नेपालवाल संवाददाताभक्तपुर, ६ साउन
भक्तपुर, ६ साउनचाँगुनारायण नगरपालिका-२ बस्ने एक युवक प्रहरीको पोशाक लगाई फोटो खिचिरहेको अवस्थामा पक्राउ परेका छन् । पाँचथर मिक्लाजुङ गाउँपालिका-६ घर भइ चाँगुनारायण नगरपालिका-२ बस्ने १८ वर्षीय समिर महतलाई प्रहरीको पोशाक लगाई फोटो खिचिरहेको अवस्थामा शनिबार प्रहरीले पक्राउ गरेको हो ।
चाँगुनारायण नगरपालिका-२ दुवाकोट चारदोबाटोमा प्रहरी निरीक्षकको दर्ज्यानी चिन्ह सहितको चुस्ता लगाई फोटो खिचिरहेको अवस्थामा २ जोर चुस्ता सहित उनलाई प्रहरीले पक्राउ गरेको प्रहरीले जानकारी गराएको छ ।
यस सम्बन्धमा प्रहरीले थप अनुसन्धान गरिरहेको बताइएको छ ।