News Portal

  • भक्तपुरका ज्वाईं जम्मकट्टेल फेरिपनि प्रभावशाली मन्त्री

    भक्तपुरपोस्ट संवाददाता भक्तपुर, २५ कात्तिक २०७८
    ९९७ पटक
    shalikram jamarkattelभक्तपुर, २५ कात्तिक २०७८

    बागमती प्रदेशका नवनियुक्त मन्त्री शालिकराम जम्मकट्टेल र निमा लामाले पद तथा गोपनियताको शपथ लिएका छन् । प्रदेश प्रमुख यादवचन्द्र शर्माले बिहीबार उनीहरूलाई शपथ गराएका हुन् ।

    नेकपा (माओवादी केन्द्र) बागमती प्रदेश संसदीय दलका नेता जम्मकट्टेल भक्तपुरका ज्वाईं समेत हुन् । मध्यपुर थिमि ससुराली भएका उनी त्यहीँ नजिक घर बनाएर बस्दै आएका छन् । पूर्व मजदुर नेतासमेत रहेका धादिङ्गबाट प्रदेश सांसद निर्वाचित जम्मकट्टेल सपथ ग्रहणसंगै तेस्रो वरियतासहित आर्थिक मामिला तथा योजनामन्त्री बनेका छन् । उनी तत्कालीन नेकपाको सरकार हुँदा दोस्रो वरियतासहित आन्तरिक मामिला तथा कानुनमन्त्री थिए । नेकपामा बिबाद उत्पन्न भएपछि उनले राजिनामा दिएका थिए । उनी (माओवादी केन्द्र) का केन्द्रीय सदस्य एवं धादिङ्ग जिल्ला इन्चार्ज समेत हुन् । मन्त्रीका आकांक्षी धेरै देखिएपछि त्यसलाई मिलाउन नसक्दा पार्टीमा सिनियर रहेका जम्मकट्टेल दोहोरिन सफल भएका भक्तपुरका एक नेताले बताए ।

    मुख्य मन्त्री राजेन्द्र पाण्डे नेतृत्वको बागमती प्रदेश सरकारमा कांग्रेस संसदीय दलका सचिव रहेका सिन्धुपाल्चोकका  निमा लामा स्वास्थ्यमन्त्री बनेका छन् । पाण्डेले यसअघि आन्तरिक मामिला तथा कानुन मन्त्रीमा चितवनबाट कृष्णप्रसाद खनाल, भौतिक पूर्वाधार विकास मन्त्रीमा भक्तपुरका सांसद कृष्णलाल भडेल र सामाजिक विकासमन्त्रीमा मकवानपुरकी कुमारी मोक्तानलाई जिम्मेवारी दिएका थिए ।

    बागमतीमा माओवादी केन्द्र, नेपाली कांग्रेस, नेकपा (एकीकृत समाजवादी) र जनता समाजवादी पार्टीको गठबन्धन सरकार छ । २ साता बितिसक्दा पनि मन्त्रीमण्डलले पूर्णता भने पाउन सकेको छैन ।

    प्रतिकृया दिनुहोस्

    आईपीएल अक्सनमा नेपालका १५ खेलाडी

    इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा...

    मौसमीफ्लू कि कोभिड कसरी थाहा पाउने

    कोभिड महामारीकाबीच मौसममा देखिएको प्रभावका कारण कोभिडजस्तै लक्षण भएका मानिसहरूको सङ्ख्यामा वृद्धि देखिएको चिकित्सकहरूले बताएका...

    रहेनन् पूर्व सांसद एवं साल्ट ट्रेडिङका अध्यक्ष मानन्धर

    साल्ट ट्रेडिङ कर्पोरेसनका अध्यक्ष एवम् नेपालका चर्चित उद्योगी लक्ष्मीदास मानन्धरको निधन भएको छ । पछिल्लो समय...

    जोरबिजोर नियम अनुसार सवारी चलाउन सिडिओ शर्माको आदेश

    rudra sharma

    काठमाडौँ उपत्यकाभित्र चल्ने यातायातमा जोरबिजोर प्रणाली लागू गरिएको छ । कोभिड नियन्त्रणका लागि भन्दै प्रमुख...

    समाजवादी प्रेस संगठन भक्तपुरको अध्यक्षमा कार्की, सचिवमा चौलागाईं

    नेपाल कम्युनिष्ट पार्टी (एकीकृत समाजवादी) निकट समाजवादी प्रेस संगठन नेपाल भक्तपुरको नेतृत्वमा पत्रकार दिनेश कार्की...