News Portal

  • भक्तपुरमा गर्जिए देउवा : दुर्लभ थापालाई सांसद बनाउने उद्घोष

    बाबुराम दाहाल / भक्तपुर पोस्ट भक्तपुर, १८ भदौ
    ८७१ पटक
    भक्तपुर, १८ भदौ

    प्रधानमन्त्री एवं नेपाली काँग्रेसका सभापति शेरबहादुर देउवाले भक्तपुर -२ बाट आफ्नो पार्टीले जिल्ला सभापति दुर्लभ थापालाई प्रतिनिधि सभाको उम्मेदवार उठाउने उद्घोष गरेका छन् । त्यतिमात्र होइन, उनले जिल्ला सभापति दुर्लभ थापाले चुनाव जित्ने समेत दावी गरे ।

    शुक्रवार सूर्यविनायक नगरपालिका वडा नं. ५ को वडा अधिवेशनलाई सिर्जनानगरमा उद्घाटन गर्दै प्रधानमन्त्री देउवाले उक्त दावी गरेका हुन् । नेकपा एमालेका नेता एवं भक्तपुर २ का संघीय सांसद महेश बस्नेतले केहि दिन अघि आगामी निर्वाचनमा आफूले देउवालाई नै हराइदिने अभिव्यक्ति प्रति प्रधानमन्त्री देउवाले आक्रोस समेत व्यक्त गरे । उनले आफुलाई नभई जिल्ला सभापति दुर्लभ थापालाई निर्वाचनमा हराउने हैसियत बनाउन सांसद बस्नेतलाई सुझाव समेत दिए ।

    बस्नेतकै गृहनगरमा पुगेर गर्जिएका प्रधानमन्त्री देउवाले सांसद बस्नेतलाई हैसियत नभएको समेत भन्न भ्याए । सम्बोधनको क्रममा जिल्ला सभापति थापाले नेता बस्नेतले आफ्नो पार्टीको केन्द्रीय सभापतिका बारे बोल्न नसुहाउने प्रसंग उप्काएपछि प्रधानमन्त्री देउवाले  त्यसको प्रतिक्रिया दिएका थिए ।

    भक्तपुरमा मात्र नभई देशमै कांग्रेसलाई आगामी निर्वाचनमा पहिलो पार्टी बनाउन महाधिवेशन सफल बनाउनुपर्ने आवश्यकता औल्याउदै उनले महाधिवेशनबाट योग्य र सक्षम नेतृत्व चयन हुने बिश्वास समेत व्यक्त गरे ।

    अधिवेशनमा सर्वसम्मत नेतृत्व चयन गरेर पार्टीमा एकताको सन्देश दिन आग्रह गर्दै देउवाले संवैधानिक संकट आउन सक्ने भएकाले कोरोनाको जोखिमकाबीच महाधिवेशन गर्नु परेको बताए ।

     

    कार्यक्रममा केन्द्रीय सदस्य आनन्दप्रसाद ढुंगानाले कांग्रेसको महाधिवेशनलाई राष्ट्रिय र अन्तराष्ट्रिय रुपमै चासोका साथ हेरिएको बताउँदै कांग्रेस मुलुकको जेठो र लोकतान्त्रिक पार्टी भएकोले कांग्रेसको महाधिवेशनको सफलता मुलुकको सफलतासंग जोडिएको जिकिर गरे ।

    वडा इकाई सभापति राजु ढुंगेलको सभापतित्वमा सम्पन्न कार्यक्रममा नेपाली कांग्रेस जिल्ला सभापति दुर्लभ थापा, सचिव निशान ढुंगेल लगायतले जिल्लामा सर्वसम्मत नेतृत्व चयनका लागि प्रयास भैरहेको बताएका थिए ।

    प्रतिकृया दिनुहोस्

    सूर्यविनायकमा राष्ट्रिय परिचयपत्रबारे सिकाउँदै सिडिओ कार्यालय

    राष्ट्रिय परिचयपत्रका लागि विवरण भर्ने सम्बन्धमा सूर्यविनायक नगरपालिकामा अभिमुखीकरण कार्यक्रम सम्पन्न भएको छ । जिल्ला...

    अस्पतालमै एमालेको वडाअधिवेशन, बिरामी त्रसित

    काठमाडौं। नेकपा एमालेले विरामीलाई नै त्रसित पार्नेगरी अस्पतालमै वडा अधिवेशन सम्पन्न गरेको छ। काठमाडौं तारकेश्वर...

    एउटै ब्यक्ति कांग्रेस र एमाले दुबै पार्टीको वडा नेतामा निर्वाचित

    दार्चुला । दार्चुलामा कांग्रेसको अधिवेशनबाट वडा उपसभापतिमा चयन भएका एक जना एमालेको वडा सचिवमा चयन...

    भक्तपुरको एमाले वडा अधिवेशन : धेरैमा सर्वसम्मत, मध्यपुरमा बिबाद मथ्थर तर बन्द सत्र बाँकी

    नेपाल कम्युनिष्ट पार्टी (एमाले)ले शनिबार देशभर वडा अधिवेशन सम्पन्न गरेको छ । यसैबीच भक्तपुर जिल्लामा...

    नेपाली बक्सिङ्ग टोली सर्विया प्रस्थान

    ‘आईबा वल्ड बक्सिङ च्याम्पियनसिप’मा सहभागी हुन नेपाली बक्सिङ्ग टोली सर्विया प्रस्थान गरेको छ । अन्तर्राष्ट्रिय...