखमुनि उक्त मानव कंकाल फेला परेको हो ।

    मानव कंकाल जस्तो बस्तु जंगलमा देखेपछि स्थानीयले प्रहरीलाई खबर गरेका थिए । खबर प्राप्त हुनासाथ शुक्रवार महानगरीय प्रहरी वृत्त जगातीका प्रहरी निरीक्षक सुर्य बहादुर शाहीको कमाण्डमा अनुसन्धान अधिकृत सहितको प्रहरी टोली घटनास्थलमा पुगी अनुसन्धान अघि बढाएको वृत्त प्रमुख रहेका डिएसपी राजेश थापाले जानकारी दिए ।

    काफलको रुखको कापोमा पहेलो नाम्लो सहित हरियो नाइनलको डोरी समेत झुण्डिरहेको र नजिकैको झाडीमा हिलो, माटो लागेको कपडाहरु यत्रतत्र छरिएको पाइएको प्रहरीले जनाएको छ । कानून बमोजिम घटनास्थल मुचुल्का गरी उक्त कंकाल/हड्डीहरुलाई संकलन गरी परिक्षणको लागी केएमसी अस्पलत दुवाकोट पठाइएको र घटनाको सम्बन्धमा थप अनुसन्धान कार्य भईरहेको डिएसपी थापाले बताए ।

    घटनाको सम्बन्धमा महानगरीय प्रहरी परिसर भक्तपुरले एक प्रेस बिज्ञप्ती जारी गरी अनुसन्धानमा सहयोग गरिदिन अनुरोध गरेको छ । सूचना अधिकारी रहेका डिएसपी दिपक गिरीद्वारा जारी प्रेस बिज्ञप्तीमा घटनास्थलबाट रातो रंगको म्याजिक चप्पल (अन्दाजी ७/८ नम्बर) १ जोर,Adidas लेखेको कालो ट्राउजर १ थान, कालो हुक १ थान,हाप बाहुला भएको सेतो टिर्सट १ थान फेला परेकाले यस प्रकारको कपडा लगाएको मानिस हराएको भएमा प्रहरीलाई जानकारी गराई प्रहरी अनुसन्धानमा सहयोग गर्न अपिल गरिएको छ ।

    महानगरीय प्रहरी परिसर भक्तपुरले परिसरका डिएसपी दिपक गिरीको मोबाइल नम्बर ९८५१११४८२१ र जगाती वृत्तका डिएसपी राजेश थापाको मोबाइल नम्बर ९८५१२८८६३३ सार्वजनिक गर्दै केहि जानकारी भए सम्पर्क गरी अनुसन्धानमा सहयोग गर्न प्रेस बिज्ञप्तीमार्फत अपिल गरेको हो ।

    प्रतिकृया दिनुहोस्

    नेपाल – भारत साहित्य दोस्रो महोत्सवको लागि बैठक सम्पन्न

    काठमाडौं । नेपाल -भारत साहित्य यात्राको दोस्रो संस्करणको रुपमा त्रिदीवसीय नेपाल भारत साहित्य दोस्रो महोत्सव...

    महिला सशक्तीकरणमा लायन्स

    काठमाडौं, सामाजिक क्षेत्रमा विविध कार्य गर्दै आइरहेको लायन्स अफ काठमाडौं, ब्राइटस्टारको प्रायोजनमा महिला सशक्तीकरण कार्यक्रमअन्तर्गत...

    बिग्रेको बाटोका कारण बाल्कोटमा ट्र्याक्टर चालकको ज्यान गयो : प्रहरी

    भक्तपुरको सूर्यविनायक- २ बालकोटस्थित महेन्द्र शान्ति स्कूलबाट चारदोबाटो तर्फ आउदै गरेको ट्र्याक्टर दुर्घटना हुँदा चालकको...

    पाप पखाल्ने इन्द्रदह

    नेपाल भाषामा ‘येँ’ भन्नाले काठमाडौँ भन्ने बुझिन्छ , ‘किँ’ को अर्थ किला र दह अर्थात्...

    मानवीय आस्थामा नयाँ कार्यसमिति

    भक्तपुरमा क्रियाशील गैरसरकारी संस्था मानवीय आस्था नेपालको छैठौं साधारण सभा सम्पन्न भएको छ । आइतबार...