इभक्तपुर संवाददाताभक्तपुर, ९ चैत
भक्तपुर, ९ चैतभूमिसुधार कार्यालय, भक्तपुरमा कार्यरत नायव सुब्बा अख्तियारको फन्दामा परेका छन् । नायव सुब्बा कमल भुजेल आज अखियारको फन्दामा परेका हुन् ।
चाँगुनारायण नगरपालिका वडा नं.- ८ मा रहेको एक जग्गाको मोही कायम गर्ने प्रयोजनको लागि सेवाग्राहीसँग घुस खाएका भुजेल लाइ अख्तियारको टोलीले रंगेहात समातेको हो । रकम माग गरिरहेको भन्ने उजुरी एवं सूचनाको आधारमा अख्तियार दुरुपयोग अनुसन्धान आयोगको कार्यालय टङ्गालबाट खटिइ गएको टोलीले उनलाई समातेको अख्तियारका प्रवक्ता दीर्घराज मैनालीले जानकारी दिएका छन ।
भुजेल दश हजार घुस वापतको रकम लिइसकेको अवस्थामा पक्राउ परेका हुन् । उनलाई ब्यासीमा रहेको कार्यालय परिसर भित्रबाट अख्तियार टोलीले नियन्त्रणमा लिएको हो । उनलाई नियन्त्रणमा लिएर आवश्यक अनुसन्धान कार्य भइरहेको अखियारको प्रवक्ता मैनालीले बताए ।