लियो क्लब अफ भक्तपुर सुर्यविनायकले फ़ुट्सल प्रतियोगिता सम्पन्न गरेको छ । १७ प्रतियोगी समुह बीच भएको रोमाञ्चक प्रतियोगिता शनिवार सम्पन्न भएको हो ।

भक्तपुरको सुटर्स फ़ुट्सलमा आयोजित प्रथम ‘अल नेपाल लियो ओपेन फुट्सल टुर्नामेन्ट -२०१९’ शनिवार सम्पन्न भएको हो । क्लबका अध्यक्ष प्रमिला तुल्सिबाक्योले रेफ्रीलाई बल हस्तान्तरन गरेर उक्त प्रतियोगिता उद्घाटन गरिएको थियो |

चालिस हजार धन राशी सहितको उक्त प्रतियोगिता आफ्नो पक्षमा पार्न १७ वटै समूहले आकर्षक खेल प्रदर्शन गरेका थिए । ‘अल नेपाल लियो ओपेन फ़ुट्सल टुर्नामेन्ट -२०१९’ को बिजेता बन्न भने ललितपुरको येती ग्रुप सफल भयो । भक्तपुरको सुटर्स ग्रुपले उपविजेतामा चित्त बुझाउनु परेको थियो ।
जुजु इभेन्टसँगको सहकार्यमा सम्पन्न उक्त प्रतियोगिता क्लबका उपाध्यक्ष सुशान्त सुवाल र कोषाध्यक्ष प्रमित बज्राचार्यले क्रमश बिजेता र उपविजेतालाई मेडल र सर्टिफिकेट हस्तान्तरन गरेर समापन गरिएको थियो भने , बिजेतालाई चालिस हजार रुपैयाको चेक हस्तान्तरन भने जुजु इभेन्टका एलिश मानन्धर, मिलन तमखु र रोहित मानन्धरले संयुक्त रुपमा गरेका थिए ।

युवाहरुमा जोश जाँगर बढाउन र खेलको माध्यमबाट भाइचारा कायम राख्न उक्त प्रतियोगिता आयोजना गरिएको आयोजक संस्थाले जानकारी गराएको छ ।