News Portal

  • आईपीएल अक्सनमा नेपालका १५ खेलाडी

    भक्तपुरपोस्ट संवाददाता भक्तपुर, ८ माघ २०७८
    २८६ पटक
    भक्तपुर, ८ माघ २०७८

    इन्डियन प्रिमियर लिग ( आईपीएल ) को अक्सन फेब्रुअरी १२ र १३ तारिखमा भारतको बैंगलोरमा हुँदैछ। उक्त अक्सनमा नेपालबाट १५ जना खेलाडीले नाम दर्ता गराएका छन्।

    आईपीएलले शनिवार बिज्ञप्ति जारि गर्दै यो सिजन अक्सनको लागि विश्वभरबाट १ हजार २ सय १४ जना खेलाडीले नाम दर्ता गराएको घोषणा गरेको छ। त्यस मध्ये एसोसिएट राष्ट्र बाट कुल ४१ खेलाडीले नाम दर्ता गराएका छन्।

    भारत बाहेक देशका कुल ३१८ जना खेलाडीले अक्सनमा नाम दर्ता गराएका छन्। ओमानबाट ३ जना, अमेरिकाबाट १४ जना, स्कटल्याण्डबाट १ जना, नेदरल्याण्डबाट १ जना, नामिबियाबाट ५ जना तथा भुटानबाट १ जना खेलाडीले नाम दर्ता गराएका छन्। टेस्ट राष्ट्र जिम्बाब्वेबाट मात्र २ जना तथा आयरल्याण्डबाट मात्र ३ जना खेलाडीले नाम दर्ता गराएका छन्। अफगानिस्तानबाट २० जना, अस्ट्रेलियाबाट ५९ जना, बंगलादेशबाट ९ जना, इंग्ल्यान्डबाट ३० जना, न्युजिल्यान्डबाट २९ जना, दक्षिण अफ्रीकाबाट ४८ जना, श्रीलंकाबाट ३६ जना, वेस्टइन्डिजबाट ४१ जना खेलाडीले नाम दर्ता गराएका हुन्।

    अक्सनमा राष्ट्रिय क्रिकेट टिमका कप्तान सन्दिप लामिछाने सहित दिपेन्द्र ऐरी, सोमपाल कामि, करन केसी, कुशल मल्ल, शरद भेसावकर, बिनोद भण्डारी, अविनाश बोहरा, आरिफ शेख, सुशन भारि, रोहित पौडेल, कुशल भुर्तेल, सन्दिप जोरा, पवन सर्राफ र आसिफ शेखले नाम दर्ता गराएका छन्।

    अक्सनमा दर्ता भएका सबै जना खेलाडीलाई अक्सनमा बोलि भने लाग्ने छैन। नाम दर्ता गराएका खेलाडी मध्ये फ़्रेन्चाइजहरुले इच्छा देखाएका खेलाडीहरु तथा छानिएका अन्य खेलाडीहरुलाई मात्र अक्सनमा प्रस्तुत गरिनेछ। सन् २०१८ मा भएको अक्सनमा ५७८ जना खेलाडीले नाम दर्ता गराएकोमा २९२ जना खेलाडीमा मात्र बोलि लागेको थियो। यो पटक पनि यसरी नै निश्चित खेलाडीहरुलाई छनोट गरेर अक्सनमा प्रस्तुत गरिनेछ।

    सन्दिप लामिछानेले बाहेक हालसम्म अन्य नेपाली खेलाडी आईपीएल खेल्न छनोट भएका छैनन्। सोमपाल कामिले ग्लोबल टि-२० लिग क्यानडा खेलेका छन् भने पारस खड्का, करन केसी, सोमपाल कामि र कुशल मल्लले युएई टि-१० लिग खेलेका थिए। त्यस बाहेक विश्वका ठूला लिगमा नेपाली खेलाडीले नाम दर्ता गराएता पनि छनोट भने हुने गरेका छैनन्।

    आईपीएलमा बिक्रि होलान् सन्दिप ?

    नेपाली राष्ट्रिय टिमका कप्तान सन्दिप लामिछाने गत सिजन आईपीएल मिनी अक्सनमा बिक्रि भएका थिएनन्। दिल्ली क्यापिटल्सले रिलिज गरेपछि भएको मिनी अक्सनमा सन्दिपले आफ्नो बेस प्राइस ४० लाख भारु राखेका थिए। यो पटक सन्दिपले कति बेस प्राइस राखेका छन् खुलेको छैन। उनले बेस प्राइस १ करोड भारु भन्दा कम राखेको भने अनुमान गर्न सकिन्छ। भारतीय मिडियाहरुले सार्वजनिक गरेको १ करोड र डेढ करोड भारुमा नाम दर्ता गराएका खेलाडीको सुचीमा सन्दिपको नाम छैन।

    २०१८ मा २० लाख भारुमा बिक्रि भएपछि तिन सिजन दिल्लीमा रहेका उनले कुल ९ खेल खेल्दा १३ विकेट आफ्नो नाम गरेका थिए। २०२० को सिजन बेन्चमै राखेपछि अर्को सिजन दिल्लीले उनलाई रिलीज गरेको थियो।

    यो सिजन बिग ब्यास लिगमा सुरुवात राम्रो नरहेता पनि दोश्रो भागमा उत्कृस्ट प्रदर्शन गरेका सन्दिप यो पटक आईपीएलमा बिक्ने नबिक्ने सबैको कौतुहलता छ। बिग ब्यास लिगमा उनले १४ खेलमा १४ विकेट लिंदै राम्रो छाप छाडेका छन्। उनले लिगको सुरुवाती ६ खेलमा मात्र २ विकेट लिन सकेका थिए। तर त्यसपछि उत्कृस्ट पुनरागमन गरेका उनले बाँकी ८ खेलमा १२ विकेट हात पारे। कुल १४ खेल खेल्दा सन्दीपले १४ विकेटनै लिए। यस क्रममा उनले ७.७९ रन प्रतिओभर खर्चिए। प्रतियोगितामा धेरै विकेट लिने स्पिनरको सुचीमा उनि राशिद खान ( २० विकेट ) र एस्टन एगर ( १५ विकेट ) पछि तेश्रो स्थानमा रहे।

    बिग ब्यासको प्रदर्शन पछि सन्दिपलाई लिन टिमहरुले इच्छा देखाउन सक्नेछन्। विश्वभर लिग खेलेको अनुभव पनि सन्दिपलाई लिने कारण बन्न सक्छ। आईपीएलमा दुई वटा नयाँ टिम अहमदावाद र लखनउ थपिएसंगै सन्दिपको आईपीएलमा छनोट हुने सम्भावना बढेको छ। तर उनि बिक्रि हुनेछन् या छैनन् थाहा पाउन भने फेब्रुअरी १२ तारिख कुर्नेपर्नेछ।

    प्रतिकृया दिनुहोस्

    भक्तपुरमा भयरहीत वातावरणमा शान्तिपूर्ण तवरले निर्वाचन सम्पन्न

    भक्तपुरकी प्रमुख जिल्ला अधिकारी रुद्रादेवी शर्माले सीमित साधन र श्रोतका बीचपनि भक्तपुरमा शान्तिपूर्ण तवरले निर्वाचन...

    भक्तपुर औधोगिक क्षेत्रलाई स्थानान्तरण गर्नुपर्छ : सांसद सुवाल

    prem suwal

    भक्तपुरका संघीय सांसद समेत रहेका नेमकिपाका सचिव प्रेम सुवालले  ब्यासीस्थित बस्तीको बीचमा रहेको औधोगिक क्षेत्रलाई...

    मतदान स्थलमै मतगणना गर्नुपर्छ : न्यायाधिश बास्तोला

    गोपाल gopal prasad bastola

    भक्तपुरका मूख्य निर्वाचन अधिकृत एवं जिल्ला अदालतका न्यायाधिश गोपालप्रसाद बास्तोलाले निर्वाचन गराउन बजेट र जनशक्ति...

    ईश्वरको सपथ लिन इन्कार गरेका कम्युनिष्ट मेयरको उद्घोष : जनताको सेवाबाहेक स्वार्थ छैन

    भक्तपुर नगरपालिकाका नव निर्वाचित जनप्रतिनिधिको प्रमाण पत्र वितरण तथा शपथ ग्रहण कार्यक्रम सम्पन्न भएको छ...

    सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको...