भक्तपुर सांगीतिक समाजले आफ्नो पाँचौ स्थापना दिवसको अवसर पारेर रक्तदान कार्यक्रम सम्पन्न गरेको छ । शनिबार भक्तपुरको सूर्यविनायकमा रक्तदान कार्यक्रम कार्यक्रम सम्पन्न भएको हो ।                                                                                                                                                     उक्त अवसरमा  कार्यक्रममा २५ जना रक्तदाताहरुले रक्तदान गरेका समाजका उपाध्यक्ष कपिल कस्पालले बताए । कार्यक्रमलाई रोचक बनाउन विभिन्न कलाकारहरुले गीत संगीत प्रस्तुत गर्दै सांगीतिक माहोल बनाएका थिए । गायकहरु राजेश मान के. सी, कपिल कस्पाल, बिजेन्द्र चवाल, प्रविन शाही, बिनोदराज ढुङेल, श्रीजल मधिकर्मीले आफ्नो सांगीतिक प्रस्तुति दिएका थिए । कार्यक्रम को हौसला बढाउन बरिस्ठ गीतकार सुवासचन्द्र ढुङ्गेल, गायक अजर जंगम, साश्त्रीय गायक सुनिल लोहला, संगीतकार हेम लामा र सुमन रंजीतकार, त्यसै गरेर साहित्यकार अनिश शाक्यसहित संचारकर्मी मतिना लिबि, रेणु त्वायनाबासु लगायत को सहभागिता रहेको समाजका सचिव अल्बर्ट बज्राचार्यले बताए ।
कार्यक्रमको संयोजन गायक एवम् समाजका उपाध्यक्ष तथा रागरागिनी इन्टरटेन्मेन्ट प्रा.लि. का प्रमुख कपिल कस्पालले  गरेका बताइएको छ । पाँचौ स्थापना दिवसको अवसरमा रक्तदान कार्यक्रम सम्पन्न गर्न सकेकोमा समाजका अध्यक्ष प्रविण शाहीले सन्तोष ब्यक्त गरेका छन् । आगामी दिनमा यस्ता सामाजिक काममा समाजलाई थप क्रियाशील बनाइने उनले बताएका छन् ।