News Portal

  • भक्तपुरको एमाले वडा अधिवेशन : धेरैमा सर्वसम्मत, मध्यपुरमा बिबाद मथ्थर तर बन्द सत्र बाँकी

    भक्तपुरपोस्ट संवाददाता भक्तपुर, ६ कात्तिक २०७८
    ११९७ पटक
    भक्तपुर, ६ कात्तिक २०७८

    नेपाल कम्युनिष्ट पार्टी (एमाले)ले शनिबार देशभर वडा अधिवेशन सम्पन्न गरेको छ । यसैबीच भक्तपुर जिल्लामा समेत चारवटै नगरपालिकाका प्रायजसो वडामा वडा अधिवेशन सम्पन्न भएको छ ।

    शनिबार बेलुकी सम्म अधिवेशन सम्पन्न भएका सबै वडामा सर्वसम्मत वडा नेतृत्व चयन भएको नेकपा(एमाले) का भक्तपुर अध्यक्ष बचन देउजाले बताए । अध्यक्ष देउजाले दिएको जानकारी अनुसार सूर्यविनायकको वडा नम्बर ४ मा भने गोला प्रथाद्वारा अध्यक्ष चयन भएका छन् । वडा अध्यक्षमा २ जनाको दावेदारी परेको र दुबैले गोलाप्रथा गर्न सहमती जनाएपछि गोलाप्रथाद्वारा अध्यक्ष चयन गरिएको हो । वडा अधिवेशन सम्पन्न अन्य सबै वडामा सर्वसम्मत नेतृत्व चयन भएको छ ।

    जिल्लास्थित केहि वडाहरुमा भने वडा अधिवेशन सम्पन्न हुन सकेका छैनन् । उद्घाटन सत्र सम्पन्न भएपनि बन्द सत्र बाँकी नै रहेको बताइएको छ । मध्यपुर थिमि नगरपालिका अन्तर्गतका अधिकांस वडाहरुमा नेतृत्व बिबादका कारण बन्द सत्र स्थगित भएका बुझिएको छ । मध्यपुर थिमिको वडा नम्बर ४,५,६ त्यसैगरी ८ र ९ मा बन्द सत्र स्थगित भएका छन् । यी वडाहरुमा अध्यक्ष देउजा र मध्यपुर थिमि नगरपालिकाका मेयर समेत रहेका अर्का नेता मदनसुन्दर श्रेष्ठ पक्षको दुई समुह देखा परेपछि अधिवेशन अधुरो बन्न पुगेको हो । समानान्तर वडा अधिवेशनको तयारी गरेका दुई समूहबीच वार्ता भएपछि संयुक्तरुपमा उद्घाटन सत्र सम्पन्न भएपनि बन्द सत्र शुरु हुन सकेन ।

    अध्यक्ष देउजाले भने बिबादका कारण नभई सर्वसम्मत नेतृत्व चयनको प्रयासका लागि बन्द सत्र स्थगित गरिएको दावी गरे । भक्तपुर पोस्टसंग कुरा गर्दै उनले भने, ”वडा नेतृत्वको विषयमा कुनै गुटगत बिबाद होइन, साथीहरुबीच आन्तरीक प्रतिस्पर्धा स्वभाविक हो । हामी सर्वसम्मतीको पक्षमा रहेकाले अन्तिम प्रयास गरिरहेका छौं ।” उनले आइतवार नै बन्द सत्र सम्पन्न गरी बाँकी रहेका वडाका नेतृत्व चयन गरिने जानकारी गराए ।

    बन्द सत्र सम्पन्न हुन बाँकी रहेका वडामा मध्यपुर पछि सूर्यविनायक रहेको छ । यहाँ वडा नम्बर २ र ६ मा अधिवेशन सम्पन्न हुन सकेको छैन भने चाँगुनारायण नगरपालिकाको वडा नम्बर ६ मा पनि बन्द सत्र बाँकी नै रहेको छ । भक्तपुर नगरपालिकामा भने सबै वडामा अधिवेशन सम्पन्न भएको बताइएको छ ।

    नेकपा(एमाले) का नेता निर्मल भट्टराईले जिल्लामा उत्साहपूर्णरुपमा वडा अधिवेशन सम्पन्न भएको बताए । बाँकी रहेका वडामा पनि सर्वसम्मत नेतृत्व चयन हुने उनले बिश्वास व्यक्त गरे ।

    प्रतिकृया दिनुहोस्

    मध्यरातमा लुटियो आकाश भैरवको मुर्ति

    हल्चोक स्थित हल्चोक आकाश भैरवको मुर्ति मध्यरातमा लुटिएको छ। हल्चोक आकाश भैरव गुथिका अध्यक्ष सागर...

    बनेपालीको नेतृत्वमा बन्यो बागमती प्रदेश स्तरीय लेखक संघ

    अखिल नेपाल लेखक संघ, बागमती प्रदेशमा अगिव बनेपालीको अध्यक्षतामा नयाँ कार्यसमिति चयन गरिएको छ ।...

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...