भक्तपुरपोस्ट संवाददाता भक्तपुर, ६ असोज
भक्तपुर, ६ असोज भक्तपुरको सूर्यविनायकमा एक टुरिष्ट बसको ठक्करबाट एकल महिलाको मृत्यु भएको छ । पैदलयात्रा गरिरहेकी उनलाई सल्लाघारीबाट जगाती तर्फ जाँदै गरेको बा.१ प. १५५१ नं. को पर्यटक बोक्ने बसले बिहीवार बिहान ठक्कर दिंदा उनको ज्यान गएको हो ।
ज्यान गुमाउनेमा भक्तपुर नगरपालिका वडा नं. १ दुधपाटी बस्ने वर्ष ७२ की दिलमाया श्रेष्ठ रहेकी छन् । बिहान करिब पौने ८ बजे बसको ठक्कर बाट घाइते दिलमायालाई उपचारको लागी डा. ईवामुरा अस्पताल पुर्याइएको थियो । उपचारकै क्रममा ८:१५ बजेको समयमा उनको ज्यान गएको डिएसपी राजु पाण्डेले पुष्टि गरे ।
ठक्कर दिने बस र चालक सिन्धुपाल्चोक चौतारा साँगाचोकगढि १ घर भई हाल बालाजु बस्ने वर्ष २९ को बिनोद कार्कीलाई प्रहरी वृत्त जगातीको नियन्त्रणमा लिई थप अनुसन्धान कार्य भइरहेको बताइएको छ ।