News Portal

  • आयोजकलाई पछि पार्दै हेल्दि फुट्सलले हात पार्यो भक्तपुरव्यापी प्रतियोगिताको उपाधी

    मदन ढुंगाना / भक्तपुर पोस्ट भक्तपुर, २१ असोज
    ५५३ पटक
    भक्तपुर, २१ असोज

    प्रथम भक्तपुर जिल्लाव्यापी फ़ुट्सल प्रतियोगितामा आयोजक एबिसी क्लबलाई पछि पार्दै हेल्दि फ़ुट्सलको क्लबले उपाधी हात पारेको छ । बिहीवार राति सम्पन्न खेलमा आयोजकको टिम बिरुद्ध हेल्दि फ़ुट्सलले जीत हासिल गरेको हो ।

    सूर्यविनायकस्थित ख्वप फ़ुट्सलमा भएको फ़ाइनल खेलमा हेल्दिका लाागि सरोज सुवालले गरेको १ गोल नै निर्णायक बन्न पुगेपछि हेल्दी फ़ुट्सल बिजयी बन्न पुगेको छ । आयोजकको टिमले कुनै पनि गोल गर्न नसक्दा दोश्रो स्थानमा चित्त बुझाउन पर्यो ।

    उद्धार मिडिया र पाण्डोबजार फ्रेन्डशिप क्लबद्वारा आयोजित फ़ुट्सल प्रतियोगितामा २६ समूह सहभागी रहेका प्रतियोगिताका संयोजक प्रदिप ढकालले बताए ।बिजेता हेल्दी फ़ुट्सलले नगद ५५ हजार ५ सय ५५ सहित ट्रफी र प्रमाणपत्र प्राप्त गरेको छ भने उपविजेता आयोजक एबिसीले नगद २२हजार २ सय २२ रुपैया प्राप्त गरेको उनले जनाएका छन् ।

    प्रतियोगितामा बेस्ट प्लेयरको उपाधी भने आयोजक टिमका सतिस सुवालले प्राप्त गरेका छन् भने बेस्ट गोलकिपर अवार्ड सोही क्लबका विकेश त्वाटिले हात पार्न सफल भए । इमर्जिङ्ग खेलाडीको अवार्ड हेल्दीका कुसल सुवाललाई दिइएको छ भने फेयर प्ले अवार्ड भक्तपुर वेभ फ़ुट्सल क्लबले हात पारेको छ ।

    प्रमुख अतिथि रहेका सूर्यविनायक नगर प्रमुख बासुदेव थापा र विशेष अतिथि द्वय नेकपा(माओवादी केन्द्र)का भक्तपुर संयोजक डिपी ढकाल र वडा नम्बर ६ का वडाध्यक्ष रामेश्वर धोजुले बिजेता टिम र खेलाडीहरुलाई पुरस्कार प्रदान गरेका थिए । पुरस्कार वितरण कार्यक्रमलाई सम्बोधन गर्दै नगरप्रमुख थापाले खेल र खेलाडीको बिकासको लागि नगरपालिकाले सक्दो सहयोग गर्ने प्रतिवद्धता प्रकट गरेका थिए भने अध्यक्ष ढकालले टिम वर्क खेलाडीबाट नेताहरुले समेत सिक्नपर्ने आवश्यकता औल्याए ।

    उक्त अवसरमा युवा नेताहरु र समाजसेवीहरु समेत अतिथिको रुपमा सहभागी भएका थिए भने खेलप्रेमी जनसमुदायहरुको उल्लेख्य उपस्थिति रहेको थियो ।

    प्रतिकृया दिनुहोस्

    मध्यरातमा लुटियो आकाश भैरवको मुर्ति

    हल्चोक स्थित हल्चोक आकाश भैरवको मुर्ति मध्यरातमा लुटिएको छ। हल्चोक आकाश भैरव गुथिका अध्यक्ष सागर...

    बनेपालीको नेतृत्वमा बन्यो बागमती प्रदेश स्तरीय लेखक संघ

    अखिल नेपाल लेखक संघ, बागमती प्रदेशमा अगिव बनेपालीको अध्यक्षतामा नयाँ कार्यसमिति चयन गरिएको छ ।...

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...