भक्तपुर, ११ भदौ नेपाल विद्युत प्राधिकरणका उपल्लो तहका कर्मचारीको सरुवा गरिदिएको छ । प्राधिकरणले विभिन्न वितरण केन्द्र प्रमुख तथा विभिन्न आयोजनामा प्रमुखको समेत सरुवा गरिदिएको हो ।
यसरी सरुवा भएकामा ७, ८ र ९ तहका गरी ८५ जना कर्मचारी रहेका छन् ।
प्राधिकरणले जनाए अनुसार ९ तहका ८ जना, ८ तहका ३९ जना र ७ तहका ३८ जना कर्मचारीको सरुवा भएको छ ।
प्राधिकरणले यसलाई नियमित सरुवा भएको बताएको छ । भदौ महिना सरुवाको महिना भएको र कार्यक्षमता र सुविधालाई ध्यान दिएर कर्मचारी सरुवा गरिएको दावी गरेको छ ।
यो सरुवा संगै प्रादेशिक कार्यालयबाट सुबोध शर्मा ठिमी वितरण केन्द्रको प्रमुखमा सरुवा भएका छन् ठिमीमा प्रमुख रहेका पार्थ श्रेष्ठ सरुवा सरुवा भएर प्रादेशिक कार्यालय काठमाडौ पुगेका छन् ।
त्यसैगरी भक्तपुर वितरण केन्द्रका प्रमुख प्रज्वलमान श्रेष्ठ सरुवा भै रत्नपार्क पुगेका छन् भने उनको स्थानमा सखुवा बाट राजकुमार रमण आएका छन् ।