News Portal

  • संविधानको रक्षा नै वर्तमान सरकारको प्रमुख उपलब्धी

    भक्तपुरपोस्ट संवाददाता भक्तपुर, ११ असोज २०७९
    ३२० पटक
    durlabh thapaभक्तपुर, ११ असोज २०७९

    पूर्व उपप्रधानमन्त्रीसमेत रहेका नेपाली काँग्रेसका नेता प्रकाशमान सिंहले वर्तमान सरकारले संविधानको रक्षा गरेको दावी गरेका छन् । संविधानको रक्षा गर्नु नै देउवा सरकारको प्रमुख उपलब्धी रहेको उनले दावी गरेका हुन् ।

    सोमबार सूर्यविनायक नगरसमितिले दशैँको अवसर पारेर कटुन्जेमा आयोजना गरेको शुभकामना आदानप्रदान कार्यक्रमलाई सम्बोधन गर्दै नेता सिंहले कम्युनिष्टले देशमा शासन गर्न नसक्ने समेत जिकिर गरे । ”संविधान निर्माण गर्न पनि काँग्रेस नेतृत्वको सरकार सफल भयो, ओली प्रवित्तिको अन्त्य र संविधानको रक्षा गर्न पनि काँग्रेसकै नेतृत्व आवश्यक भयो ।” उनले भने ।

    नेता सिंहले दुई तिहाइ नजिकको केपी ओली सरकारले संघीयता लाई कमजोर पार्ने काम मात्र गरेको आरोप लगाए । प्रादेशिक र स्थानीय सरकारलाई अधिकार प्रत्यायोजन गर्न कानुन बनाउनुपर्ने बेला अनेक बखेडा झिकेर ओली सरकारले संघीयता कमजोर पार्ने मात्र नभई संसद विघटन मार्फत संविधान नै ध्वस्त पार्न खोजेको उनको भनाइ छ । नेता सिंहले संविधान लागू गर्न र देशलाई स्थिरतामा लैजान गठबन्धन बनेको हुनाले चुनावमा गठबन्धनप्रति इमान्दार हुन कार्यकर्तालाई आग्रह गरेका थिए ।

    उक्त कार्यक्रममा नेपाली काँग्रेस भक्तपुरका सभापति दुर्लभ थापाले भक्तपुरबाट निर्वाचित सांसद महेश बस्नेतले भक्तपुरकै बद्नाम गरेको आरोप लगाए । उनले सांसद बस्नेतलाई ब्यापारी, अपहरणकारी र गुण्डा नाइकेको रुपमा देशले चिन्दा भक्तपुरकै बद्नाम भएको भनेका थिए । भक्तपुरमा काँग्रेसले गरेको बिकास निर्माणमा एमालेले रफु भर्ने काम मात्र गरेको दावी गर्दै सभापति थापाले भक्तपुरको बिकास आफू एक्लैले गरेको भ्रम नछर्न सांसद बस्नेतलाई आग्रह गरे । उनले जनताको लागि नभई मुठीभर व्यक्ति र व्यवसायीको हितको लागि बाटो पीच गरेको सभापति थापाले आरोप लगाएका छन् ।

    कार्यक्रम संयोजक सुरेश केसीको सभापतित्वमा सम्पन्न कार्यक्रममा स्वागत मन्तब्य नगर सभापति निशान ढुंगेलको रहेको थियो । सचिव विश्वराम थापाले संचालन गरेको कार्यक्रममा केन्द्रीय सदस्य रमा पौडेलले पनि मन्तब्य राखेकी नगर प्रवक्ता रमेश खड्काले जानकारी गराए । उक्त अवसरमा काँग्रेस नेता एवं बागमती प्रदेशका भौतिक योजना मन्त्री कृष्णलाल भडेल, नेता कविर राणा, चागुनारायणका मेयर जीवन खत्री, मध्यपुर थिमीका मेयर सुरेन्द्र श्रेष्ठ लगायतको आतित्थ्यता रहेको थियो ।

    प्रतिकृया दिनुहोस्

    दुर्लभ थापालाई निवासमै पुगी महेश बस्नेतको बधाई

    निर्वाचन क्षेत्र नम्बर २ का प्रतिनिधि सभा सदस्यका निकटत्तम प्रतिस्पर्धी रहेका नेकपा एमालेका उम्मेदवार महेश...

    भक्तपुर-१ मा नेमकिपाका सुवाल तेब्बर भन्दा बढी मतान्तरले बिजयी

    prem suwal

    भक्तपुर क्षेत्र नं. १ मा नेपाल मजदुर किसान पार्टी उम्मेदवार प्रेम सुवालले पुनः विजय प्राप्त...

    भक्तपुर-२ मा दुर्लभ थापाको रोमाञ्चक जीत, पूर्वमन्त्री महेश बस्नेत पराजित

    नेपाली कांग्रेसका जिल्ला सभापति रहेका गठबन्धनका साझा उम्मेदवार दुर्लभ थापाले भक्तपुर-२ मा बिजय प्राप्त गरेका...

    ४ महिना थप ३७ जनामा एचआइभी एड्स संक्रमण

    झापामा चार महिनाको अवधिमा ३७ एचआइभी एड्स सङ्क्रमित थपिएका छन् । यस वर्षको साउनदेखि कात्तिकसम्ममा...

    सुनसरी -४ बाट सञ्चार मन्त्री कार्की निर्वाचित

    सुनसरी क्षेत्र नम्बर–४ बाट सूचना तथा सञ्चार मन्त्री एवम् नेपाली कांग्रेसका उम्मेदवार ज्ञानेन्द्रबहादुर कार्की निर्वाचित...

    अङ्ग्रेजी माध्यमले तान्यो विद्यार्थीको आकर्षण

    गुल्मी मालिका गाउँपालिका–४ का १२ वर्षे अमृत अर्याल विद्यालय पुग्न दैनिक तीन घण्टा पैदल हिँड्नुहुन्छ...

    कामनपाको आतंक मच्चाउने कार्य रोक्न महासंघको माग

    अखिल नेपाल किसान महासंघ (क्रान्तिकारी केन्द्र)ले काठमाडौँ महानगरपालिकाको क्रियाकलापहरू तत्काल रोक्न महानगरपालिकासमक्ष जोडदार माग गरेको...

    विपद्बाट बच्न सँधै तयार रहनुपर्ने : प्रमुख प्रजापति

    भक्तपुर नगरपालिकाका प्रमुख सुनिल प्रजापतिले विपद् जोखिम अप्रत्यासित रुपमा आइपर्ने काबु बाहिरको परिस्थिति भएले यसबाट...