News Portal

  • सूर्यविनायकमा एमाले नेतृत्वको निरन्तरता : मेयरमा थापा र उपमेयरमा भट्टराई निर्वाचित

    भक्तपुरपोस्ट संवाददाता सूर्यविनायक, ४ जेठ २०७९
    २८१ पटक
    सूर्यविनायक, ४ जेठ २०७९

    सूर्यविनायक नगरपालिकामा नेकपा (एमाले)ले आफ्नो नाक राखेको छ । जिल्लाका २ पालिकाको नेतृत्व गुमाउन पुगेको एमालेले सूर्यविनायकमा भने जीत कायम राखेको हो ।

    नेपाली कांग्रेस र नेकपा (एकीकृत समाजवादी)को गठबन्धनलाई पराजित गर्दै प्रमुखमा बासुदेव थापा र उपप्रमुखमा सरिता भट्टराई निर्वाचित भएसंगै सूर्यविनायकमा एमाले उत्साहित बनेको छ । सूर्यविनायक एमाले नेता महेश बस्नेत र कांग्रेस जिल्ला सभापति दुर्लभ थापाको गृह नगर भएको कारण पनि प्रतिस्पर्धालाई विशेष महत्वको साथ् हेरिएको थियो ।

    निवर्तमान नगर प्रमुख समेत रहेका मेयरका उम्मेदवार नेकपा एमालेका जिल्ला सचिव बासुदेव थापाले १४ हजार ७ सय ५८ मतका साथ निकटतम प्रतिष्पर्धी गठबन्धनका तर्फबाट उम्मेदवार बनेका नेपाली कांग्रेसका नगर सभापति निशान ढुंगेललाई पराजित गर्न सफल भएका हुन् । ढुंगेलले १३ हजार २ सय ३२ मत प्राप्त गरे ।

    त्यसैगरी उपप्रमुखमा एमालेकी सरिता भट्टराईले १४ हजार ४ सय ९० मतसहित निकटम प्रतिष्पर्धी एकीकृत समाजवादीका श्याम बस्नेतलाई पछि पारिन । बस्नेतले ६ हजार ६ सय ६१ मतमै चित्त बुझाउनु परेको छ ।

    सूर्यविनायकमा नेकपा एमालेले ५ र नेपाली कांग्रेसले पनि ५ वटा वडामा जीत हासिल गरेका छन् । निकै रोमाञ्चक प्रतिष्पर्धामा आफ्नो गृह वडाको गणना नै निर्णायक बन्दा एमाले उम्मेदवार थापाले कांग्रेस उम्मेदवार ढुंगेललाई जीतको स्वाद चाख्न दिएनन । यद्यपी अघिल्लो पटक ३ वटा वडामै चित्त बुझाउन बाध्य कांग्रेसले यसपटक ४ र ९ मा वडा अध्यक्ष जित्न सफल भएसंगै एमाले बरावर वडा जितेर आफ्नो हैसियत उकास्न भने सफल भएको छ ।

    प्रतिकृया दिनुहोस्

    माओवादी केन्द्रका केन्द्रीय सदस्य एवं भक्तपुरका नेता ढकालले दिए पार्टीलाई ६ बुँदे सुझाव

    नेकपा (माओवादी केन्द्र) का केन्द्रीय सदस्य रहेका भक्तपुरका युवा नेता डिपी ढकालले पार्टी लाई ६...

    विश्वविद्यालयको पठनपाठनमा अवरोध हुने गतिविधि राम्रो होइनः शिक्षामन्त्री पौडेल

    शिक्षा, विज्ञान तथा प्रविधिमन्त्री देवेन्द्र पौडेलले विश्वविद्यालयहरूमा तालाबन्दी लगाउने काम हुन नदिन सरकार सचेत रहेको...

    भारतीय दूतावासका भारतीय सुरक्षा गार्डद्धारा आफैँलाई गोली हानी आत्महत्या

    काठमाडौँको लैनचौरस्थित भारतीय दूतावासमा कार्यरत भारतीय सुरक्षा गार्डले ड्युटी समयमै आफैँलाई गोली हानी आत्महत्या गरेका...

    एसपीपीमा संलग्न भएको प्रमाण देखाउन ओलीको माग

    नेकपा एमालेका अध्यक्ष केपी शर्मा ओलीले एसपीपीमा सहभागि हुने विषयमा सुशील कोइराला नेतृत्वकै सरकारले एसपीपीमा...

    इनफ इज इनफः केपी ओली

    नेकपा एमालेका अध्यक्ष केपी शर्मा ओलीले सत्तारूढ दलका नेताहरूलाई अमेरिकासँग भएको स्टेट पार्टनरशिप प्रोग्राम (एसपीपी)...