News Portal

  • भक्तपुरको कमलविनायकमा राष्ट्रिय वाणिज्य बैंकको शाखा बिस्तार

    भक्तपुर, १४ मङ्सिर २०७८
    ४३२ पटक
    banijya bank kamalbinayakभक्तपुर, १४ मङ्सिर २०७८

    भक्तपुरको कमलविनायकमा राष्ट्रिय वाणिज्य बैंकको शाखा बिस्तार भएको छ । मंगलबार एक कार्यक्रमकाबीच उक्त शाखाको उद्घाटन भएको हो ।

    भक्तपुर नगरपालिकाका प्रमुख सुनिल प्रजापति र राष्ट्रिय वाणिज्य बैंकका प्रमुख कार्यकारी अधिकृत किरणकुमार श्रेष्ठले कमलविनायक शाखाको संयुक्तरुपमा उद्घाटन गरेका हुन् ।

    उक्त अवसरमा आयोजित सभालाई सम्बोधन गर्दै नगर प्रमुख प्रजापतिले उत्पादनका साधनहरुमा राज्यको नियन्त्रण नहुँदा राज्य बलियो बन्न नसकेको बताए । सरकारले संचालन गरेका उद्योग धन्दा बन्द हुनु दुखद् भएको भन्दै उनले राज्य संलग्न भएको संस्था राम्रो हुनुपर्ने आवश्यकता औल्याएका थिए ।

    राष्ट्रिय वाणिज्य बैंक सरकारको पूर्ण स्वामित्व भएको व्यवसायिक बैंक भएकोले यसले जनताको अधिकत्तम सेवालाई मध्यनजर गरी निजी बैंकहरु भन्दा राम्रो सेवा दिनुपर्ने उनले सुझाव समेत दिए ।
    निजी र विदेशी बैंकलाई पूर्ण रुपमा छुट दिए देशका सरकारी बैंकहरु डुब्ने खतरा रहेको भन्दै उनले सरकारी बैंक सरकार र जनताको पहिलो प्राथमिकतामा पर्नुपर्ने प्रष्ट पारे ।

    कार्यक्रममा राष्ट्रिय वाणिज्य बैंकका प्रमुख कार्यकारी अधिकृत किरणकुमार श्रेष्ठले बैंकले देशका सबै स्थानीय तहमा आफ्नो शाखाहरु विस्तार गर्दै लाने लक्ष लिएको बताए । भक्तपुर नगरपालिकाले शिक्षा र स्वास्थ्य क्षेत्रमा गरिरहेको कार्यहरुबाट आफूहरु प्रभावित भएको भन्दै उनले सरकारी बैंक प्रतिको सकारात्मक सोच प्रति नगर प्रमुख प्रजापति र नगरपालिका प्रति आभार प्रकट गरेका थिए ।

    कार्यक्रममा भक्तपुर नगरपालिका वडा नं. ९ का वडाध्यक्ष रबिन्द्र ज्याख्व,राष्ट्रिय वाणिज्य बैंकको बागमती प्रदेश प्रमुख सोनी श्रेष्ठ, भक्तपुर उद्योग वाणिज्य संघका अध्यक्ष शिवप्रसाद मानन्धर, नायब प्रमुख कार्यकारी अधिकृत कविराज अधिकारी, बैंकका जितेन्द्रसिंह थापा, नेकपा(माओवादी केन्द्र)का भक्तपुर नगर संयोजक साजन प्रजापति लगायतले बैंक र वित्तीय सस्थाहरुले समाज बिकाशमा पार्ने प्रभाव र पुर्याउनुपर्ने योगदानबारे चर्चा गरेका थिए ।

    राष्ट्रिय वाणिज्य बैंक कमलविनायक शाखाकी प्रवन्धक एलिजा कायस्थले बताए अनुसार कमलविनायक शाखाले गत असोज १६ गतेबाट नै सेवा सुचारु गरेको भएपनि औपचारिक उद्घाटन भने भर्खरै मात्र भएको हो । यो शाखा २५४ औ शाखा भएको उनको भनाइ छ । आफ्नो शाखाबाट सेवाग्राहीलाई सबै बैंकिंग सेवा छिटो छरितो र विश्वासिलो ढंगले उपलब्ध गराइने उनले दावी गरिन । राष्ट्रिय वाणिज्य बैंक सरकारी बैंक मात्र नभई सरकारको पूर्ण स्वामित्व भएको एकमात्र बैंक भएको भन्दै भक्तपुरकी स्थानीय समेत रहेकी कायस्थले आफूहरुलाई सेवाको अवसर दिन अनुरोध गरेकी छन् ।

    प्रतिकृया दिनुहोस्

    आईपीएल अक्सनमा नेपालका १५ खेलाडी

    इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा...

    मौसमीफ्लू कि कोभिड कसरी थाहा पाउने

    कोभिड महामारीकाबीच मौसममा देखिएको प्रभावका कारण कोभिडजस्तै लक्षण भएका मानिसहरूको सङ्ख्यामा वृद्धि देखिएको चिकित्सकहरूले बताएका...

    रहेनन् पूर्व सांसद एवं साल्ट ट्रेडिङका अध्यक्ष मानन्धर

    साल्ट ट्रेडिङ कर्पोरेसनका अध्यक्ष एवम् नेपालका चर्चित उद्योगी लक्ष्मीदास मानन्धरको निधन भएको छ । पछिल्लो समय...

    जोरबिजोर नियम अनुसार सवारी चलाउन सिडिओ शर्माको आदेश

    rudra sharma

    काठमाडौँ उपत्यकाभित्र चल्ने यातायातमा जोरबिजोर प्रणाली लागू गरिएको छ । कोभिड नियन्त्रणका लागि भन्दै प्रमुख...

    समाजवादी प्रेस संगठन भक्तपुरको अध्यक्षमा कार्की, सचिवमा चौलागाईं

    नेपाल कम्युनिष्ट पार्टी (एकीकृत समाजवादी) निकट समाजवादी प्रेस संगठन नेपाल भक्तपुरको नेतृत्वमा पत्रकार दिनेश कार्की...