News Portal

  • कासिछवाको अध्यक्षतामा चाँगुनारायण उद्योग बाणिज्य संघको स्थापना, महासचिवमा लामिछाने

    मदन ढुंगाना / भक्तपुर पोस्ट भक्तपुर, १६ असोज २०७८
    ८०२ पटक
    भक्तपुर, १६ असोज २०७८

    भक्तपुर जिल्ला खेलकुद विकास समितिका अध्यक्ष समेत रहेका युवा व्यवसायी श्रीभक्त कासिछवाको नेतृत्वमा चाँगुनारायण उद्योग वाणिज्य संघको स्थापना भएको छ । कासिछवाको अध्यक्षतामा १३ सदस्यीय सस्थापक कार्यसमिति सहित चाँगुनारायण उद्योग बाणिज्य संघको स्थापना भएको हो ।

    संघको उपाध्यक्षमा सुरेस खत्री रहेका छन् भने महिला उद्यमी चण्डिका लामिछाने महासचिव रहेकी छन् । त्यसैगरी सचिवमा ईश्वर थापा,सहसचिवमा मुकुन्द थापा र कोषाध्यक्षमा श्याम नायजु श्रेष्ठले जिम्मेवारी पाएका छन् ।

    कार्यसमिति सदस्यहरुमा युवा व्यवसायी एवं समाजसेवी दिल कुमार बाला, नरेश अवाल, जमुना थापा, शान्ति केसी, पार्वती श्रेष्ठ, मदन श्रेष्ठ र कुल बहादुर नेम्हाफुकी रहेका महासचिव लामिछानेले जनाएकी छन् ।

    चाँगुनारायण उद्योग वाणिज्य संघ जिल्ला प्रशासन कार्यालय भक्तपुरमा नयाँ सस्थाको रुपमा दर्ता भएको हो । दर्ता प्रमाण पत्र हस्तान्तरण गर्दै प्रमुख जिल्ला अधिकारी रुद्रादेवी शर्माले संघले चाँगु क्षेत्रको बिकाशमा योगदान गर्ने बिश्वास व्यक्त गरिन् ।

    संघले चाँगुनारायण नगरक्षेत्रमा रहेका उद्योगी र व्यापारीहरुलाई संगठित गर्ने तथा अवसर र चुनौतीलाई बाड्दै एक ससक्त आर्थिक सामाजिक संस्थाको रुपमा अघि बढ्ने महासचिव लामिछानेले बताईन् । आधा आकास ढाक्ने महिलालाई उद्यम र व्यापारको माध्यमबाट आर्थिक समृद्धिसंग जोड्नेमा आफ्नो जोड रहने समेत उनको भनाइ छ ।

    त्यसैगरी अध्यक्ष कासिछवाले एकतामा नै बल हुने भएकोले उद्योगी तथा व्यवसायीलाई एकजुट बनाउन संघको स्थापना गरिएको बताए । संघले नगर क्षेत्रमा रहेको उद्योग र व्यवसायको बिकासको अलावा समाज बिकासको क्षेत्रमा समेत योगदान गर्ने लक्ष रहेको उनले जानकारी गराए ।

    प्रतिकृया दिनुहोस्

    मध्यरातमा लुटियो आकाश भैरवको मुर्ति

    हल्चोक स्थित हल्चोक आकाश भैरवको मुर्ति मध्यरातमा लुटिएको छ। हल्चोक आकाश भैरव गुथिका अध्यक्ष सागर...

    बनेपालीको नेतृत्वमा बन्यो बागमती प्रदेश स्तरीय लेखक संघ

    अखिल नेपाल लेखक संघ, बागमती प्रदेशमा अगिव बनेपालीको अध्यक्षतामा नयाँ कार्यसमिति चयन गरिएको छ ।...

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...