सर्लाही, १० मंसिर सर्लाहीको हरिवन -८ स्थित महादेव बहुउदेश्यीय कृषि सहकारी सस्थाको १७ औ साधारण सभा नयाँ नेतृत्व चयन गर्दै सम्पन्न भएको छ ।
सस्थाका अध्यक्ष फणिन्द्र अधिकारीको अध्यक्षता एवम समाजसेबी जेष्ठ सद्स्य तुलसी प्रसाद भट्टराई को प्रमुख आतिथ्यतामा भएको साधरण सभाले पुन: फणिन्द्र अधिकारीकै अध्यक्षतामा ११ सदस्यीय नयाँ कार्य समिती चयन गर्दै साधरण सभा सम्पन्न भएको हो ।
नयाँ कार्यसमितिको उपाध्यक्षमा खेम प्रसाद गौतम सचिवमा रामचन्द्र गौतम कोषाध्यक्षमा नानू कुमारी भट्टराई बराल सहित अन्य सबै सदस्य सर्वसम्मत रुपमा चयन भएको सस्थाका ब्यबस्थापक निश्चल पौडेलले बताए ।
त्यस्तै सभाले नरेन्द्र प्रसाद भट्टराई संयोजक रहेको तीन सदस्यीय लेखा समिति तथा सस्थापक अध्यक्ष रिपुमर्दन ढुङेल प्रमुख सल्लाहकार सहित नबराज सुवेदी ,सन बहादुर बिक ,रामहरी घिमिरे ,शान्ता घिमिरे ,अर्जुन श्रेष्ठ, ङमेन्द्र घिमिरे रहेको सात सदस्यीय सल्लाहकार समिति समेत मनोनित गरेको सस्था ले जनाएको छ ।
साधरण सभाको अबसरमा सस्थाका अध्यक्ष फणिन्द्र अधिकारीले कार्यपत्र प्रस्तुत गर्नुको साथै सचिब रामचन्द्र गौतमले आर्थिक प्रतिबेदन प्रस्तुत गर्दै आर्थिक बर्ष २०७४/०७५ मा सस्था ले ८० लाख ५० हजार ४ सय ९ रुपैया को कारोबार गरि ३ लाख १४ हजार ७ सय ७० रुपैया खुद मुनाफा गरेको जानकारी गराए ।
साधरण सभाको अबसरमा सस्थाले हरिवन नगरपालिकाका सहकारी प्रमुख एवम वडा नम्बर १० का अध्यक्ष शम्भु मैनाली ,स्वास्थ्य समिति संयोजक एवम वडा नम्बर ८ का वडा अध्यक्ष यज्ञ बिनोद ढुङेल लाई सम्मानपत्र दोसल्ला का साथै सस्थामा उत्कृष्ट बचत गर्ने ७ जना बचतकर्तालाई दोसल्लाका साथै कदर पत्र बाट सम्मान गरिएको सस्था का सचिव रामचन्द्र गौतमले जनाए ।