News Portal

  • नागरिकका विवरण सुरक्षित हुनुपर्छ : प्रजापति

    भक्तपुरपोस्ट संवाददाता भक्तपुर, ९ कात्तिक २०७८
    १६० पटक
    भक्तपुर, ९ कात्तिक २०७८

    भक्तपुर नगरपालिकामा राष्ट्रिय परिचयपत्रको विवरण भर्ने सम्बन्धमा रुजु अधिकारीहरुबीच अभिमुखीकरण कार्यक्रम सम्पन्न भएको छ । नगर प्रमुख सुनिल प्रजापतिको प्रमुख आतिथ्यता र भक्तपुर जिल्लाकी प्रमुख जिल्ला अधिकारी रुद्रादेवी शर्माको अध्यक्षतामा मंगलवार अभिमुखीकरण कार्यक्रम सम्पन्न भएको हो ।

    कार्यक्रमलाई सम्बोधन गर्दै नगर प्रमुख प्रजापतिले नागरिकको संवेदनशील विवरणको सुरक्षालाई पहिलो प्राथमिकतामा राखेर राष्ट्रिय परिचय पत्रमा विवरण संकलनको काम गरिनुपर्नेमा जोड दिएका छन् । राज्यले दिने सम्पूर्ण सेवा र सुविधा सहज र सुलभ बनाउन राष्ट्रिय परिचय पत्रको अवधारणाको स्वागत गर्दै उनले संवेदनशील विवरणको सुरक्षामा भने सम्झौता गर्न नहुनेमा जोड दिएका हुन् ।

    प्रमुख प्रजापतिले राष्ट्रिय परिचय पत्र विवरण संकलनको क्रममा हुनसक्ने त्रुटीलाई ध्यानमा राखी आवश्यक संशोधनको व्यवस्था पनि गर्न सुझाव दिंदै व्यक्तिको सम्पत्तिको सुरक्षा तथा जालसाझी र किर्ते कामहरु नियन्त्रण राष्ट्रिय परिचय पत्रले महत्वपूर्ण भूमिका खेल्ने बिश्वास व्यक्त गरे ।

    कार्यक्रममा सिडिओ रुद्रादेवी शर्माले सरकारले बहुउपयोगी राष्ट्रिय परिचयपत्रको अवधारणा अगाडि ल्याएको अवगत गराउदै यसले व्यक्तिको वैयक्तिक र जैविक विवरणसहितको डिजिटल पहिचान स्थापना गर्ने बताइन । नागरिकता प्राप्त गरेका व्यक्तिहरुको मात्र विवरण भरिने र राष्ट्रिय परिचयपत्र दिइने उनले जानकारी गराएकी छन् ।

    उक्त अवसरमा सहायक सिडिओ सीता परियारले राष्ट्रिय परिचयपत्रमा विवरण दर्ताबारे प्रस्तुतीकरण दिंदै कसरी राष्ट्रिय परिचयपत्र लाई त्रुटिरहित र विश्वासिलो बनाउने भन्ने बारे बताएकी थिइन् ।

    कार्यक्रममा नगर उपप्रमुख रजनी जोशी लगायत जनप्रतिनिधिहरु, प्रमुख प्रशासकीय अधिकृत रामलाल श्रेष्ठ, जिप्रकाकी प्रशासकीय अधिकृत उर्मिला खतिवडा, एसपी शिवकुमार श्रेष्ठ त्यसैगरी वडा सचिव तथा रुजु अधिकारीहरुको समेत सहभागिता रहेको थियो ।

    प्रतिकृया दिनुहोस्

    मध्यरातमा लुटियो आकाश भैरवको मुर्ति

    हल्चोक स्थित हल्चोक आकाश भैरवको मुर्ति मध्यरातमा लुटिएको छ। हल्चोक आकाश भैरव गुथिका अध्यक्ष सागर...

    बनेपालीको नेतृत्वमा बन्यो बागमती प्रदेश स्तरीय लेखक संघ

    अखिल नेपाल लेखक संघ, बागमती प्रदेशमा अगिव बनेपालीको अध्यक्षतामा नयाँ कार्यसमिति चयन गरिएको छ ।...

    भक्तपुर नगरब्यापी विद्यालयस्तरीय खेलकुद प्रतियोगिता शुरु

    भक्तपुर नगरपालिकाले हरेक वर्ष गर्दै आएको नगरव्यापी विद्यालयस्तरीय खेलकुद प्रतियोगिता शुरु भएको छ । सोमबार...

    भक्तपुरका ८ मानन्धर सम्मानित

    भक्तपुर उद्योग वाणिज्य संघका नवनिर्वाचित अध्यक्ष शिवप्रसाद मानन्धरसहित ८ जना अगुवा मानन्धरहरुलाई सम्मान गरिएको छ...

    जुगलको अध्यक्षतामा प्रेस सेन्टर नेपालको नयाँ नेतृत्व निर्वाचित

    क्रान्तिकारी पत्रकारहरुको संगठन प्रेस सेन्टर नेपालको चितवनमा सम्पन्न चौथो राष्ट्रिय महाधिवेशनबाट नयाँ नेतृत्व चयन भएको...