News Portal

  • सांसद बस्नेतको तुलना नेमकिपाका नसससंग समेत हुन सक्दैन : सुनिल प्रजापति

    भक्तपुरपोस्ट संवाददाताभक्तपुर, २४ बैशाख २०७९
    २७२९ पटक
    भक्तपुर, २४ बैशाख २०७९

    नेपाल मजदुर किसान पार्टी(नेमकिपा)का केन्द्रीय सदस्य एवं भक्तपुर नगरपालिकाका निवर्तमान मेयर सुनिल प्रजापतिले नेकपा (एमाले)का नेता एवं सांसद महेश बस्नेत प्रति आक्रोश व्यक्त गरेका छन । सांसद बस्नेतको  तुलना नेमकिपाका नसससंग समेत हुन नसक्ने भन्दै उनले आक्रोश व्यक्त गरेका हुन् ।

    शनिवार बिहान सांसद बस्नेतले नेमकिपा र नगरपालिका माथि आरोप लगाएको स्थान भनपा १ नपलीमै दिउँसो पुगेर मेयरका उम्मेदवार समेत रहेका नेता प्रजापतिले सांसद बस्नेतको चरित्र राम्रो नभएकोले उनको आरोपको खण्डन गरिराख्नु नपर्ने जिकिर गरे । सांसद बस्नेत गुण्डा नाइके भएको र सांसद अपहरणकारी समेत रहेको उनकै पार्टीका नेताहरुले भनेको भन्दै नेता प्रजापतिले त्यस्ता चरित्रहिन बस्नेतको कुराले केहि असर नपर्ने बताए । नेमकिपा सिंहमरमर भएको र कसैले हिलो छ्यापेर यसलाई फोहोर सावित गर्न नसक्ने समेत ठोकुवा गर्दै निवर्तमान मेयर प्रजापतिले एमालेले चलाएको काठमाडौ महानगर लगायत जिल्लाका नगरपालिका समेत जनताले राम्ररी देखेको भन्दै व्यंग्य गरे ।

    नगरपालिकाकै स्वामित्वमा विद्यालय,कलेज, अस्पताल लगायत संचालन गर्ने भक्तपुर एकमात्र नगरपालिका भएको र देशकै उदाहरणीय नगरपलिकाको रुपमा रहेको स्मरण गर्दै उनले कसैले नराम्रो भन्दैमा जनता भ्रमित नबन्ने बताए । नेमकिपाका केन्द्रीय सदस्य प्रजापतिले एमाले पोलिटब्युरो सदस्य बस्नेतलाई कम्युनिष्ट बिचार र सिद्धान्त अध्ययन गर्न आग्रह गर्दै गाह्रो भए आफ्ना कार्यकर्ताले ट्युसन पढाइदिने समेत बताए ।

    त्यसैगरी नेता प्रजापतिले नेकपा माओवादी केन्द्रका नेता देवेन्द्र श्रेष्ठको आरोपमाथि पनि कडा टिप्पणी गरेका छन । जनयुद्धको नाममा माओवादीले खर्बौखर्बको ध्वंश गरेको र १७ हजारको ज्यान लिएको उल्लेख गर्दै उनले त्यस्तो माओवादीले नेमकिपासंग विकासको कुरा गर्न नसुहाउने बताए ।

    उनले भक्तपुरमा आफूहरुले भौतिक उत्प्रेरणा र प्रलोभन नबाडेको र चुनावी प्रतिवद्धता अनुरुप कामहरु गरी भक्तपुरलाई नमूना नगरपालिको रुपमा विकास गरेको बताए । उनले अहिले भक्तपुरमा माओवादी, काँग्रेस र एमाले एकजुट भएर चुनाव लडेको भएता पनि नेमकिपालाई केहि असर नपर्ने उल्लेख गर्दै १० वटा टाउको भएर पनि रावण पराजित भए जस्तै भक्तपुरका गठबन्धन पराजित हुने दावी गरे । उनले चुनाव कुस्ती प्रतियोगिता नभएकोले यहाँ बिचारको प्रतिष्पर्धा हुनुपर्ने र जनताले सही बिचार भएकोलाई निर्वाचित गर्नुपर्ने भन्दै आफूहरु अत्यधिक बहुमतले बिजयी हुने विश्वास व्यक्त गरेका थिए ।

    भनपा १ मा नेमकिपाले निवर्तमान वडाध्यक्ष श्यामकृष्ण खत्रीकै नेतृत्वमा उम्मेदवार उठाएको छ भने रमेश न्याइच्याईको नेतृत्वमा एमाले काँग्रेस र माओवादी केन्द्रले संयुक्त चुनावी गठबन्धन बनाएका छन ।

    प्रतिकृया दिनुहोस्

    शोकमा रहेका डा लम्साललाई राहत, सचिवमा पदोन्नति गर्ने सरकारको निर्णय

    शिक्षा सेवाका सहसचिव डा हरि लम्सालको सचिवमा पदोन्नति भएको छ । स्याङ्जा स्थायी घर भइ...

    आजबाट एसईई शुरु, बेमौसमी वर्षाले परीक्षार्थी बिरामी हुने जोखिम

    भक्तपुर । माध्यमिक शिक्षा उतीर्ण परीक्षा एसईई(कक्षा-१०) आज बिहीवारबाट शुरु भएको छ । एसईईको पहिलो...

    जनप्रतिनिधि पार्टी नभई जनता केन्द्रीत हुनुपर्नेमा सांसद थापाको जोड

    भक्तपुरका प्रतिनिधि सभा सदस्य सांसद दुर्लभ थापाले जनप्रतिनिधिहरुले पार्टीको नभई जनताको आश्यकता हेरेर काम गर्नुपर्नेमा...

    मध्यपुर थिमिको बोडेमा चैत २६ गते धिमे प्रतियोगितासंगै सांस्कृतिक मेला र मिनी फुड फेस्टिवल

    भक्तपुरको मध्यपुर थिमिस्थित प्राचिन शहर बोडेमा उपत्यकाब्यापी धिमे बाजा प्रतियोगिता तथा सांस्कृतिक मेला हुने भएको...

    ललितपुरमा २ युवाको हत्या आरोपी ४ सार्वजनिक

    ललितपुर । ललितपुरको ढोलाहिटीमा दुई युवाको हत्या भएको घटनामा संलग्न भएका आरोपीहरूलाई प्रहरीले सार्वजनिक गरेको...