भक्तपुर, २ फागुनभक्तपुरमा बिहीवार मेयर कप भलिबल प्रतियोगिताको उद्घाटन हुने भएको छ । भक्तपुर नगरपालिकाले आयोजना गरेको उक्त प्रतियोगिता भोलीबाट शुरु हुन लागेको हो ।
नेपाल मजदुर किसान पार्टीका केन्द्रिय अध्यक्ष नेता नारायणमान बिजुक्छेले प्रतियोगिताको औपचारिक उद्घाटन गर्ने कार्यक्रम रहेको संयोजक श्याम कृष्ण खत्रीले जानकारी गराएका छन । शहिद स्मृति खेल मैदानमा बिहान ९ बजे उद्घाटन कार्यक्रम राखिएको छ । त्यस अघि बिहान ७:३० बजे दत्तात्रयमा भेला भै र्यालीमा सहभागी हुन खेलप्रेमीहरुलाई नगरपालिकाले अनुरोध समेत गरेको छ ।
उक्त प्रतियोगितामा देशभरका २१ नगरपालिका सहभागी हुने बताइएको छ । इभक्तपुरसंग कुरा गर्दै भक्तपुर नगरपालिकाका मेयर सुनिल प्रजापतिले यस्तो खाले प्रतियोगिताले खेल र खेलाडीको बिकास हुनुका साथै नगरपालिकाहरुको दुरी पनि घट्ने र भाइचारा बढ्ने बिश्वास व्यक्त गरेका छन् ।
हाम्रो फेसबुक पेज लाइक गरेर तथा ट्वीटरमा फलो गरेर सामाजिक संजालमै पनि समाचार प्राप्त गर्न सकिन्छ ।