News Portal

  • कटुञ्जेकी उर्मिला भक्तपुर सिडिओ कार्यालयमा प्रशासकीय अधिकृत

    भक्तपुरपोस्ट संवाददाता भक्तपुर,९ कात्तिक २०७८
    २६६७ पटक
    urmila khatiwada rudra sharmaभक्तपुर,९ कात्तिक २०७८

    जिल्ला प्रशासन कार्यालय भक्तपुरको प्रशासकीय अधिकृतको जिम्मेवारी स्थानीय उर्मिला खतिवडा घिमिरेले पाएकी छन् । सूर्यविनायक ५ कटुञ्जे मनोरम बस्तीकी उर्मिला निजामति सेवाको सिनियर शाखा अधिकृत हुन् ।

    उनी सोलुखुम्बु जिल्लाको सहायक सिडिओको जिम्मेवारी सफलतापूर्वक सम्पन्न गरी भक्तपुरमा सरुवा भई आएकी जिप्रका भक्तपुरका कर्मचारी कुबेरप्रसाद दाहालले जानकारी दिए । यसै महिनाबाट उर्मिलाले जिल्ला प्रशासन कार्यालय भक्तपुरको प्रशासकीय अधिकृतको जिम्मेवारी सम्हालेकी छन् । भक्तपुरकी प्रमुख जिल्ला अधिकारी रूद्रादेवी शर्माले उनलाई स्वागत गर्दै गत १ गतेदेखि हाजिर गराएकी हुन् ।

    निवर्तमान प्रशासकीय अधिकृत यज्ञ राज जाेशी भने सरुवा भई गृह मन्त्रालय पुगेका छन् । आध्यात्मिक व्यक्तित्व समेत रहेका जोशी भक्तपुरमा बिबादरहित रहेका थिए ।

    नयाँ प्रशासकीय अधिकृतको रुपमा जिम्मेवारी सम्हालेकी उर्मिला खतिवडा घिमिरेले जनताको सुविधालाई केन्द्रमा राखी छिटोछरितो र प्रभावकारी ढंगले कार्यसम्पादन गर्ने प्रतिवद्धता प्रकट गरेकी छन् । सोलुखुम्बुमा सहायक सिडिओकै जिम्मेवारी पूरा गरिसकेको अनुभवले आफूलाई प्रशासनीक काममा सहयोग मिल्ने उनले बिश्वास व्यक्त गरिन् । आफू भक्तपुर निवासी समेत रहेकाले भक्तपुरको शान्तिसुरक्षा र सुशासनमा कुनै कसर बाँकी नराख्ने उनले बताइन् ।

    उनका श्रीमान समेत निजामति सेवाका उच्च अधिकारी हुन् । उनी सिनियर सहसचिव दिनेशकुमार घिमिरेकी श्रीमती हुन् । घिमिरे हाल चीनको छेन्दुमा नेपाल सरकारका तर्फबाट महावाणिज्य दुत रहेका छन् ।

    प्रतिकृया दिनुहोस्

    मध्यरातमा लुटियो आकाश भैरवको मुर्ति

    हल्चोक स्थित हल्चोक आकाश भैरवको मुर्ति मध्यरातमा लुटिएको छ। हल्चोक आकाश भैरव गुथिका अध्यक्ष सागर...

    बनेपालीको नेतृत्वमा बन्यो बागमती प्रदेश स्तरीय लेखक संघ

    अखिल नेपाल लेखक संघ, बागमती प्रदेशमा अगिव बनेपालीको अध्यक्षतामा नयाँ कार्यसमिति चयन गरिएको छ ।...

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...